ವೈಜೆಡ್‌ಎಫ್-ಆರ್‌15 ವಿ4.0 ಯಮಹಾ ಬೈಕುಗಳ ಬಿಡುಗಡೆ

Team Udayavani, Sep 22, 2021, 1:47 PM IST

ನವದೆಹಲಿ: ಯಮಹಾ ಸಂಸ್ಥೆಯು ತನ್ನ ವೈಜೆಡ್‌ಎಫ್-ಆರ್‌15 ವಿ4.0, ಆರ್‌ 15ಎಂ ಬೈಕುಗಳು ಮತ್ತು ಎರಾಕ್ಸ್‌ 155 ಮ್ಯಾಕ್ಸಿ ಸ್ಕೂಟಿಯನ್ನು ಬಿಡುಗಡೆ ಮಾಡಿದೆ. ಬೈಕುಗಳ ಆನ್‌ ಲೈನ್‌ ಬುಕಿಂಗ್‌ ಮಂಗಳವಾರದಿಂದಲೇ ಆರಂಭವಾಗಿದ್ದು, ಸೆಪ್ಟೆಂಬರ್‌ ಅಂತ್ಯಕ್ಕೆ ಮಾರುಕಟ್ಟೆಗೆ ಬರುವ ನಿರೀಕ್ಷೆಯಿದೆ.

ಇದನ್ನೂ ಓದಿ:ಇಂದು ವಿಶ್ವ ಗುಲಾಬಿ ದಿನ; ಕ್ಯಾನ್ಸರ್‌ ರೋಗಿಗಳಿಗಿರಲಿ  ನಮ್ಮೆಲ್ಲರ ಪ್ರೀತಿಯ ಹಾರೈಕೆ

ಆರ್‌15 ಬೆಲೆ 1.68 ಲಕ್ಷ ರೂ. ನಿಂದ 1.72 ಲಕ್ಷ ರೂ.ವರೆಗಿರಲಿದೆ. ರೇಸಿಂಗ್‌ ಬ್ಲೂ, ಡಾರ್ಕ್‌ ನೈಟ್‌ ಮತ್ತು ಮೆಟಾ ಲಿಕ್‌ ರೆಡ್‌ ಎಂಬ ಮೂರು ಬಣ್ಣಗಳಲ್ಲಿ ಲಭ್ಯವಿರಲಿದೆ. ಆರ್‌15ಎಂ ಬೈಕ್‌ನ ಬೆಲೆ 1.78 ಲಕ್ಷ ರೂ. ಗಳಿಂದ ಆರಂಭವಾಗಲಿದೆ. ಇದರಲ್ಲಿ 2 ಬಣ್ಣಗಳು ಲಭ್ಯವಿವೆ. ಎರಾಕ್ಸ್‌ 155 ಮ್ಯಾಕ್ಸಿ ನ್ಪೋರ್ಟ್ಸ್ ಸ್ಕೂಟರ್‌ ಎರಡು ಬಣ್ಣಗಳಲ್ಲಿ ಸಿಗಲಿದೆ. ವಿಶೇಷವಾಗಿ ಮಾನ್‌ ಸ್ಟರ್‌ ಎನರ್ಜಿ ಯಮಹಾ ಮೋಟೊ ಜಿಪಿ ಎಡಿಷನ್‌ ಕೂಡ ಬಿಡಲಾಗಿದೆ. ಇದರ ಬೆಲೆ 1.29 ಲಕ್ಷ ರೂ.ನಿಂದ ಆರಂಭವಾಗಲಿದೆ.

ವಂಚಕ ಆ್ಯಪ್‌ ಗಳಿಗೆಗೆ ಗೇಟ್‌ ಪಾಸ್‌
ಅಂತರ್ಜಾಲದ ಪ್ರಭಾವವನ್ನರಿತಿರುವ ತಂತ್ರಜ್ಞಾನ ನಿಪುಣರು ದಿನಕ್ಕೊಂದು ಮೊಬೈಲ್‌ ಆ್ಯಪ್‌ಗ್ಳನ್ನು ಬಿಡುತ್ತಲೇ ಇದ್ದಾರೆ. ವಿಷಯವೇನು ಗೊತ್ತಾ? ಗೂಗಲ್‌ನ ಪ್ಲೇಸ್ಟೋರ್‌ ಮತ್ತು ಆ್ಯಪಲ್‌ನ ಆ್ಯಪ್‌ ಸ್ಟೋರ್‌ಗಳಲ್ಲಿ ಸದ್ಯ 50 ಲಕ್ಷಕ್ಕೂ ಅಧಿಕ ಆ್ಯಪ್‌ ಗಳಿವೆ. ಅದರಲ್ಲಿ 8.13 ಲಕ್ಷ ಆ್ಯಪ್‌ಗ್ಳಿಗೆ ವಂಚಿಸುವುದೇ ಕೆಲಸ! ಅವು ತಾವೇನು ಹೇಳುತ್ತವೋ ಅದನ್ನು ಮಾಡುವುದೇ ಇಲ್ಲ. ಇದನ್ನು ಪಿಕ್ಸಲೇಟ್‌ ಎಂಬ ಸಂಸ್ಥೆ ಪತ್ತೆ ಹಚ್ಚಿದೆ. ಇದರಿಂದ ಎಚ್ಚೆತ್ತಿರುವ ಗೂಗಲ್‌ ಮತ್ತು ಆ್ಯಪಲ್‌ಗ‌ಳು ಈ ಆ್ಯಪ್‌ಗ್ಳನ್ನು ತೆಗೆದುಹಾಕಿವೆ. ಇಷ್ಟರಲ್ಲಾಗಲೇ ಈ ಆ್ಯಪ್‌ಗಳು ಪ್ಲೇಸ್ಟೋರ್‌ ಮುಖಾಂತರ 900 ಕೋಟಿ ಬಾರಿ, ಆ್ಯಪ್‌ ಸ್ಟೋರ್‌ ಮುಖಾಂತರ 2.1 ಕೋಟಿ ಬಾರಿ ಇನ್‌ಸ್ಟಾಲ್‌ ಆಗಿವೆ.