ಅತ್ತೆ ಊಟದಲ್ಲಿ ನಿದ್ರೆ ಮಾತ್ರೆ ಇಟ್ಟ ಸೊಸೆ!

Team Udayavani, Dec 15, 2021, 3:05 PM IST

Representative Image used

ಬೆಂಗಳೂರು: ಸೊಸೆಯೊಬ್ಬಳು ಅತ್ತೆಗೆ ಊಟದಲ್ಲಿ ನಿದ್ರೆ ಮಾತ್ರೆ ಹಾಗೂ ಜಿರಳೆ ಔಷಧಿ ಹಾಕಿ ಕೊಲ್ಲಲು ಯತ್ನಿಸಿರುವ ಘಟನೆ ಕುಮಾರಸ್ವಾಮಿ ಲೇಔಟ್‌ನಲ್ಲಿ ತಡವಾಗಿ ಬೆಳಕಿಗೆ ಬಂದಿದೆ.

ಈ ಸಂಬಂಧ ಮಹಿಳೆಯ ಪತಿ ಆಸಿಫ್‌ ಖಾನ್‌ ಎಂಬುವರ ಪತ್ನಿ ಆಯಿಶಾ ವಿರುದ್ಧ ಕುಮಾರ ಸ್ವಾಮಿ ಲೇಔಟ್‌ ಠಾಣೆಯಲ್ಲಿ ದೂರು ದಾಖಲಿಸಿದ್ದು ಪೊಲೀಸರು ತನಿಖೆ ಕೈಗೊಂಡಿದ್ದಾರೆ. ಆಯಿಶಾ ತನ್ನ ತಾಯಿಗೆ ಕರೆ ಮಾಡಿ, ನಿದ್ರೆ ಮಾತ್ರೆ ಮತ್ತು ಜಿರಳೆ ಔಷಧಿ ಖಾಲಿಯಾಗಿದೆ.

ಮೆಡಿಕಲ್‌ಸ್ಟೋರ್‌ ನಿಂದ ಚೆನ್ನಾಗಿರುವ ನಿದ್ರೆಮಾತ್ರೆ ಮತ್ತು ಜಿರಳೆ ಔಷಧಿ ತಂದು ಕೊಡು. ಇವೆರಡನ್ನೂ ಊಟದಲ್ಲಿ ಬೆರಸಿ ಅತ್ತೆಗೆ ಕೊಡುವೆ ಎಂದು ಹೇಳಿರುವ ಆಡಿಯೋ ಪೊಲೀಸರಿಗೆ ದೊರೆತಿದೆ.

ಹಾಗಾಗಿ ಆಕೆ ಅತ್ತೆ ಕೊಲೆಗೆ ಸಂಚು ರೂಪಿಸಿರುವುದು ಬಯಲಾಗಿದೆ. ಕೆಲ ದಿನಗಳ ಹಿಂದೆಷ್ಟೇ ಆಸಿಫ್‌ ಖಾನ್‌ ಕುಟುಂಬಸ್ಥರು ವಿಷಯುಕ್ತ ಆಹಾರ ಸೇವಿಸಿ ಅಸ್ವಸ್ಥರಾಗಿದ್ದರು. ಬಳಿಕ ಅವರನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ಕೊಡಿಸಲಾಗಿತ್ತು.

ಈ ಸಂಬಂಧ ತನಿಖೆ ನಡೆಸಿದ ಪೊಲೀಸರಿಗೆ, ಸೊಸೆ ಆಯಿಶಾಳ ಕೊಲೆ ಸಂಚು ಗೊತ್ತಾಗಿದೆ. ಸದ್ಯ ಆಯಿಶಾ, ಹುಸೇನ್‌ ಸಾಬ್‌, ಕಮರ್‌ ತಾಜ್‌, ಹರಾರತ್‌ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ.