ರೈತ ಸಂಘ-ಹಸಿರು ಸೇನೆಯಿಂದ ರೈತ ದಿನಾಚರಣೆ

Team Udayavani, Dec 29, 2021, 9:54 PM IST

ಹುಣಸಗಿ: ಪಟ್ಟಣದಲ್ಲಿ ಕರ್ನಾಟಕ ರಾಜ್ಯ ರೈತ ಸಂಘ ಹಾಗೂ ಹಸಿರು ಸೇನೆ ತಾಲೂಕು ಘಟಕದಿಂದ ರೈತ ದಿನ ಆಚರಿಸಲಾಯಿತು. ರಾಜ್ಯ ರೈತ ಸಂಘದ (ಹಸಿರುಸೇನೆ) ಮಹಿಳಾ ಉಪಾಧ್ಯಕ್ಷೆ ಮಹಾದೇವಿ ಬೇವಿನಾಳಮಠ ಹಸಿರು ನೇಗಿಲ ಧ್ವಜಾರೋಹಣ ನೆರವೇರಿಸಿ ಮಾತನಾಡಿ, ದೇಶದಲ್ಲಿ ಪ್ರತಿ ವರ್ಷ ಡಿ.23ರಂದು ಮಾಜಿ ಪ್ರಧಾನಿ ಚೌಧರಿ ಚರಣ್‌ಸಿಂಗ್‌ ಸ್ಮರಣಾರ್ಥ ಹಾಗೂ ಜನ್ಮದಿನದಂದು ರಾಷ್ಟ್ರೀಯ ರೈತರ ದಿನವನ್ನಾಗಿ ಆಚರಿಸಲಾಗುತ್ತದೆ ಎಂದರು.

ರೈತರ ಕಲ್ಯಾಣಕ್ಕೆ ಅವರು ತಂದ ರೈತ ಸ್ನೇಹಿ ಯೋಜನೆಗಳು ಇಂದಿಗೂ ಜನಪ್ರಿಯವಾಗಿವೆ. ಹೀಗಾಗಿ ಚೌಧರಿ ಚರಣ್‌ಸಿಂಗ್‌ ಅವರನ್ನು ಎಲ್ಲರೂ ಸ್ಮರಿಸಬೇಕಿದೆ ಎಂದರು.ಈ ವೇಳೆ ಜಿಲ್ಲಾಧ್ಯಕ್ಷ ಬೇಬಿ ರಾಥೋಡ, ತಾಲೂಕು ಅಧ್ಯಕ್ಷ ಸಿದ್ದು ಅಬ್ಯಾಳ, ಶರಣಗೌಡ ಹುಲಕಲ್‌, ರುದ್ರಪ್ಪ ಮೇಟಿ, ಬಸವರಾಜ ಬೂದಿಹಾಳ, ಶರಣಮ್ಮ ಬೂದಿಹಾಳ, ಬಸವರಾಜ ಗೆದ್ದಲಮರಿ, ದೇವಮ್ಮ ವಜ್ಜಲ್‌, ಬೀರಲಿಂಗ ಹನುಮಸಾಗರ, ಶಿವಪುತ್ರಪ್ಪಗೌಡ, ಭಾಷಾ ವಜ್ಜಲ್‌, ಸೋಮಯ್ಯ ಸೇರಿದಂತೆ ರೈತ ಸಂಘಟನೆ ಪದಾ ಧಿಕಾರಿಗಳು ಇದ್ದರು.