ನೋಕಿಯಾದಿಂದ ಹೊಸ ಇಯರ್ ಬಡ್ ಬಿಡುಗಡೆ : ಬೆಲೆ ಎಷ್ಟು ಗೊತ್ತಾ?

Team Udayavani, Jan 12, 2022, 7:56 PM IST

ನವದೆಹಲಿ: ನೋಕಿಯಾ ಫೋನ್ ತಯಾರಿಕಾ ಕಂಪೆನಿ ಎಚ್‌ಎಂಡಿ ಗ್ಲೋಬಲ್, ಭಾರತದಲ್ಲಿ ತನ್ನ ಆಡಿಯೋ ಶ್ರೇಣಿಯನ್ನು ಬಲಪಡಿಸಲು ನೋಕಿಯಾ ಲೈಟ್ ಇಯರ್‌ಬಡ್ಸ್ ಬಿಎಚ್-205 ಮತ್ತು ವೈರ್ಡ್ ಸಹಿತವಾದ ಬಡ್ಸ್‍ ಡಬ್ಲ್ಯುಬಿ-101 ಗಳನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.

ಪ್ರೀಮಿಯಂ ವಿನ್ಯಾಸದ ನೋಕಿಯಾ ಲೈಟ್ ಇಯರ್‌ಬಡ್ಸ್ ಮತ್ತು ವೈರ್ಡ್ ಇಯರ್ ಬಡ್‍ಗಳೂ ನೋಕಿಯಾ ಡಾಟ್‌ಕಾಂ, ರಿಟೇಲ್ ಮಳಿಗೆಗಳು ಇ-ಕಾಮರ್ಸ್ ತಾಣಗಳಲ್ಲಿ ದೊರಕುತ್ತವೆ.

ಎಚ್‌ಎಂಡಿ ಗ್ಲೋಬಲ್‌ನ ಉಪಾಧ್ಯಕ್ಷ ಸನ್ಮೀತ್ ಸಿಂಗ್ ಕೊಚ್ಚರ್ ಮಾತನಾಡಿ, ನೋಕಿಯಾ ಉತ್ಪನ್ನಗಳನ್ನು ವಿವಿಧ ವಿಭಾಗಗಳಲ್ಲಿ ಬಲಪಡಿಸುವುದಕ್ಕೆ ಆದ್ಯತೆ ನೀಡಲಾಗಿದೆ. ಆಡಿಯೋ ಮಾರುಕಟ್ಟೆ ಬೆಳೆಯುತ್ತಿದೆ. ಭಾರತವು ಈಗಾಗಲೇ ಟಿಡಬ್ಲ್ಯುಎಸ್ ಆಡಿಯೋದಲ್ಲಿ ಜಗತ್ತಿನ 5 ದೊಡ್ಡ ಮಾರುಕಟ್ಟೆಗಳಲ್ಲಿ ಒಂದಾಗಿದೆ. 2022ರಲ್ಲಿ ಈ ವಿಭಾಗದಲ್ಲಿ ಸಾಕಷ್ಟು ಬೆಳವಣಿಗೆಗಳನ್ನು ನಾವು ನಿರೀಕ್ಷಿಸುತ್ತೇವೆ. ಕಳೆದ ವರ್ಷ ನಾವು ಭಾರತದಲ್ಲಿ ಬಿಡುಗಡೆ ಮಾಡಿದ ಆಡಿಯೊ ಪರಿಕರಗಳಿಗೆ ಅದ್ಭುತ ಪ್ರತಿಕ್ರಿಯೆಯನ್ನು ಪಡೆದಿದ್ದೇವೆ. ಈ ವಿಭಾಗದಲ್ಲಿನ ನಮ್ಮ ಕೊಡುಗೆಗಳನ್ನು ಮತ್ತಷ್ಟು ಹೆಚ್ಚಿಸಲು ಈ ಎರಡು ಹೊಸ ಉತ್ಪನ್ನಗಳನ್ನು ಪರಿಚಯಿಸುವುದರೊಂದಿಗೆ ನಾವು ಹೊಸ ವರ್ಷವನ್ನು ಪ್ರಾರಂಭಿಸುತ್ತಿದ್ದೇವೆ. ವರ್ಕ್ ಫ್ರಂ ಹೋಂ, ಇ-ಕಲಿಕೆ ಮತ್ತು ಒಟಿಟಿ ವೀಕ್ಷಣೆಯ ಪ್ರಮುಖ ಪ್ರವೃತ್ತಿಗಳು ವೈಯಕ್ತಿಕ ಶ್ರವಣ ಸಾಧನಗಳ ಬೇಡಿಕೆಯನ್ನು ಹೆಚ್ಚಿಸಿವೆ. ನಮ್ಮ ವಿಶಾಲ ಶ್ರೇಣಿಯ ಶ್ರವಣ ಪರಿಕರಗಳೊಂದಿಗೆ ಈ ಬೇಡಿಕೆಯನ್ನು ಪೂರೈಸುವ ಗುರಿಯನ್ನು ನಾವು ಹೊಂದಿದ್ದೇವೆ ಎಂದರು.

ನೋಕಿಯಾ ಲೈಟ್ ಇಯರ್‌ ಬಡ್ಸ್ ಬಿಎಚ್-205 ಈ ವಿಭಾಗದಲ್ಲಿನ ಮೊದಲ ಕೈಗೆಟುಕುವ ಪ್ರೀಮಿಯಂ ಇಯರ್‌ಬಡ್‌ಗಳಾಗಿವೆ. ಇವು 6 ಎಂಎಂ ಆಡಿಯೊ ಡ್ರೆವರ್‌ಗಳ ನೆರವಿನಿಂದ ಸ್ಟುಡಿಯೊ-ಟ್ಯೂನ್ ಮಾಡಿದ ಧ್ವನಿಯ ಗುಣಮಟ್ಟವನ್ನು ನೀಡುತ್ತವೆ. ಇದು ಪ್ರತಿ ಬಡ್‌ನಲ್ಲಿ ಎರಡು 40 ಎಂಎಎಚ್ ಬ್ಯಾಟರಿಗಳ ನೆರವಿನಿಂದ 36 ಗಂಟೆಗಳ ಪ್ಲೇಟೈಮ್ ಅನ್ನು ಒದಗಿಸುತ್ತದೆ (ಒಂದು ಬಾರಿಯ ಚಾರ್ಜ್‌ನಲ್ಲಿ 6 ಗಂಟೆಗಳ ಕಾಲ ಬಳಕೆ) ಮತ್ತು ಚಾರ್ಜಿಂಗ್ ಕೇಸ್‌ನಲ್ಲಿ 400 ಎಂಎಎಚ್ ಬ್ಯಾಟರಿಯೊಂದಿಗೆ ಹೆಚ್ಚುವರಿ 30 ಗಂಟೆಗಳ ಕಾಲ ಬಳಸಬಹುದಾಗಿದೆ.

ಇದನ್ನೂ ಓದಿ : ಮಲೈಕಾ ಜತೆಗಿನ ಬ್ರೇಕ್ ಅಪ್ ವದಂತಿ ತಳ್ಳಿಹಾಕಿದ ಅರ್ಜುನ್ ಕಪೂರ್

ಬೆಲೆ ಮತ್ತು ಲಭ್ಯತೆ
ನೋಕಿಯಾ ಲೈಟ್ ಇಯರ್‌ಬಡ್ಸ್ ಕಪ್ಪು ಬಣ್ಣದಲ್ಲಿ ಲಭ್ಯವಿರುತ್ತದೆ. ಇದರ ಬೆಲೆ ರೂ 2,799.
ನೋಕಿಯಾ ವೈರ್ಡ್ ಬಡ್ಸ್ – ಕಪ್ಪು, ಬಿಳಿ, ನೀಲಿ ಮತ್ತು ಕೆಂಪು ಸೇರಿದಂತೆ ನಾಲ್ಕು ಬಣ್ಣಗಳಲ್ಲಿ ಲಭ್ಯವಿದ್ದು, ಇದರ ಬೆಲೆ ರೂ. 299