ಬೆಂಗಳೂರಿನಲ್ಲಿ ಆಟೋ ಪ್ರಯಾಣ ದರ ಏರಿಕೆ

Team Udayavani, Nov 9, 2021, 6:43 AM IST

ಬೆಂಗಳೂರು: ರಾಜಧಾನಿ ವ್ಯಾಪ್ತಿಯಲ್ಲಿ ಆಟೋ ಪ್ರಯಾಣ ದರ ಹೆಚ್ಚಳವಾಗಿದ್ದು, ಡಿ. 1ರಿಂದ ಜಾರಿಗೆ ಬರಲಿದೆ.

ಕನಿಷ್ಠ ಬಾಡಿಗೆ ದರ (ಮೊದಲ 2 ಕಿ.ಮೀ.ಗೆ)ವನ್ನು 25ರಿಂದ 30 ರೂ.ಗೇರಿಸಲಾಗಿದೆ. ಮೂವರು ಪ್ರಯಾಣಿಕರಿಗೆ ಮಾತ್ರ ಅವಕಾಶ ಇರಲಿದೆ. 2 ಕಿ.ಮೀ. ಅನಂತರದ ಪ್ರತಿ ಕಿ.ಮೀ.ಗೆ 15 ರೂ. ದರ ನಿಗದಿಪಡಿಸಲಾಗಿದೆ. ಪ್ರಸ್ತುತ 13 ರೂ. ಇದೆ.

ಹೊಟೇಲ್‌ ತಿನಿಸು ದರ ಹೆಚ್ಚಳ
ಬೆಂಗಳೂರಿನ ಹಲವು ಹೊಟೇಲ್‌ಗ‌ಳಲ್ಲಿ ಸೋಮವಾರ ತಿಂಡಿಗಳ ದರ ಏರಿಕೆಯಾಗಿದೆ. ಊಟ ಮತ್ತು ಮಸಾಲೆ ದೋಸೆ 10 ರೂ. ತುಟ್ಟಿಯಾಗಿದೆ. ಕಾಫಿ, ಚಾ, ಕೇಸರಿಬಾತ್‌, ಚೌಚೌ ಬಾತ್‌, ತಟ್ಟೆ ಇಡ್ಲಿ, ರವೆ ಇಡ್ಲಿ ಮುಂತಾದವು 2 ರೂ., ಪೂರಿ, ಪಕೋಡಾ, ರೈಸ್‌ ಬಾತ್‌, ಸೆಟ್‌ದೋಸೆ ಮತ್ತಿತರ ಆಹಾರ ಪದಾರ್ಥಗಳ ಬೆಲೆಯಲ್ಲಿ 3 ರಿಂದ 5ರೂ. ಹೆಚ್ಚಳ ಮಾಡಲಾಗಿದೆ.

ಇದನ್ನೂ ಓದಿ:12ರ ವರೆಗೂ ರಾಜ್ಯದ ದಕ್ಷಿಣ ಒಳನಾಡಿನಲ್ಲಿ ಮಳೆ : ಹವಾಮಾನ ಇಲಾಖೆ ಮುನ್ಸೂಚನೆ

ಈ ಹಿಂದೆ ಸೌತ್‌ ಇಂಡಿಯನ್‌ ಮೀಲ್ಸ್‌ (ಪೂರಿ ಸೇರಿ) 70 ರೂ.ಗೆ ಇದ್ದು, ಈಗ 80 ರೂ. ಆಗಿದೆ. ಹಾಗೆಯೇ 45 ರೂ.ಗೆ ದೊರೆಯುತ್ತಿದ್ದ ಮಿನಿ ಮೀಲ್ಸ್‌ಗೆ 50 ರೂ., 120 ರೂ.ಗೆ ಸಿಗುತ್ತಿದ್ದ ನಾರ್ತ್‌ ಇಂಡಿಯನ್‌ ಮೀಲ್ಸ್‌ ಗೆ 130 ರೂ. ಆಗಿದೆ. 10 ರೂ.ಗೆ ಸಿಗುತ್ತಿದ್ದ ಚಾ, ಕಾಫಿಗೆ 12 ರೂ. ಆಗಿದೆ. 25ರೂ.ಯ ವಡಾ ಬೆಲೆ 28 ರೂ.ಗೆ ಏರಿಕೆಯಾಗಿದೆ. ಈ ಹಿಂದೆ 35 ರೂಗೆ (2ಪೀಸ್‌) ದೊರೆಯುತ್ತಿದ್ದ ಸೆಟ್‌ ದೋಸೆ ಬೆಲೆ 40 ರೂ.ಆಗಿದೆ. 33 ರೂ.ಗೆ ಸಿಗುತ್ತಿದ್ದ ರವೆ ಇಡ್ಲಿಗೆ 35ರೂ., 40 ರೂ.ಗೆ ದೊರೆಯುತ್ತಿದ್ದ ಬನ್ಸ್‌ಗೆ 44 ರೂ. ಆಗಿದೆ.