ಕಾಂಗ್ರೆಸ್‌ನತ್ತ ಯುವಜನರನ್ನು ಸೆಳೆಯಿರಿ

Team Udayavani, Jan 2, 2022, 12:52 PM IST

ಯಳಂದೂರು: ಕಾಂಗ್ರೆಸ್‌ ಪಕ್ಷಕ್ಕೆ ಯುವಕರನ್ನು ಹೆಚ್ಚು ಸೇರ್ಪಡೆಗೊಳ್ಳಲು ಕಾರ್ಯಕರ್ತರುಹೆಚ್ಚು ಶ್ರಮ ಪಡಬೇಕು ಎಂದು ಕೆಪಿಸಿಸಿ ಕಾರ್ಯಾಧ್ಯಕ್ಷ, ಮಾಜಿ ಸಂಸದ ಆರ್‌.ಧ್ರುವನಾರಾಯಣ ಮನವಿ ಮಾಡಿದರು.

ಪಟ್ಟಣದ ಕಾಂಗ್ರೆಸ್‌ ಕಚೇರಿಯಲ್ಲಿಮೇಕೆದಾಟು ಪಾದಯಾತ್ರೆಯ ಪೂರ್ವಭಾವಿಸಭೆಯಲ್ಲಿ ಮಾತನಾಡಿದ ಅವರು, ರಾಜ್ಯದಲ್ಲಿಆಡಳಿತ ವಿರೋಧಿ ಅಲೆ ಹೆಚ್ಚಿದೆ. ಇದಕ್ಕೆನಿದರ್ಶನವೆಂಬಂತೆ ಅನೇಕ ಕಡೆ ಸ್ಥಳೀಯಸಂಸ್ಥೆಗಳ ಚುನಾವಣೆಗಳಲ್ಲಿ ಪಕ್ಷ ಭರ್ಜರಿ ಜಯಸಾಧಿಸಿದೆ. ಮುಖ್ಯಮಂತ್ರಿ ತವರಿನ ಬಂಕಾಪುರದಲ್ಲೆ ನಮ್ಮ ಪಕ್ಷ ಸ್ಪಷ್ಟಬಹುಮತಪಡೆದಿದೆ. ಆದರೆ, ಪಕ್ಷದ ಕಾರ್ಯಕರ್ತರು ನಮ್ಮ ಪರವಾಗಿ ಜನರಿದ್ದಾರೆ ಎಂದು ಮೈಮರೆಯಬಾರದು. ನಮ್ಮಲ್ಲಿ ಜಡತ್ವಇದ್ದು ಇದು ತೊಲಗಬೇಕು. ಪಕ್ಷಕ್ಕೆಯುವ ಹಾಗೂ ವಿದ್ಯಾರ್ಥಿ ಸಮೂಹವನ್ನು ಸೆಳೆಯುವ ಪ್ರಯತ್ನ ಮಾಡಬೇಕು.ಮೇಕೆದಾಟು ಯೋಜನೆಹಿಂದಿನ ಕಾಂಗ್ರೆಸ್‌ ಸರ್ಕಾರದಲ್ಲಿರೂಪಿತವಾಗಿದ್ದರೂ ಇದಕ್ಕೆ ಕಳೆದ2 ವರ್ಷಗಳಿಂದಲೂ ಅನುಮೊದನೆನೀಡಿಲ್ಲ. ಇದರ ನಿಮಿತ್ತ ಮೇಕೆದಾಟು ಪಾದಯಾತ್ರೆ ಹಮ್ಮಿಕೊಳ್ಳಲಾಗಿದ್ದು ಜ.2 ರಂದುಚಾಮರಾಜನಗರದಲ್ಲಿ ಬೃಹತ್‌ ಮಟ್ಟದಕಾರ್ಯಕ್ರಮವನ್ನು ನಡೆಯಲಿದೆ. ಮಾಜಿಮುಖ್ಯಮಂತ್ರಿ ಸಿದ್ದರಾಮಯ್ಯ, ಕೆಪಿಸಿಸಿ ಅಧ್ಯಕ್ಷಡಿ.ಕೆ. ಶಿವಕುಮಾರ್‌ ಸೇರಿದಂತೆ ಹಲವುಮುಖಂಡರು ಭಾಗವಹಿಸಲಿದ್ದಾರೆ. ಇದಕ್ಕೆಪಟ್ಟಣ ಸೇರಿದಂತೆ ತಾಲೂಕಿನ ವಿವಿಧಗ್ರಾಮಗಳಿಂದ ಸಾವಿರಾರು ಸಂಖ್ಯೆಯಲ್ಲಿ ಪಕ್ಷದಕಾರ್ಯಕರ್ತರನ್ನು ಸೇರಿಸುವ ಕೆಲಸವಾಗಬೇಕು.ಇದರೊಂದಿಗೆ ಸದಸ್ಯತ್ವವನ್ನು ನೋಂದಣಿಮಾಡುವ ಕೆಲಸವನ್ನು ಮಾಡಬೇಕು ಎಂದರು.

ಕ್ಷೇತ್ರ ಸಿಂಗಪುರ ಮಾಡುವ ಭರವಸೆ ಎಲ್ಲಿ: ನಮ್ಮ ಕ್ಷೇತ್ರವನ್ನು ನಾನು ಗೆದ್ದಲ್ಲಿಸಿಂಗಪುರ ಮಾಡುವಭರವಸೆಯನ್ನು ಚುನಾವಣೆಯಲ್ಲಿ ಹೇಳಿದ್ದ ಶಾಸಕರು ಇದರ ಅಭಿವೃದ್ಧಿಗೆ ಕಿಂಚಿತ್ತೂಕಿಮ್ಮತ್ತೂ ನೀಡಿಲ್ಲ. ಪ್ರತಿ ಹಳ್ಳಿಗಳಲ್ಲಿಸಮಸ್ಯೆಗಳು ತಾಂಡವವಾಡುತ್ತಿದೆ. ಇದರಪರಿಹಾರಕ್ಕೆ ಸ್ಪಂದಿಸದ ಶಾಸಕರು ಸ್ಥಳೀಯಮತದಾರರ ಕೋಪಕ್ಕೆ ತುತ್ತಾಗಿದ್ದಾರೆ ಎಂದರು.

ಸಭೆಯಲ್ಲಿ ಮಾಜಿ ಶಾಸಕರಾದ ಎ.ಆರ್‌. ಕೃಷ್ಣಮೂರ್ತಿ, ಎಸ್‌. ಜಯಣ್ಣ, ಎಸ್‌.ಬಾಲರಾಜು, ಜಿಪಂ ಮಾಜಿ ಸದಸ್ಯ ಜೆ.ಯೋಗೇಶ್‌, ಚಂದು, ವಡಗೆರೆದಾಸ್‌, ಕೃಷ್ಣಪುರದೇವರಾಜು, ನಿರಂಜನ್‌ ಪಪಂ ಸದಸ್ಯರಾದಮಹೇಶ್‌, ವೈ.ಜಿ.ರಂಗನಾಥ, ಮಹದೇವನಾಯಕ, ಬಿ.ರವಿ, ಮಂಜು ಮತ್ತಿತರರಿದ್ದರು.