ಫ್ಯಾನ್ ಸ್ಟ್ಯಾಂಡ್ ನಲ್ಲಿ ಕುಳಿತು ಹೈದರಾಬಾದ್ ತಂಡಕ್ಕೆ ಬೆಂಬಲ ಸೂಚಿಸಿದ ವಾರ್ನರ್

Team Udayavani, Oct 4, 2021, 10:00 AM IST

ದುಬೈ: ಸನ್ ರೈಸರ್ಸ್ ಹೈದರಾಬಾದ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಗಳ ನಡುವೆ ರವಿವಾರ ದುಬೈ ನಲ್ಲಿ ಪಂದ್ಯ ನಡೆಯಿತು. ರವಿವಾರದ ಎರಡನೇ ಪಂದ್ಯದಲ್ಲಿ ಇಯಾನ್ ಮಾರ್ಗನ್ ನಾಯಕತ್ವದ ಕೆಕೆಆರ್ ತಂಡ ಗೆಲುವು ಸಾಧಿಸಿದೆ.

ಹೈದರಾಬಾದ್ ತಂಡದ ಮಾಜಿ ನಾಯಕ ಡೇವಿಡ್ ವಾರ್ನರ್ ಈ ಪಂದ್ಯದಲ್ಲಿ ಅಭಿಮಾನಿಗಳ ಮಧ್ಯೆ ಕುಳಿತು ತಂಡಕ್ಕೆ ಬೆಂಬಲ ನೀಡಿದರು. ಅದರ ಹಿಂದಿನ ಕೆಲ ಪಂದ್ಯಗಳಲ್ಲಿ ಮೈದಾನದಿಂದ ದೂರ ಉಳಿದಿದ್ದ ವಾರ್ನರ್ ರವಿವಾರ ಎಸ್ಆರ್ ಎಚ್ ಜೆರ್ಸಿ ಧರಿಸಿ ತಂಡಕ್ಕೆ ಬೆಂಬಲ ನೀಡಿದರು.

ಈ ಬಾರಿಯ ಐಪಿಎಲ್ ನಲ್ಲಿ ನೀರಸ ಪ್ರದರ್ಶನ ನೀಡಿದ ಕಾರಣ ಡೇವಿಡ್ ವಾರ್ನರ್ ಅವರನ್ನು ಹೈದರಾಬಾದ್ ಫ್ರಾಂಚೈಸಿ ನಾಯಕತ್ವದಿಂದ ಕೈಬಿಟ್ಟಿತ್ತು. ನ್ಯೂಜಿಲ್ಯಾಂಡ್ ತಂಡದ ನಾಯಕ ಕೇನ್ ವಿಲಿಯಮ್ಸನ್ ಗೆ ಈ ಹೊಣೆ ನೀಡಲಾಗಿತ್ತು. ಯುಎಇ ಚರಣದ ಮೊದಲೆರಡು ಡೇವಿಡ್ ವಾರ್ನರ್ ಸೊನ್ನೆ ಸುತ್ತಿದ ಬಳಿಕ ಅವರನ್ನು ಆಡುವ ಬಳಗಿಂದಲೂ ಫ್ರಾಂಚೈಸಿ ಕೈಬಿಟ್ಟಿತ್ತು. ಅವರ ಬದಲಿಗೆ ಜೇಸನ್ ರಾಯ್ ರನ್ನು ಆಡುವ ಬಳಗಕ್ಕೆ ಸೇರಿಸಲಾಗಿತ್ತು.

This guy ❤️? @davidwarner31 pic.twitter.com/fqWaywoeAu

— Pravin ? (@_itz__pravin) October 3, 2021

ಇದನ್ನೂ ಓದಿ:ಒಂದೇ ತಿಂಗಳು ಎರಡು ಸಿನಿಮಾ ರಿಲೀಸ್‌ : ಅಕ್ಟೋಬರ್‌ ನಿರೀಕ್ಷೆಯಲ್ಲಿ ಭಾವನಾ

ಇದುವರೆಗೆ ಕೇವಲ ಎರಡು ಪಂದ್ಯ ಗೆದ್ದಿರುವ ಹೈದರಾಬಾದ್ ತಂಡ ಕೆಕೆಆರ್ ವಿರುದ್ಧವೂ ಮುಗ್ಗರಿಸಿದೆ. ಮೊದಲು ಬ್ಯಾಟಿಂಗ್ ಮಾಡಿದ ಹೈದರಾಬದ್ ತಂಡ ಎಂಟು ವಿಕೆಟ್ ಕಳೆದುಕೊಂಡು 115 ರನ್ ಗಳಿಸಿತು. ಸುಲಭ ಗುರಿ ಬೆನ್ನತ್ತಿದ್ದ ಕೆಕೆಆರ್ ತಂಡವು 4 ಕಳೆದುಕೊಂಡು ಜಯ ಸಾಧಿಸಿತು.