ತ್ರಿಪುರಾ ನಗರ ಪಂಚಾಯತ್ ಚುನಾವಣೆ : ಬಿಜೆಪಿಗೆ ಸಿಹಿ, ಟಿಎಂಸಿಗೆ ಕಹಿ

Team Udayavani, Nov 28, 2021, 2:38 PM IST

ಅಗರ್ತಲಾ: ತ್ರಿಪುರಾದಲ್ಲಿ ಮುನ್ಸಿಪಲ್ ಕಾರ್ಪೊರೇಷನ್, ನಗರ ಪಂಚಾಯತ್ ಚುನಾವಣೆಗಳ ಮತ ಎಣಿಕೆ ನಡೆಯುತ್ತಿದ್ದು, ಬಿಜೆಪಿ ಹೆಚ್ಚಿನ ಸ್ಥಾನಗಳನ್ನು ಗೆಲ್ಲುವ ಮೂಲಕ ತೃಣಮೂಲ ಕಾಂಗ್ರೆಸ್ ಪಕ್ಷಕ್ಕೆ ಶಾಕ್ ನೀಡಿದೆ.

ಅಗರ್ತಲಾ ಮುನ್ಸಿಪಲ್ ಕಾರ್ಪೊರೇಷನ್ ನಲ್ಲಿ ಸ್ಪಷ್ಟ ಬಹುಮತವನ್ನು ಬಿಜೆಪಿ ಪಡೆದಿದೆ. 51 ವಾರ್ಡ್‌ಗಳಲ್ಲಿ 29 ಅನ್ನು ಗೆದ್ದು ಬಹುಮತ ಗಳಿಸಿದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.

ಕಸದ ಬುಟ್ಟಿ !

ಟಿಎಂಸಿ ಗೆ ತ್ರಿಪುರಾದ ಜನರು ಕಸದ ಬುಟ್ಟಿಯೇ ಸರಿಯಾದ ಸ್ಥಳ ಎಂದು ತೋರಿಸುತ್ತಿದ್ದಾರೆ. ಯಾವುದೇ ತಂತ್ರಗಳು ಅವರಿಗೆ ಫಲ ನೀಡಲಿಲ್ಲ.ಬಿಜೆಪಿ ನಗರ ಸ್ಥಳೀಯ ಸಂಸ್ಥೆಗಳಲ್ಲಿ ಶೇ.80ಕ್ಕೂ ಹೆಚ್ಚು ಸ್ಥಾನಗಳನ್ನು ಗೆಲ್ಲುವ ಮೂಲಕ ಇತಿಹಾಸ ಸೃಷ್ಟಿಸಲು ಸಜ್ಜಾಗಿದೆ. ಎಲ್ಲಾ ಪುರಸಭೆಗಳನ್ನು ಗೆಲ್ಲಲು ಮುಂದಾಗಿದೆ ಎಂದು ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಬಿ.ಎಲ್.ಸಂತೋಷ್ ಟ್ವೀಟ್ ಮಾಡಿದ್ದಾರೆ.

People of Tripura are showing the @AITCofficial the rightful place … The Dustbin … None of the tantrums got them any results . @BJP4Tripura set to create history by winning more than 80% seats in urban local bodies . Set to win all municipalities.

— B L Santhosh (@blsanthosh) November 28, 2021

ತ್ರಿಪುರ ರಾಜ್ಯ ಚುನಾವಣಾ ಆಯೋಗದ ಪ್ರಕಾರ ಅಂಬಾಸಾ, ಜಿರಾನಿಯಾ, ತೆಲಿಯಮುರಾ ಮತ್ತು ಸಬ್ರೂಮ್‌ನಲ್ಲಿ ಬಿಜೆಪಿ ಮುನ್ನಡೆ ಸಾಧಿಸಿದೆ

ರಾಜ್ಯದ ಹಲವೆಡೆ ಬಿಜೆಪಿ ವಿಜಯೋತ್ಸವ ಆಚರಿಸುತ್ತಿದೆ. ಗೆಲ್ಲೆಲೇಬೇಕು ಎನ್ನುವ ಉತ್ಸಾಹದಲ್ಲಿದ್ದ ಟಿಎಂಸಿಗೆ ಆಘಾತವಾಗಿದೆ.

ಬಿಪ್ಲಬ್ ನಾಯಕತ್ವಕ್ಕೆ ಮನ್ನಣೆ

ಬಿಪ್ಲಬ್ ಕುಮಾರ್ ದೇಬ್ ಪ್ರಸ್ತುತ ತ್ರಿಪುರಾದ ಮುಖ್ಯಮಂತ್ರಿಯಾಗಿದ್ದು, 2018 ರ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯನ್ನು ಗೆಲುವಿನತ್ತ ಮುನ್ನಡೆಸಿದ್ದರು ಕಮ್ಯುನಿಸ್ಟ್ ಪಾರ್ಟಿ ಆಫ್ ಇಂಡಿಯಾ ನೇತೃತ್ವದ ಎಡರಂಗ ಸರ್ಕಾರದ 25 ವರ್ಷಗಳ ಆಡಳಿತವನ್ನು ಅಂತ್ಯಗೊಳಿಸಿದ್ದರು.