ಕುಂಚಾವರಂ ಗಡಿಭಾಗದ ತಾಂಡಾಗಳಲ್ಲಿ ದೀಪಾವಳಿ ನೃತ್ಯ ಸಂಭ್ರಮ

Team Udayavani, Nov 5, 2021, 7:30 PM IST

ಚಿಂಚೋಳಿ: ತಾಲೂಕಿನ ಕುಂಚಾವರಂ ಗಡಿಭಾಗದ ತಾಂಡಾಗಳಲ್ಲಿ ಯುವತಿಯರು ತಮ್ಮ ಸಾಂಪ್ರದಾಯಿಕ ಲಂಬಾಣಿ ನೃತ್ಯ ದೊಂದಿಗೆ ದೀಪಾವಳಿ ಹಬ್ಬವನ್ನು ಸಂಭ್ರಮದಿಂದ ಆಚರಿಸಿದರು.

ದೀಪಾವಳಿ ಹಬ್ಬದ ಪ್ರಯುಕ್ತ ಯುವತಿಯರು ಬೆಳಿಗ್ಗೆ ಎದ್ದು ಕುಂಚಾವರಂ ಅರಣ್ಯ ಪ್ರದೇಶದಲ್ಲಿ ಸಿಗುವ ವಿವಿಧ ಹೂಗಳನ್ನು ಆಯ್ದುಕೊಂಡು ಬುಟ್ಟಿಯಲ್ಲಿ ಹಾಕಿಕೊಂಡು ರಾತ್ರಿ ವೇಳೆ ಮನೆಮನೆಗೆ ಬೆಟ್ಟಿ ನೀಡಿ ಮನೆಯ ಮುಂದೆ ದೀಪವನ್ನು ಬೆಳಗಿಸಿ ಹರಿಸುತ್ತಾರೆ .ಮನೆಮಂದಿಯೆಲ್ಲ ಒಳ್ಳೆ ಜೀವನ ಸಾಗಿಸಿ ಯಾವುದೇ ಕಷ್ಟ ಬಾರದೆ ಎಲ್ಲರೂ ಚೆನ್ನಾಗಿರಲಿ ಎಂದು ಹಾಡುತ್ತಾ ತಮ್ಮ ಮನೆ ಮನೆಗೆ ಭೇಟಿ ನೀಡಿ ಮನೆಯವರು ನೀಡಿದ ಕಾಣಿಕೆ ತಂದು ಖುಷಿ ಪಡುತ್ತಾರೆ.

ಕುಂಚಾವರಂ ಗಡಿಭಾಗದ ಶಾದಿಪೂರ್ ಧರ್ಮಸಾಗರ ಜವಾಹರ್ ನಗರ್, ಚಂದು ನಾಯಕ ತಾಂಡಾ ಒಂಟಿಗುಡ್ಸಿ, ಚಿಂದಾನೂರ ಮುಂತಾದ ತಾಂಡಾಗಳಲ್ಲಿ ದೀಪಾವಳಿ ಹಬ್ಬದ ಸಂಬ್ರಮ ಕಾಣಬಹುದಾಗಿದೆ.