ಪ್ರಮುಖ ಮಾವೋವಾದಿ ನಾಯಕ ಕಿಶನ್ ದಾ ಮತ್ತು ಪತ್ನಿ ಶೀಲಾ ಬಂಧನ

Team Udayavani, Nov 13, 2021, 9:01 AM IST

ರಾಂಚಿ: ತಲೆಯ ಮೇಲೆ 1 ಕೋಟಿ ರೂ. ಇನಾಮು ಹೊಂದಿದ್ದ ಮಾವೋವಾದಿ ನಾಯಕ ಪ್ರಶಾಂತ್ ಬೋಸ್ ಅಲಿಯಾಸ್ ಕಿಶನ್ ದಾ ನನ್ನು ಮತ್ತು ಆತನ ಪತ್ನಿ ಶೀಲಾ ಮರಾಂಡಿ ರನ್ನು ಜಾರ್ಖಂಡ್‌ನಲ್ಲಿ ಬಂಧಿಸಲಾಗಿದೆ ಎಂದು ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಶುಕ್ರವಾರ ತಿಳಿಸಿದ್ದಾರೆ.

ಶೀಲಾ ಮರಾಂಡಿ ಸಿಪಿಐ (ಮಾವೋವಾದಿ) ಸದಸ್ಯರೂ ಆಗಿದ್ದಾರೆ.

ಹಲವಾರು ಕ್ರಿಮಿನಲ್ ಪ್ರಕರಣಗಳಲ್ಲಿ ಬೇಕಾಗಿರುವ ಬೋಸ್, ಸಂಘಟನೆಯ ಕೇಂದ್ರ ಸಮಿತಿಯ ಹಿರಿಯ ನಾಯಕನಾಗಿದ್ದಾರೆ. ಸಿಪಿಐ (ಮಾವೋವಾದಿ) ಪೂರ್ವ ಪ್ರಾದೇಶಿಕ ಬ್ಯೂರೋದ ಕಾರ್ಯದರ್ಶಿಯೂ ಆಗಿದ್ದಾರೆ.

ಇದನ್ನೂ ಓದಿ:ಖ್ಯಾತ ಫುಟ್‌ಬಾಲ್ ಆಟಗಾರ ಆಗ್ವೆರೊಗೆ ಹೃದಯ ಸಮಸ್ಯೆ: ಸದ್ಯದಲ್ಲೇ ನಿವೃತ್ತಿ?

ಗುಪ್ತಚರ ಮಾಹಿತಿಯ ಮೇರೆಗೆ ಕಾರ್ಯಾಚರಣೆ ನಡೆಸಿದ ಪೊಲೀಸರು ಇಬ್ಬರನ್ನು ಬಂಧಿಸಿದ್ದಾರೆ.

ಪಶ್ಚಿಮ ಬಂಗಾಳ ಮೂಲದ ಬೋಸ್, ಬಿಹಾರ, ಜಾರ್ಖಂಡ್ ಮತ್ತು ಪಶ್ಚಿಮ ಬಂಗಾಳ ಸೇರಿದಂತೆ ಹಲವು ರಾಜ್ಯಗಳಲ್ಲಿ ಮಾವೋವಾದಿ ಚಟುವಟಿಕೆಗಳ ಉಸ್ತುವಾರಿ ವಹಿಸಿದ್ದ ಮತ್ತು ಸರಂದಾ ಅರಣ್ಯದಿಂದ ಕಾರ್ಯಾಚರಣೆ ನಡೆಸುತ್ತಿದ್ದರು ಎಂದು ನಂಬಲಾಗಿದೆ ಎಂದು ಅಧಿಕಾರಿ ಹೇಳಿದ್ದಾರೆ.