ಆನೆಗಳಿಗೆ ಬಯೋಮೆಟ್ರಿಕ್‌, ಐಡಿ ಕಾರ್ಡ್‌! : ಶ್ರೀಲಂಕಾ ಸರ್ಕಾರದಿಂದ ಹೊಸ ಕಾನೂನು ಜಾರಿ

Team Udayavani, Sep 13, 2021, 8:54 PM IST

ಕೊಲಂಬೊ: ಶ್ರೀಲಂಕಾ ಸರ್ಕಾರ, ತನ್ನಲ್ಲಿರುವ ಆನೆಗಳನ್ನು ಕಾಪಾಡುವ ಸಲುವಾಗಿ ಹೊಸ ಕಾನೂನೊಂದನ್ನು ಜಾರಿಗೊಳಿಸಿದೆ.

ಅದರ ಪ್ರಕಾರ, ಲಂಕಾದಲ್ಲಿ ಆನೆಗಳನ್ನು ಸಾಕುವವರು ತಮ್ಮ ಆನೆಗಳಿಗೆ ಫೋಟೋ ಐಡಿ ಕಾರ್ಡ್‌, ಬಯೋಮೆಟ್ರಿಕ್‌ ಸೌಲಭ್ಯ ಹಾಗೂ ಡಿಎನ್‌ಎ ಸ್ಟಾಂಪ್‌ ಅನ್ನು ನೀಡುವುದು ಕಡ್ಡಾಯವಾಗುತ್ತದೆ. ಇನ್ನು, ಮರಿಯಾನೆಗಳಿಂದ ಯಾವುದೇ ಕೆಲಸ ಮಾಡಿಸಿಕೊಳ್ಳಬಾರದು. ಆನೆಗಳ ಪಾಲನೆಯಲ್ಲಿರುವ ಮಾವುತರು ಕರ್ತವ್ಯದ ವೇಳೆ ಮದ್ಯಪಾನ ಮಾಡುವಂತಿಲ್ಲ ಎಂಬಿತ್ಯಾದಿ ನಿಯಮಗಳೂ ಈ ಕಾನೂನಿನಲ್ಲಿ ಅಳವಡಿಸಲಾಗಿದೆ.

ಶ್ರೀಲಂಕಾದಲ್ಲಿ ಆನೆಗಳನ್ನು ಅಲ್ಲಿನ ಸಿರಿವಂತರು ಸಾಕುತ್ತಾರೆ. ಬೌದ್ಧ ಬಿಕ್ಕುಗಳಂತೂ ಇವುಗಳನ್ನು ತಮ್ಮ ಸಿರಿವಂತಿಕೆಯ ಧ್ಯೋತಕವೆಂಬಂತೆ ಸಾಕುತ್ತಾರೆ. ಆದರೆ, ಇತ್ತೀಚೆಗೆ ಆ ಸಾಕು ಆನೆಗಳಿಗೆ ಮಾವುತರು ಸರಿಯಾಗಿ ಊಟ ಹಾಕುತ್ತಿಲ್ಲ. ಕೆಲವು ಕಡೆ ಅಂಥ ಸಾಕಾನೆಗಳ ಪರಿಸ್ಥಿತಿ ತೀರಾ ಕೆಟ್ಟದಾಗಿದೆ ಎಂಬ ಬಗ್ಗೆ ಸಾಕಷ್ಟು ದೂರುಗಳು ಸಾಕಷ್ಟು ಕೇಳಿಬಂದಿದ್ದವು. ಹಾಗಾಗಿ, ಲಂಕಾ ಸರ್ಕಾರ ಈ ಕಾನೂನು ಜಾರಿಗೊಳಿಸಿದೆ.