ಬಿಜೆಪಿಯಿಂದ ಆಡಳಿತ ಯಂತ್ರ ದುರ್ಬಳಕೆ: ಆಂಜನೇಯ

Team Udayavani, Dec 16, 2021, 8:11 PM IST

ಚಿತ್ರದುರ್ಗ: ಆಡಳಿತ ಯಂತ್ರವನ್ನು ದುರುಪಯೋಗಮಾಡಿಕೊಂಡು ಬಿಜೆಪಿ ಪರಿಷತ್‌ ಚುನಾವಣೆಯಲ್ಲಿಗೆಲುವು ಸಾ ಧಿಸಿದೆ ಎಂದು ಮಾಜಿ ಸಚಿವ ಎಚ್‌.ಆಂಜನೇಯ ಆರೋಪಿಸಿದರು.ಜಿಲ್ಲಾ ಕಾಂಗ್ರೆಸ್‌ ಕಚೇರಿಯಲ್ಲಿ ಬುಧವಾರಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, ನಗರಸ್ಥಳೀಯ ಸಂಸ್ಥೆಗಳಿಗೆ ನಾಮನಿರ್ದೇಶಿತ ಸದಸ್ಯರನ್ನುಸರ್ಕಾರ ನೇಮಿಸುತ್ತದೆ.

ಅಧ್ಯಕ್ಷರು, ಉಪಾಧ್ಯಕ್ಷರಆಯ್ಕೆಗೂ ಇವರಿಗೆ ಅ ಧಿಕಾರ ಇರುವುದಿಲ್ಲ. ಇಂತಹಸದಸ್ಯರು ವಿಧಾನಪರಿಷತ್‌ ಚುನಾವಣೆಯಲ್ಲಿಮತದಾನ ಮಾಡುವ ಅ ಧಿಕಾರವನ್ನು ಸರ್ಕಾರನೀಡಿತು. ಇದರ ಪರಿಣಾಮ ಚಿಕ್ಕಮಗಳೂರು ಹಾಗೂಚಿತ್ರದುರ್ಗ ಕ್ಷೇತ್ರ ಬಿಜೆಪಿ ಪಾಲಾಗಿದೆ ಎಂದರು.ಗ್ರಾಮ ಪಂಚಾಯಿತಿಗಳಲ್ಲಿ ಸ್ಥಾಪಿಸಿದ್ದ ಮತಗಟ್ಟೆಯಕರ್ತವ್ಯಕ್ಕೆ ಪಂಚಾಯಿತಿ ಅಭಿವೃದ್ಧಿ ಅ ಧಿಕಾರಿಗಳನ್ನು(ಪಿಡಿಒ) ನಿಯೋಜಿಸಲಾಗಿತ್ತು.

ಪಿಡಿಒಗಳ ಮೂಲಕಮತದಾರರನ್ನು ನಿಯಂತ್ರಿಸಲಾಯಿತು. ಇದೊಂದುಸಂವಿಧಾನ ವಿರೋ ಧಿ ನಡೆ ಎಂದು ಅಸಮಾಧಾನವ್ಯಕ್ತಪಡಿಸಿದರು.ಚಿತ್ರದುರ್ಗ ಕ್ಷೇತ್ರದಲ್ಲಿ ಪಕ್ಷದ ಅಭ್ಯರ್ಥಿಪರಾಭವಗೊಂಡಿರುವುದನ್ನು ಗೌರವಯುತವಾಗಿಒಪ್ಪಿಕೊಳ್ಳುತ್ತೇವೆ. ಗೆಲ್ಲುವ ಅವಕಾಶವನ್ನು ಕೈಚೆಲ್ಲಿಸ್ವಯಂಕೃತ ಅಪರಾಧ ಮಾಡಿಕೊಂಡ ಬಗ್ಗೆಆತ್ಮಾವಲೋಕನ ಮಾಡಿಕೊಳ್ಳುತ್ತೇವೆ. 20ಕ್ಕೂ ಅ ಧಿಕಪಂಚಾಯಿತಿಗಳನ್ನು ಕಾರ್ಯಕರ್ತರು ಸರಿಯಾಗಿನಿರ್ವಹಣೆ ಮಾಡಲಿಲ್ಲ. ಇದರ ಫಲವಾಗಿ ಕೆಲಮತಗಳು ಕೈತಪ್ಪಿವೆ.

ಆದರೂ ಬಿಜೆಪಿಗೆ ಪ್ರಬಲಪೈಪೋಟಿ ನೀಡಿದ ತೃಪ್ತಿ ಇದೆ ಎಂದು ಪ್ರಶ್ನೆಯೊಂದಕ್ಕೆಪ್ರತಿಕ್ರಿಯಿಸಿದರು.ಪರಾಜಿತ ಅಭ್ಯರ್ಥಿ ಬಿ. ಸೋಮಶೇಖರ್‌ಮಾತನಾಡಿ, ನನಗೆ ಸಿಕ್ಕಿದ ಅತ್ಯಂತ ಕಡಿಮೆ ಅವಧಿಯಲ್ಲಿ ಮತದಾರರನ್ನು ತಲುಪಿದ್ದೇನೆ. ಇನ್ನಷ್ಟುಕಾಲಾವಕಾಶ ಇದ್ದಿದ್ದರೆ ಮತ್ತಷ್ಟು ಮತ ಗಳಿಕೆಗೆಸಾಧ್ಯವಾಗುತ್ತಿತ್ತು. ಚುನಾವಣೆಯಲ್ಲಿ ಸೋಲುಕಂಡಿರುವುದು ನನ್ನ ರಾಜಕೀಯ ಜೀವನದ ಅಂತ್ಯವಲ್ಲ.ಇದು ಆರಂಭವಾಗಿದ್ದು, ಕ್ಷೇತ್ರದಲ್ಲೇ ಉಳಿದು ಪಕ್ಷಸಂಘಟನೆಯಲ್ಲಿ ತೊಡಗುತ್ತೇನೆ ಎಂದರು.ಈ ಚುನಾವಣೆಯಲ್ಲಿ ನಾನು ಕಳೆದುಕೊಂಡಿದ್ದಕ್ಕಿಂತ ಹೆಚ್ಚಾಗಿ ಪಡೆದುಕೊಂಡಿದ್ದೇನೆ.

ಪ್ರತಿಸ್ಪರ್ಧಿಗಳ ಅಪಪ್ರಚಾರದ ನಡುವೆಯೂ ಮತದಾರರುವಿಶ್ವಾಸವಿಟ್ಟು ಮತ ನೀಡಿರುವುದಕ್ಕೆ ಕೃತಜ್ಞನಾಗಿದ್ದೇನೆ.ಸಾಮಾನ್ಯ ಕಾರ್ಯಕರ್ತನಾಗಿದ್ದ ನನಗೆ ಪಕ್ಷದೊಡ್ಡ ಅವಕಾಶ ನೀಡಿತು. ಪಕ್ಷ ಹಾಗೂ ನಾಯಕರನಿರೀಕ್ಷೆಯನ್ನು ಈಡೇರಿಸಲು ಶ್ರಮಿಸಿದ್ದೇನೆ. ಗೆಲುವಿನಸಮೀಪಕ್ಕೆ ಬರಲು ಸ್ಥಳೀಯ ನಾಯಕರು ಸಹಕಾರನೀಡಿದರು. ಕ್ಷೇತ್ರ ಗೆಲ್ಲಲು ಸಾಧ್ಯವಾಗದೇ ಇರುವಬಗ್ಗೆ ಆತ್ಮಾವಲೋಕನ ಮಾಡಿಕೊಳ್ಳಲಾಗುವುದು.ಕೇಂದ್ರ ಮತ್ತು ರಾಜ್ಯದಲ್ಲಿ ಬಿಜೆಪಿ ಅ ಧಿಕಾರದಲ್ಲಿರುವಕಾರಣಕ್ಕೆ ಆ ಪಕ್ಷದ ಅಭ್ಯರ್ಥಿಗೆ ಅನುಕೂಲವಾಗಿದೆಎಂದು ತಿಳಿಸಿದರು. ಸುದ್ದಿಗೋಷ್ಠಿಯಲ್ಲಿ ಕಾಂಗ್ರೆಸ್‌ಜಿಲ್ಲಾಧ್ಯಕ್ಷ ಎಂ.ಕೆ. ತಾಜ್‌ಪೀರ್‌, ಉಪಾಧ್ಯಕ್ಷ ಸಾದತ್‌ಉಲ್ಲಾ, ಪ್ರಧಾನ ಕಾರ್ಯದರ್ಶಿಗಳಾದ ಸಂಪತ್‌ಕುಮಾರ್‌, ಡಿ.ಎನ್‌. ಮೈಲಾರಪ್ಪ, ಜಿಪಂ ಮಾಜಿಸದಸ್ಯ ನರಸಿಂಹರಾಜು ಇದ್ದರು.