ಗುಂಡ್ಲುಪೇಟೆ:  ಜಿ.ಎಸ್.ಬೆಟ್ಟ ವ್ಯಾಪ್ತಿಯಲ್ಲಿ ಹೆಣ್ಣಾನೆ ಸಾವು

Team Udayavani, Jan 10, 2022, 7:33 PM IST

ಗುಂಡ್ಲುಪೇಟೆ : ಬಂಡೀಪುರ ಹುಲಿ ಸಂರಕ್ಷಿತ ಪ್ರದೇಶದ ಬಂಡೀಪುರ ಉಪ ವಿಭಾಗ ಜಿ.ಎಸ್.ಬೆಟ್ಟ ವಲಯದ ಗೋಪಾಲಪುರ ಗಸ್ತಿನ ಮಾದಪ್ಪನ ಕಡು ಅರಣ್ಯ ಪ್ರದೇಶದ ಬಳಿ ಸುಮಾರು 30 ರಿಂದ 35 ವರ್ಷದ ಹೆಣ್ಣಾನೆ ಮೃತಪಟ್ಟಿದೆ.

ಮೃತ ಹೆಣ್ಣಾನೆಯ ಹೊಟ್ಟೆಯ ಭಾಗದಲ್ಲಿ ಲೇಸ್ಮೇನಿಯಾ ಸೋಂಕು ತಗುಲಿದ್ದು, ನಾಲಿಗೆಯ ಭಾಗದಲ್ಲಿ ರಕ್ತ ಶ್ರಾವವಾಗಿ ದೇಹದ ಕೆಲ ಭಾಗ ಊತಗೊಂಡಿದೆ. ಆನೆಯ ಸಾವಿಗೆ ನಿಖರ ಕಾರಣ ತಿಳಿಯಲು ಅಂಗಾಂಗಳ ಮಾದರಿ ಸಂಗ್ರಹಿಸಿ ವನ್ಯಪ್ರಾಣಿಗಳ ವಿಧಿ ವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಲಾಗಿದೆ. ಮೃತ ಅನೆಯ ಸಾವಿಗೆ ನಿಖರ ಕಾರಣವನ್ನು ಪ್ರಯೋಗಾಲಯದಿಂದ ವರದಿ ಬಂದ ನಂತರ ತಿಳಿಸಲಾಗುವುದು ಎಂದು ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಕೆ.ಪರಮೇಶ್ ತಿಳಿಸಿದ್ದಾರೆ.

ಹೆಣ್ಣಾನೆ ಮೃತ ಪಟ್ಟ ಸ್ಥಳಕ್ಕೆ ವಲಯ ಅರಣ್ಯಾಧಿಕಾರಿ ನವೀನ್ ಕುಮಾರ್, ಇಲಾಖಾ ಪಶುವೈದ್ಯಾಧಿಕಾರಿ ಡಾ. ವಾಸೀಂ ಮಿರ್ಜಾ ಮತ್ತು ಸರ್ಕಾರೇತರ ಪ್ರತಿನಿದಿ ಆರ್.ರಘುರಾಂ ಭೇಟಿ ನೀಡಿದ್ದರು.

ಇದನ್ನೂ ಓದಿ : ಲಸಿಕೆ ಪಡೆದು ರೋಗ ನಿರೋಧಕ ಶಕ್ತಿ ಹೆಚ್ಚಿಸಿಕೊಳ್ಳಿ : ಶಾಸಕ ಲಾಲಾಜಿ ಆರ್ ಮೆಂಡನ್