ಅಕ್ರಮ ಗೋ ಹತ್ಯೆ ಆರೋಪ : ಬಂಧನ

Team Udayavani, Oct 21, 2021, 8:00 PM IST

ಶಿರಸಿ: ಮಾಂಸಕ್ಕಾಗಿ ಅಕ್ರಮವಾಗಿ ದನವನ್ನು ಕಡಿದ ಆರೋಪದಲ್ಲಿ ವ್ಯಕ್ತಿಯೋರ್ವರನ್ನು ಇಲ್ಲಿನ ಗ್ರಾಮೀಣ ಪೊಲೀಸರು ಬಂಧಿಸಿ ಕಾನೂನು‌ ಕ್ರಮ ಜರುಗಿಸಲಾಗಿದೆ.

ಗೌಡಳ್ಳಿ ಗ್ರಾಮದ ಉರ್ದು ಶಾಲೆಯ ಹಿಂಭಾಗದ ಕಾಡಿನ ಜಾಗದಲ್ಲಿ ಅಕ್ರಮವಾಗಿ ಮಾಂಸಕ್ಕಾಗಿ ದನವನ್ನು ಕಡಿಯುತ್ತಿರುವ ಮಾಹಿತಿ ಮೇರೆಗೆ ಆರೋಪಿತ ನಜೀರ್ ಅಹಮದ್ ಪಿಒರ್ ಸಾಬ್ಅಬ್ದುಲ್ ವಾಹಿದ್ ಸಾಬ್ ಈತನನ್ನು ಮಾಂಸ ಹಾಗೂ‌ ಕತ್ತಿ ಸಹಿತ ಪೊಲೀಸರು ಬಂಧಿಸಿದ್ದಾರೆ.

ಪೊಲೀಸ್ ಉಪಾಧಿಕ್ಷಕ  ರವಿ ಡಿ ನಾಯ್ಕ,   ವೃತ್ತ ನಿರೀಕ್ಷಕ  ರಾಮಚಂದ್ರ ನಾಯಕ್ ಮಾರ್ಗದರ್ಶನದಲ್ಲಿ   ಗ್ರಾಮೀಣ ಪೊಲೀಸ್ ಠಾಣೆಯ ಪಿಎಸ್ಐ ಈರಯ್ಯ ಡಿಎನ್ ಅವರ ನೇತೃತ್ವದಲ್ಲಿ  ಸಿಬ್ಬಂದಿಗಳಾದ ಮಹಾದೇವ ನಾಯ್ಕ, ಪ್ರದೀಪ್ ರೇವಣಕರ್, ಗಣಪತಿ ನಾಯ್ಕ, ಚೇತನ್ ಜೆಎನ್,   ಸುನಿಲ್ ಹಡಲಗಿ, ಶ್ರೀದರ್ ನಾಯ್ಕ,ಆನಂದ ಬಬ್ಲಿ ಇವರು ದಾಳಿ ಮಾಡಿ ಆರೋಪಿಯನ್ನು ಬಂಧಿಸಿದ್ದಾರೆ. ದಾಳಿ ವೇಳೆ ಓಡಿ ಹೋದ   ಉಳಿದ ನಾಲ್ಕು ಜನ ಆರೋಪಿಗಳಿಗಾಗಿ ತನಿಖೆ ಮುಂದುವರೆದಿದೆ ಎಂದು‌ ಪೋಲೀಸರು ತಿಳಿಸಿದ್ದಾರೆ.