ಡಿಸೆಂಬರ್‌ನಿಂದ ಟೊಮ್ಯಾಟೊ ಬೆಲೆಯಿಳಿಕೆ: ಕೇಂದ್ರ

Team Udayavani, Nov 28, 2021, 6:00 AM IST

ನವದೆಹಲಿ: ಡಿಸೆಂಬರ್‌ ಆರಂಭದಿಂದ ಟೊಮ್ಯಾಟೊ ಬೆಲೆ ಇಳಿಯಲಿದೆ ಎಂದು ಕೇಂದ್ರ ಸರ್ಕಾರ ಹೇಳಿದೆ. ಉತ್ತರ ಭಾರತದಿಂದ ಪೂರೈಕೆ ಹೆಚ್ಚಾಗುವ ಕಾರಣ ಬೆಲೆ ನಿಯಂತ್ರಣಕ್ಕೆ ಬರಲಿದೆ ಎನ್ನುವುದು ಸರ್ಕಾರ ನೀಡಿರುವ ಕಾರಣ.

ದೇಶಾದ್ಯಂತ ಸುರಿದ ಭಾರೀ ಮಳೆ, ಹಾಳಾದ ಬೆಳೆ, ಸಾಗಣೆಯಲ್ಲಾದ ವ್ಯತ್ಯಯದ ಪರಿಣಾಮ ಬೆಂಗಳೂರಿನಲ್ಲೂ ಟೊಮ್ಯಾಟೊ ಬೆಲೆ 130 ರೂ.ಗಳವರೆಗೆ ಏರಿದೆ. ಇದೀಗ ಮಳೆ ಕಡಿಮೆಯಾಗುತ್ತಿದೆ. ಸಾಗಣೆಗಿದ್ದ ಅಡಚಣೆಯೂ ನಿವಾರಣೆಯಾಗುತ್ತಿದೆ. ಹಾಗಾಗಿ ಮತ್ತೆ ಸಹಜವಾಗಿ ಬೆಲೆ ಇಳಿಯಲಿದೆ. ಈ ವರ್ಷ ಹಿಂಗಾರುಮಳೆಯ ವೇಳೆ 6.95 ಮಿಲಿಯನ್‌ ಟನ್‌ ಟೊಮ್ಯಾಟೊ ಬೆಳೆಯ ನಿರೀಕ್ಷೆ ಹೊಂದಲಾಗಿದೆ ಎಂದು ಕೇಂದ್ರ ಸರ್ಕಾರ ವಿವರಿಸಿದೆ.

ತಮಿಳುನಾಡಿನಲ್ಲಿ ಬೆಲೆ ಇಳಿಕೆ: ಇಷ್ಟೆಲ್ಲದರ ತಮಿಳುನಾಡಿನ ಕೊಯಮತ್ತೂರಿನಲ್ಲಿ ಬೆಲೆ ಇಳಿಯಲು ಶುರುವಾಗಿದೆ. ಪೂರೈಕೆ ಹೆಚ್ಚಾಗಿದ್ದರಿಂದ ಗುರುವಾರ 85 ರೂ. ಇದ್ದಿದ್ದು ಶುಕ್ರವಾರ 68 ರೂ.ಗಿಳಿದಿದೆ.

ಇದನ್ನೂ ಓದಿ:ಅಭ್ಯರ್ಥಿ ಸತ್ತ ಬಳಿಕವೂ ಮತದಾನ; ಅನುಕಂಪದಲ್ಲಿ ಮತ ಹಾಕಿ ಗೆಲ್ಲಿಸಿದ ಗ್ರಾಮಸ್ಥರು !!

ಅಂದು ನಷ್ಟ, ಇಂದು ಲಾಭ!
ಆಂಧ್ರಪ್ರದೇಶದ ಕರ್ನೂಲು ಮತ್ತಿತರ ಭಾಗಗಳಲ್ಲಿ ಟೊಮ್ಯಾಟೋ ಬೆಳೆಗಾರರಿಗೆ ಈಗ ಸುಗ್ಗಿಯ ಕಾಲ ಎಂಬಂತಾಗಿದೆ! ಇದೇ ಸೆಪ್ಟಂಬರ್‌- ಅಕ್ಟೋಬರ್‌ನಲ್ಲಿ ಈ ಪ್ರಾಂತ್ಯದಲ್ಲಿ ಟೊಮ್ಯಾಟೋ ಬೆಲೆ ತೀವ್ರವಾಗಿ ಕುಸಿದ ಹಿನ್ನೆಲೆಯಲ್ಲಿ ಅಲ್ಲಿನ ರೈತರು, ಪ್ರತಿಭಟನೆ ನಡೆಸಿದ್ದರು. ಆದರೀಗ, ದೇಶಾದ್ಯಂತ ಅಕಾಲಿಕ ಮಳೆಯಿಂದಾಗಿ ಟೊಮ್ಯಾಟೋ ಬೆಳೆ ನಷ್ಟವಾಗಿ ಅದರ ಬೆಲೆ ಗಗನಕ್ಕೇರಿದೆ. ಇದು ಅಲ್ಲಿನ ಟೊಮ್ಯಾಟೋ ಬೆಳೆಗಾರರಿಗೆ ಹೆಚ್ಚಿನ ಆದಾಯ ತಂದುಕೊಟ್ಟಿದೆ ಎಂದು ಹೇಳಲಾಗಿದೆ.