ಟೆಸ್ಟ್ ಕ್ರಿಕೆಟ್ ಗೆ ದಿಢೀರ್ ವಿದಾಯ ಘೋಷಿಸಿದ ಕ್ವಿಂಟನ್ ಡಿ ಕಾಕ್

Team Udayavani, Dec 31, 2021, 8:40 AM IST

ಸೆಂಚೂರಿಯನ್: ದಕ್ಷಿಣ ಆಫ್ರಿಕಾ ಕ್ರಿಕೆಟ್ ತಂಡದ ವಿಕೆಟ್ ಕೀಪರ್ ಬ್ಯಾಟ್ಸಮನ್ ಕ್ವಿಂಟನ್ ಡಿ ಕಾಕ್ ಅವರು ದಿಢೀರನೆ ಟೆಸ್ಟ್ ಕ್ರಿಕೆಟ್ ಗೆ ವಿದಾಯ ಘೋಷಿಸಿದ್ದಾರೆ. ಭಾರತದ ವಿರುದ್ಧದ ಮೊದಲ ಟೆಸ್ಟ್ ಪಂದ್ಯ ಅಂತ್ಯವಾದ ಕೆಲವೇ ಗಂಟೆಗಳಲ್ಲಿ ಕ್ವಿನ್ನಿ ಈ ಘೋಷಣೆ ಮಾಡಿದ್ದಾರೆ.

ತಕ್ಷಣಕ್ಕೆ ಅನ್ವಯವಾಗುವಂತೆ ಡಿಕಾಕ್ ವಿದಾಯ ಹೇಳಿದ್ದಾರೆ. ಅಂದರೆ ಭಾರತದ ವಿರುದ್ದದ ಟೆಸ್ಟ್ ಸರಣಿಯ ಉಳಿದ ಪಂದ್ಯಗಳಿಗೆ ಅವರು ಲಭ್ಯರಿರುವುದಿಲ್ಲ. ಏಕದಿನ ಮತ್ತು ಟಿ20 ಪಂದ್ಯಗಳಿಗೆ ತಾನು ಲಭ್ಯ ಎಂದು ಕ್ವಿಂಟನ್ ಡಿಕಾಕ್ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ:ವರ್ಷದ ಏಕದಿನ ಕ್ರಿಕೆಟಿಗ: ಭಾರತೀಯರಿಗೆ ಸ್ಥಾನವಿಲ್ಲ

ಕುಟುಂಬಕ್ಕೆ ಹೆಚ್ಚಿನ ಸಮಯ ನೀಡಬೇಕಾದ ಕಾರಣ ಟೆಸ್ಟ್ ಕ್ರಿಕೆಟ್ ನಿಂದ ದೂರವಾಗುತ್ತಿರುವುದಾಗಿ ಕ್ವಿಂಟನ್ ಹೇಳಿಕೊಂಡಿದ್ದಾರೆ. ಡಿಕಾಕ್ ಮತ್ತು ಪತ್ನಿ ಸಾಶಾ ಮೊದಲ ಮಗುವಿನ ನಿರೀಕ್ಷೆಯಲ್ಲಿದ್ದಾರೆ. ಹೀಗಾಗಿ ಇನ್ನು ಹೆಚ್ಚಿನ ಸಮಯ ಕುಟುಂಬಕ್ಕೆ ಹೆಚ್ಚಿನ ಸಮಯ ಮೀಸಲಿಡುವ ಕಾರಣ ಈ ನಿರ್ಧಾರ ಮಾಡಿರುವುದಾಗಿ ಹೇಳಿಕೊಂಡಿದ್ದರೆ.

29 ವರ್ಷದ ಕ್ವಿಂಟನ್ ಡಿಕಾಕ್ ಅವರು ದಕ್ಷಿಣ ಆಫ್ರಿಕಾ ಪರ 54 ಟೆಸ್ಟ್ ಪಂದ್ಯವಾಡಿದ್ದು, 3,300 ರನ್ ಗಳಿಸಿದ್ದಾರೆ. 38.82ರ ಸರಾಸರಿಯಲ್ಲಿ ಬ್ಯಾಟ್ ಬೀಸಿರುವ ಅವರು ಆರು ಶತಕ ಮತ್ತು 22 ಅರ್ಧಶತಕ ಗಳಿಸಿದ್ದಾರೆ.

Koo App

Quinton De Kock retires from Test cricket with immediate effect. He was expected to take the paternity leave but to announce retirement. Well…didn’t see this coming. Nobody did, I guess. All of 29. Already done with the longest format.

– Aakash Chopra (@cricketaakash) 30 Dec 2021