ರಸ್ತೆಯಲ್ಲಿ ಸಿಕ್ಕಿದ ಹತ್ತು ಸಾವಿರ ಹಣ ಮರಳಿಸಿ ವಿದ್ಯಾರ್ಥಿನಿಯರ ಪ್ರಾಮಾಣಿಕತೆ

Team Udayavani, Jan 6, 2022, 5:09 PM IST

ಕುಂದಾಪುರ : ತಾಲ್ಲೂಕಿನ ಕೋಣಿ ಸಾರ್ವಜನಿಕ ರಸ್ತೆಯಲ್ಲಿ ಸಿಕ್ಕಿದ ರೂಪಾಯಿ ಹತ್ತು ಸಾವಿರ ಮೊತ್ತವನ್ನು ಕೋಣಿ ಪ್ರೌಢ ಶಾಲಾ ವಿದ್ಯಾರ್ಥಿನಿಯರು ಕಳೆದುಕೊಂಡವರಿಗೆ ಮರಳಿಸಿ ಪ್ರಾಮಾಣಿಕತೆ ಮೆರೆದಿದ್ದಾರೆ.

ಪ್ರೌಢ ಶಾಲಾ ಸಮೀಪ ರಸ್ತೆಯಲ್ಲಿ ಸಿಕ್ಕಿದ ಹಣವನ್ನು ಕುಮಾರಿ ಶ್ರಾವ್ಯಾ,ಐಶ್ವರ್ಯಾ ಜೆ, ಪ್ರಸ್ತುತಿ ಮತ್ತು ವೈಷ್ಣವಿ ಅವರು  ಕೂಡಲೇ ಶಾಲೆಯ ಮುಖ್ಯ ಶಿಕ್ಷಕರಿಗೆ ತಂದು ನೀಡಿದ್ದಾರೆ.

ವಿದ್ಯಾರ್ಥಿಗಳು ತೋರಿದ ಒಳ್ಳೆಯ ಗುಣದಿಂದ ಹರ್ಷಗೊಂಡ ಮುಖ್ಯ ಶಿಕ್ಷಕರು ಈ ವಿಚಾರವನ್ನು ವಾಟ್ಸಾಪ್‌ನಲ್ಲಿ ವೈರಲ್ ಮಾಡಿದ್ದಾರೆ. ಅಂಚೆ ಇಲಾಖೆಯಲ್ಲಿ ಕೆಲಸ ಮಾಡುತ್ತಿದ್ದ ಅದೇ ಗ್ರಾಮದ ಸುಲೇಖಾ ಎಂಬುವರಿಗೆ ಸೇರಿದ ಹಣ ಇದಾಗಿತ್ತು.

ಹಣ ಕಳೆದುಕೊಂಡಿದ್ದ ಕುಮಾರಿ ಸುಲೇಖಾ ಅವರಿಗೆ ಶಾಲೆಯಲ್ಲಿ ಹಸ್ತಾಂತರಿಸಿ ವಿದ್ಯಾರ್ಥಿನಿಯರು ಭಾರಿ ಮೆಚ್ಚುಗೆಗೆ ಭಾಜನರಾದರು.

ಹಣ ಪಡೆದುಕೊಂಡ ಬಳಿಕ ಸುಲೇಖಾ ಎಲ್ಲಾ ವಿದ್ಯಾರ್ಥಿಗಳಗೆ ಸಿಹಿ ವಿತರಿಸಿ ಧನ್ಯವಾದ ಸಮರ್ಪಿಸಿದರು.