ವಕಾಲತ್ತು ವಹಿಸಿ ಬಂದರು ಪ್ರೇಮಾ

Team Udayavani, Oct 22, 2021, 2:44 PM IST

ಕನ್ನಡ ಚಿತ್ರರಂಗದ ಮೋಹಕತಾರೆ ಪ್ರೇಮಾ ಸುದೀರ್ಘ‌ ಸಮಯದ ಬಳಿಕ “ಉಪೇಂದ್ರ ಮತ್ತೆ ಹುಟ್ಟಿ ಬಾ…’ ಚಿತ್ರದ ಮೂಲಕ ಸ್ಯಾಂಡಲ್‌ವುಡ್‌ಗೆ ಕಂ ಬ್ಯಾಕ್‌ ಆಗಿದ್ದು ನಿಮಗೆ ಗೊತ್ತಿರಬಹುದು. “ಉಪೇಂದ್ರ ಮತ್ತೆ ಹುಟ್ಟಿ ಬಾ…’ ತೆರೆಕಂಡು ಸುಮಾರು ಮೂರುವರೆ ವರ್ಷಗಳಾದರೂ ಪ್ರೇಮಾ, ಮತ್ತೆ ಯಾವುದೇ ಸಿನಿಮಾಗಳಲ್ಲೂ ಕಾಣಿಸಿಕೊಂಡಿರಲಿಲ್ಲ. ಇದೀಗ ಪ್ರೇಮಾ ಬಹುತೇಕ ಹೊಸಬರ “ವೆಡ್ಡಿಂಗ್‌ ಗಿಫ್ಟ್’ ಚಿತ್ರದಲ್ಲಿ ಅಭಿನಯಿಸುತ್ತಿದ್ದು, ಅಡ್ವೋಕೇಟ್‌ ಪಾತ್ರದಲ್ಲಿ ಕರಿಕೋಟು ತೊಟ್ಟು ಪ್ರೇಕ್ಷಕರ ಮುಂದೆ ಬರುವ ತಯಾರಿಯಲ್ಲಿದ್ದಾರೆ. ಇಲ್ಲಿಯವರೆಗೆ ಕನ್ನಡದಲ್ಲಿ ಹತ್ತಾರು ವಿಭಿನ್ನ ಪಾತ್ರಗಳಲ್ಲಿ ಕಾಣಿಸಿಕೊಂಡಿರುವ ಪ್ರೇಮಾ, ಮೊದಲ ಬಾರಿಗೆ “ವೆಡ್ಡಿಂಗ್‌ ಗಿಫ್ಟ್’ ಚಿತ್ರದಲ್ಲಿ ಅಡ್ವೋಕೇಟ್‌ ಆಗಿ ಕಾಣಿಸಿಕೊಳ್ಳುತ್ತಿದ್ದಾರೆ.

ತಮ್ಮ ಹೊಸ ಚಿತ್ರ ಮತ್ತು ಪಾತ್ರದ ಬಗ್ಗೆ ಮಾತನಾಡುವ ಪ್ರೇಮ, “”ನಾನು ಕ್ಯಾರೆಕ್ಟರ್‌ಗಳನ್ನು ಒಪ್ಪಿಕೊಳ್ಳುವ ವಿಷಯದಲ್ಲಿ ತುಂಬ ಚೂÂಸಿ. ಇಲ್ಲಿಯವರೆಗೆ ಬಹುತೇಕ ಎಲ್ಲ ಥರದ ಪಾತ್ರಗಳನ್ನೂ ಮಾಡಿದ್ದೇನೆ. ಹಾಗಾಗಿ ಒಪ್ಪಿಕೊಳ್ಳುವ ಪಾತ್ರಗಳು, ಸಿನಿಮಾದ ಸಬೆjಕ್ಟ್ ಮೊದಲು ನನಗೆ ಇಷ್ಟವಾಗಬೇಕು. ಆದಷ್ಟು ಆಯ್ಕೆ ಮಾಡಿ ಸಿನಿಮಾಗಳನ್ನು ಒಪ್ಪಿಕೊಳ್ಳುತ್ತೇನೆ. ಇತ್ತೀಚೆಗೆ ತುಂಬ ಸಬೆjಕ್ಟ್ ಕೇಳಿದ್ದರೂ, ಅದ್ಯಾವುದೂ ನನಗೆ ಇಷ್ಟವಾಗಿರಲಿಲ್ಲ. ಹಾಗಾಗಿ ಯಾವುದೇ ಸಿನಿಮಾ ಒಪ್ಪಿಕೊಂಡಿರಲಿಲ್ಲ. ಅಲ್ಲದೆ ನಮ್ಮ ತಂದೆಯ ಆರೋಗ್ಯ ಕೂಡ ಸರಿಯಿಲ್ಲದಿದ್ದರಿಂದ, ಸಿನಿಮಾಗಳ ಬಗ್ಗೆಯೂ ಹೆಚ್ಚು ಗಮನ ಕೊಡಲು ಆಗಿರಲಿಲ್ಲ. ಆದ್ರೆ “ವೆಡ್ಡಿಂಗ್‌ ಗಿಫ್ಟ್’ ಸಿನಿಮಾದ ಸಬೆjಕ್ಟ್ ಮತ್ತು ನನ್ನ ಕ್ಯಾರೆಕ್ಟರ್‌ ಎರಡೂ ನನಗೆ ಇಷ್ಟವಾಯ್ತು. ಹಾಗಾಗಿ ಈ ಸಿನಿಮಾ ಒಪ್ಪಿಕೊಂಡೆ’ ಎನ್ನುವುದು ಪ್ರೇಮ ಅವರ ಮಾತು.

“ಇದು ಬಹುತೇಕ ಹೊಸಬರೇ ಸೇರಿಕೊಂಡು ಮಾಡುತ್ತಿರುವ ಸಿನಿಮಾ. ನಿರ್ದೇಶಕರು ಹೇಳಿದ ಸ್ಟೋರಿ ಮತ್ತು ನನ್ನ ಕ್ಯಾರೆಕ್ಟರ್‌ ಎರಡೂ ತುಂಬ ಚೆನ್ನಾಗಿತ್ತು. ಸಿನಿಮಾದ ಸಬೆjಕ್ಟ್ ಮೇಲೆ ನಿರ್ದೇಶಕರು ತುಂಬ ವರ್ಕ್‌ ಮಾಡಿದ್ದಾರೆ. ಇವತ್ತಿನ ಜನರೇಶನ್‌ನ ಸ್ಟೋರಿ ಈ ಸಿನಿಮಾದಲ್ಲಿದೆ. ನಾನು ಇಲ್ಲಿಯವರೆಗೆ ಮಾಡಿರುವ ಕ್ಯಾರೆಕ್ಟರ್‌ಗಳಿಗಿಂತ ಹೊಸಥರದ ಕ್ಯಾರೆಕ್ಟರ್‌ “ವೆಡ್ಡಿಂಗ್‌ ಗಿಫ್ಟ್’ನಲ್ಲಿದೆ. ಇದರಲ್ಲಿ ನನ್ನದು ಅಡ್ವೋಕೇಟ್‌ ಪಾತ್ರ. ಇದಕ್ಕಿಂತ ಹೆಚ್ಚಾಗಿ ಈಗಲೇ ಸಿನಿಮಾದ ಬಗ್ಗೆ ಹೆಚ್ಚೇನು ಹೇಳಲಾರೆ. ಇದೇ ನವೆಂಬರ್‌ನಿಂದ “ವೆಡ್ಡಿಂಗ್‌ ಗಿಫ್ಟ್’ನಲ್ಲಿ ನನ್ನ ಕ್ಯಾರೆಕ್ಟರ್‌ ಶೂಟಿಂಗ್‌ ಶುರುವಾಗಲಿದೆ. ತುಂಬ ಯಂಗ್‌ ಆ್ಯಂಡ್‌ ಎನರ್ಜಿಟಿಕ್‌ ಟೀಮ್‌ ಸಿಕ್ಕಿರುವುದರಿಂದ, ನನಗೂ ಈ ಸಿನಿಮಾದಿಂದ ಹೊಸದೇನಾದರೂ ಕಲಿಯಬಹುದು ಎಂಬ ನಿರೀಕ್ಷೆ ಇದೆ’ ಎನ್ನುತ್ತಾರೆ ಪ್ರೇಮಾ.

ಇದನ್ನೂ ಓದಿ:ಹೊರಬಂತು ಹೊಸಬರ ಹಾರರ್‌-ಥ್ರಿಲ್ಲರ್‌ “ಸಕೂಚಿ’ ಟ್ರೇಲರ್‌

ಇನ್ನು “ವೆಡ್ಡಿಂಗ್‌ ಗಿಫ್ಟ್’ ಚಿತ್ರದಲ್ಲಿ ಸೋನು ಗೌಡ, ನವ ನಟ ನಿಶಾನ್‌ ನಾಣಯ್ಯ ಜೋಡಿಯಾಗಿ ತೆರೆಮೇಲೆ ಕಾಣಿಸಿಕೊಳ್ಳುತ್ತಿದ್ದಾರೆ. “ವಿಕ್ರಂ ಪ್ರಭು ಫಿಲಂಸ್‌’ ಬ್ಯಾನರ್‌ನಲ್ಲಿ, ನವ ನಿರ್ದೇಶಕ ವಿಕ್ರಂ ಪ್ರಭು “ವೆಡ್ಡಿಂಗ್‌ ಗಿಫ್ಟ್’ಗೆ ಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಒಟ್ಟಾರೆ “ವೆಡ್ಡಿಂಗ್‌ ಗಿಫ್ಟ್’ ಮೂಲಕ ಮತ್ತೆ ಬಿಗ್‌ ಸ್ಕ್ರೀನ್‌ಗೆ ಬರುತ್ತಿರುವ ಪ್ರೇಮಾ ಹೊಸ ಗೆಟಪ್‌ನಲ್ಲಿ ಸಿನಿಪ್ರಿಯರಿಗೆ ಎಷ್ಟರ ಮಟ್ಟಿಗೆ ಇಷ್ಟವಾಗಲಿದ್ದಾರೆ ಅನ್ನೋದು ಮುಂದಿನ ವರ್ಷದ ಮಧ್ಯಭಾಗದಲ್ಲಿ ಗೊತ್ತಾಗುವ ಸಾಧ್ಯತೆ ಇದೆ.