ಸೋನು ಗೌಡ ಕೈಯಲ್ಲಿ ವೆಡ್ಡಿಂಗ್‌ ಗಿಫ್ಟ್

Team Udayavani, Oct 20, 2021, 12:50 PM IST

ಕೋವಿಡ್‌ ಎರಡನೇ ಆತಂಕ ದೂರವಾಗುತ್ತಿದ್ದಂತೆ, ಸ್ಯಾಂಡಲ್‌ವುಡ್‌ನ‌ಲ್ಲಿ ಸಿನಿಮಾ ಚಟುವಟಿಕೆಗಳು ಮತ್ತೆ ಗರಿಗೆದರಿದ್ದು ಹೊಸ ಹುರುಪಿನಲ್ಲಿ ಬ್ಯಾಕ್‌ ಟು ಬ್ಯಾಕ್‌ ಸಿನಿಮಾಗಳು ಸೆಟ್ಟೇರುತ್ತಿವೆ. ನಟ, ನಟಿಯರು ಕೂಡ ಹೊಸ ಸಿನಿಮಾಗಳನ್ನು ಒಪ್ಪಿಕೊಂಡು ಶೂಟಿಂಗ್‌ನತ್ತ ಮುಖ ಮಾಡುತ್ತಿದ್ದಾರೆ. ಅಂತೆಯೇ ನಟಿ ಸೋನು ಗೌಡ ಕೂಡ ಈಗ ಸದ್ದಿಲ್ಲದೆ ಹೊಸ ಸಿನಿಮಾವೊಂದನ್ನು ಒಪ್ಪಿಕೊಂಡಿದ್ದಾರೆ.

ಅಂದಹಾಗೆ, ಆ ಸಿನಿಮಾದ ಹೆಸರು “ವೆಡ್ಡಿಂಗ್‌ ಗಿಫ್ಟ್’. ಇಲ್ಲಿಯವರೆಗೆ ಹೆಚ್ಚಾಗಿ ಹೋಮ್ಲಿ ಲುಕ್‌ನಲ್ಲಿ, ಸಾದಾಸೀದಾ ಹುಡುಗಿಯಾಗಿ ಕಾಣಿಸಿಕೊಳ್ಳುತ್ತಿದ್ದ ಸೋನು ಗೌಡ ಈ ಸಿನಿಮಾದಲ್ಲಿ ಮೊದಲ ಬಾರಿಗೆ ಔಟ್‌ ಆ್ಯಂಡ್‌ ಔಟ್‌ ಕಾರ್ಪೋರೆಟ್‌ ಗರ್ಲ್ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರಂತೆ.

ತಮ್ಮ ಹೊಸ ಚಿತ್ರ ಮತ್ತು ಪಾತ್ರದ ಬಗ್ಗೆ ಮಾತನಾಡುವ ಸೋನು ಗೌಡ, “”ಇವತ್ತಿನ ಜನರೇಶನ್‌ನ ಟ್ರೆಂಡ್‌ ಸ್ಟೋರಿ ಈ ಸಿನಿಮಾದಲ್ಲಿದೆ. ನಾನು ಇಲ್ಲಿಯವರೆಗೆ ಮಾಡಿರುವ ಕ್ಯಾರೆಕ್ಟರ್‌ಗಳಿಗಿಂತ ಹೊಸಥರದ ಕ್ಯಾರೆಕ್ಟರ್‌ “ವೆಡ್ಡಿಂಗ್‌ ಗಿಫ್ಟ್’ನಲ್ಲಿದೆ.

ಇದರಲ್ಲಿ ನಾನು ಔಟ್‌ ಆ್ಯಂಡ್‌ ಔಟ್‌ ಕಾರ್ಪೋರೆಟ್‌ ಲೈಫ್ ಸ್ಟೈಲ್‌ ನಡೆಸುವ ಹುಡುಗಿಯ ಗೆಟಪ್‌ನಲ್ಲಿ ಕಾಣಿಸಿಕೊಳ್ಳುತ್ತೇನೆ. ಎಲ್ಲವನ್ನೂ ಕಾರ್ಪೋರೆಟ್‌ ದೃಷ್ಟಿಯಲ್ಲೇ ನೋಡುವ ಹುಡುಗಿಯೊಬ್ಬಳ ಲೈಫ್ನಲ್ಲಿ ಮದುವೆಯ ನಂತರ ಏನೆಲ್ಲ ಬದಲಾವಣೆ ಆಗುತ್ತದೆ ಅನ್ನೋದರ ಸುತ್ತ ಸಿನಿಮಾ ನಡೆಯುತ್ತದೆ. ಕಾರ್ಪೋರೆಟ್‌ ಲೈಫ್ ಬಯಸುವ, ಇಂಡಿಪೆಂಡೆಂಟ್‌ ಆಗಿರುವಂಥ, ನಾನೇ ಎಲ್ಲವೂ ಎನ್ನುವಂಥ “ಇಗೋ’ ಇರುವಂಥ ಕ್ಯಾರೆಕ್ಟರ್‌ ನನ್ನದು.

ಇದನ್ನೂ ಓದಿ;- ಚಿಂತಾಮಣಿ: ಮಳೆ ಹಾನಿ ಪ್ರದೇಶಗಳಿಗೆ ಜಿಲ್ಲಾಧಿಕಾರಿ ಆರ್. ಲತಾ ಭೇಟಿ

ಸ್ಕ್ರಿಪ್ಟ್ನಲ್ಲಿ ನನ್ನ ಪಾತ್ರ ಇಷ್ಟವಾಯ್ತು’ ಎಂದು ತಮ್ಮ ಪಾತ್ರ ಪರಿಚಯ ಮಾಡಿಕೊಡುತ್ತಾರೆ ಸೋನು ಗೌಡ. “ಸಿನಿಮಾಕ್ಕಾಗಿ ಈಗಾಗಲೇ ಒಂದಷ್ಟು ವರ್ಕ್‌ಶಾಪ್‌, ರಿಹರ್ಸಲ್‌ ಮಾಡಿದ್ದೇವೆ. ಸ್ಕ್ರೀನ್‌ ಮೇಲೆ ನನ್ನ ಕ್ಯಾರೆಕ್ಟರ್‌ ಹೊಸಥರದಲ್ಲಿ ಬರುತ್ತದೆ. ಆಡಿಯನ್ಸ್‌ಗೂ ಈ ಸಿನಿಮಾ ಇಷ್ಟವಾಗುತ್ತದೆ’ ಎಂಬ ವಿಶ್ವಾಸದ ಮಾತುಗಳನ್ನಾಡುತ್ತಾರೆ ಸೋನು.

ಇನ್ನು “ವೆಡ್ಡಿಂಗ್‌ ಗಿಫ್ಟ್’ ಚಿತ್ರದಲ್ಲಿ ಸೋನು ಗೌಡ ಅವರಿಗೆ ನವ ನಾಯಕ ನಿಶಾನ್‌ ನಾಣಯ್ಯ ಜೋಡಿಯಾಗಿ ತೆರೆಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. ಈಗಾಗಲೇ ಹಿಂದಿ, ತಮಿಳು, ಮಲೆಯಾಂ, ಬೆಂಗಾಳಿ ಸೇರಿದಂತೆ ಸುಮಾರು 25ಕ್ಕೂ ಸಿನಿಮಾಗಳಲ್ಲಿ ವಿವಿಧ ವಿಭಾಗಗಳಲ್ಲಿ ಕೆಲಸ ಮಾಡಿದ ಅನುಭವವಿರುವ ನಿಶಾನ್‌ ನಾಣಯ್ಯ “ವೆಡ್ಡಿಂಗ್‌ ಗಿಫ್ಟ್’ ಮೂಲಕ ಮೊದಲ ಬಾರಿಗೆ ಸ್ಯಾಂಡಲ್‌ ವುಡ್‌ನ‌ಲ್ಲಿ ಅದೃಷ್ಟ ಪರೀಕ್ಷೆಗೆ ಇಳಿಯುತ್ತಿದ್ದಾರೆ. “ವಿಕ್ರಂ ಪ್ರಭು μಲಂಸ್‌’ ಬ್ಯಾನರ್‌ನಲ್ಲಿ ಈ ಚಿತ್ರ ನಿರ್ಮಾಣವಾಗುತ್ತಿದ್ದು, ನವ ನಿರ್ದೇಶಕ ವಿಕ್ರಂ ಪ್ರಭು “ವೆಡ್ಡಿಂಗ್‌ ಗಿಫ್ಟ್’ಗೆ ಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ.