ಗಣಿ ಬಾಧಿತ ಪ್ರದೇಶ ಪ್ರಗತಿಗೆ ಅನುದಾನ

Team Udayavani, Jan 13, 2022, 11:34 PM IST

ಗುಬ್ಬಿ: ಕೊಂಡ್ಲಿ ಗ್ರಾಪಂ ವ್ಯಾಪ್ತಿಯ ಗಣಿ ಬಾಧಿತ ಪ್ರದೇಶ ಅಭಿವೃದ್ಧಿಗೆ ಸುಮಾರು 12 ಕೋಟಿ ರೂ. ಅನುದಾನ ನೀಡ ಲಾಗಿದೆ ಎಂದು ಶಾಸಕ ಎಸ್‌.ಆರ್‌. ಶ್ರೀನಿವಾಸ್‌ ತಿಳಿಸಿದರು.

ತಾಲೂಕಿನ ನಿಟ್ಟೂರು ಹೋಬಳಿಯ ಹರೇನಹಳ್ಳಿ ಗ್ರಾಮ ದಲ್ಲಿ ಎಸ್‌ಸಿಟಿಪಿಎಸ್‌ ಯೋಜನೆಯಡಿ ರಸ್ತೆ ಕಾಮಗಾರಿಗೆ ಭೂಮಿ ಪೂಜೆ ಸಲ್ಲಿಸಿ ಮಾತನಾಡಿ, ಕಾರೆಕುರ್ಚಿ ರಸ್ತೆ ನಿರ್ಮಾಣಕ್ಕೆ 3 ಕೋಟಿ ರೂ. ಹಣ ನೀಡಲಾಗಿದೆ. ಇನ್ನೂ ಕಿಬ್ಬನಹಳ್ಳಿ ಕ್ರಾಸ್‌ನಲ್ಲಿ ಹೈಟೆಕ್‌ ಆಸ್ಪತ್ರೆ ನಿರ್ಮಾಣಕ್ಕೆ ಚಿಂತನೆ ಮಾಡಲಾಗಿದೆ.

ಈ ಆಸ್ಪತ್ರೆ ನಿರ್ಮಾಣವಾದರೆ ಚಿಕ್ಕನಾಯಕನಹಳ್ಳಿ, ಗುಬ್ಬಿ, ತಿಪಟೂರು, ತುರುವೇಕೆರೆ ತಾಲೂಕಿನ ಜನರಿಗೆ ಅನುಕೂಲವಿದೆ ಎಂದು ತಿಳಿಸಿದರು.ಗ್ರಾಮ ಪಂಚಾಯಿತಿ ಅಧ್ಯಕ್ಷೆ ರತ್ನ ಬಸವರಾಜು, ಉಪಾಧ್ಯಕ್ಷೆ ಮೀನಾಕ್ಷೀ ರಮೇಶ್‌, ಸದಸ್ಯರಾದ ದಿಲೀಪ್‌, ವೀಣಾ ಸತೀಶ್‌, ಮುಖಂಡರಾದ ಸುಧಾಕರ್‌, ನಿಂಗಣ್ಣ, ಗುತ್ತಿಗೆದಾರರಾದ ಮಂಜುನಾಥ್‌ ಹೊಸಕೆರೆ, ಮೋಹನ್‌ ಕುಮಾರ್‌ ಅಪ್ಪೇನಹಳ್ಳಿ, ಮುಖಂಡರಾದ ಜಗದೀಶ್‌, ರಾಜೇಶ್‌ ಹಾಜರಿದ್ದರು.