ನಿಖರವಾಗಿ ಗುರಿಗಪ್ಪಳಿಸಿತು ಬ್ರಹ್ಮೋಸ್‌ ಸೂಪರ್‌ಸಾನಿಕ್‌!

Team Udayavani, Jan 12, 2022, 12:05 PM IST

ಹೊಸದಿಲ್ಲಿ: ಬ್ರಹ್ಮೋಸ್‌ ಸೂಪರ್‌ ಸಾನಿಕ್‌ ಕ್ಷಿಪಣಿಯ ಮೂಲಕ ಭಾರತದ ರಕ್ಷಣ ಪಡೆಗೆ ಮತ್ತೂಂದು ಸಂತಸದ ಶುಭ ಸುದ್ದಿ ಲಭಿಸಿದೆ.ಭಾರತೀಯ ನೌಕಾಪಡೆ ಮಂಗಳವಾರ ಪಶ್ಚಿಮ ಕರಾವಳಿಯಲ್ಲಿರುವ ಐಎನ್‌ಎಸ್‌ ವಿಶಾಖಪಟ್ಟಣಂ ನೌಕೆಯ ಮೂಲಕ ಬ್ರಹ್ಮೋಸ್‌ ಕ್ಷಿಪಣಿ ಯನ್ನು ಉಡಾಯಿಸಿತು. ಅದು ನಿಖರವಾಗಿ ತನ್ನ ಗುರಿಯನ್ನು ಮುಟ್ಟಿತು. ಇದು ಭಾರತೀಯ ನೌಕಾಪಡೆಗೆ ಸಿಕ್ಕಪಡೆಗೆ ಬಹು ದೊಡ್ಡ ಯಶಸ್ಸೂ ಹೌದು.

ಪ್ರಸ್ತುತ ಈ ಕ್ಷಿಪಣಿಯ ಸಾಮರ್ಥ್ಯವನ್ನು ಹೆಚ್ಚಿಸಲಾ ಗಿದೆ. ದೇಶೀಯ ನಿರ್ಮಿತವಾದ ಇದು ಮುಂಚಿಗಿಂತ ಹೆಚ್ಚು ದೂರದ ನೆಲೆಗಳಿಗೆ ಅಪ್ಪಳಿಸಬಲ್ಲದು. ಹಾಗೆಯೇ ಭೂಮಿಯಿಂದ ಭೂಮಿಗೆ, ಆಗಸದಿಂದ ಆಗಸಕ್ಕೆ, ಸಮುದ್ರದಿಂದ ಸಮುದ್ರಕ್ಕೆ ಹೀಗೆ ಎಲ್ಲ ಮಾದರಿಯಲ್ಲೂ ತನ್ನ ಗುರಿಯನ್ನು ತಲುಪಬಲ್ಲದು ಎಂದು ಪರೀಕ್ಷೆಗಳಿಂದ ಸಾಬೀತಾಗಿದೆ.

ಇದನ್ನೂ ಓದಿ:ರಾಜ್ಯದಲ್ಲಿಂದು 14,473 ಕೋವಿಡ್ ಪ್ರಕರಣ ಪತ್ತೆ, 5 ಸಾವು: ಪಾಸಿಟಿವಿಟಿ ದರ ಶೇ.10.30

ಭಾರತದ ಡಿಆರ್‌ಡಿಒ (ರಕ್ಷಣ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ) ಮತ್ತು ರಷ್ಯಾದ ಎನ್‌ಪಿಒಎಂಗಳು ಜಂಟಿಯಾಗಿ ಇದನ್ನು ನಿರ್ಮಿಸಿವೆ. ಭಾರತೀಯ ನೌಕಾಪಡೆ ಈ ಸಾಧನೆಯನ್ನು ಆತ್ಮನಿರ್ಭರ ಭಾರತದ ಲ್ಲೊಂದು ಮೈಲಿಗಲ್ಲು ಎಂದು ಬಣ್ಣಿಸಿದೆ.