8ನೇ ಬಾರಿ ಸಾಫ್ ಕಪ್ ಗೆದ್ದ ಭಾರತ: ಮೆಸ್ಸಿ ದಾಖಲೆ ಸರಿಗಟ್ಟಿದ ಸುನೀಲ್ ಚೆಟ್ರಿ

Team Udayavani, Oct 17, 2021, 9:31 AM IST

ಮಾಲ್ಡಿವ್ಸ್: ನಾಯಕ ಸುನೀಲ್ ಚೆಟ್ರಿ ಅವರ 80ನೇ ಅಂತಾರಾಷ್ಟ್ರೀಯ ಗೋಲಿನ ಸಹಾಯದಿಂದ ಭಾರತ ಫುಟ್ ಬಾಲ್ ತಂಡ ಎಂಟನೇ ಬಾರಿಗೆ ಸಾಫ್ ಕಪ್ ಗೆದ್ದುಕೊಂಡಿದೆ. ಶನಿವಾರ ನಡೆದ ಫೈನಲ್ ಪಂದ್ಯದಲ್ಲಿ ಭಾರತ ತಂಡ ನೇಪಾಳ ತಂಡವನ್ನು 3-0 ಗೋಲುಗಳ ಅಂತರದಿಂದ ಸೋಲಿಸಿತು.

ಭಾರತದ ಪರ ನಾಯಕ ಸುನೀಲ್ ಚೆಟ್ರಿ 49ನೇ ನಿಮಿಷ, ಸುರೇಶ್ ಸಿಂಗ್ 50ನೇ ನಿಮಿಷ ಮತ್ತು ಸಹಾಲ್ ಅಬ್ದುಲ್ ಸಮದ್ 90ನೇ ನಿಮಿಷದಲ್ಲಿ ಗೋಲು ಗಳಿಸಿದರು.

ಇದನ್ನೂ ಓದಿ:ವಾಟ್ಸ್‌ಆ್ಯಪ್‌ಗೆ 5 ಹೊಸ ಫೀಚರ್‌; ಕೆಲವು ಈಗಾಗಲೇ ಬೀಟಾ ವರ್ಷನ್‌ನಲ್ಲಿ ಲಭ್ಯ

ಭಾರತದ ನಾಯಕ ಸುನೀಲ್ ಚೆಟ್ರಿ 80ನೇ ಅಂತಾರಾಷ್ಟ್ರೀಯ ಗೋಲು ಬಾರಿಸಿದರು. ಈ ಮೂಲಕ ಲಿಯೋನೆಲ್ ಮೆಸ್ಸಿ ಅವರ ದಾಖಲೆ ಸರಿದೂಗಿಸಿದರು. ಸದ್ಯ ಆಡುತ್ತಿರುವ ಆಟಗಾರರ ಪೈಕಿ ಅತೀ ಹೆಚ್ಚು ಗೋಲು ಗಳಿಸಿದವರ ಪಟ್ಟಿಯಲ್ಲಿ ಚೆಟ್ರಿ ಎರಡನೇ ಸ್ಥಾನದಲ್ಲಿದ್ದಾರೆ.