ಆ್ಯಶಸ್ ಗೆಲುವಿನ ಸಂತಸದಲ್ಲೂ ಒಂದು ನಡೆಯಿಂದ ಹೃದಯ ಗೆದ್ದ ಆಸೀಸ್ ನಾಯಕ ಪ್ಯಾಟ್ ಕಮಿನ್ಸ್

Team Udayavani, Jan 17, 2022, 2:14 PM IST

ಹೊಬಾರ್ಟ್: ಆಸ್ಟ್ರೇಲಿಯಾ ಟೆಸ್ಟ್ ತಂಡದ ನಾಯಕನಾಗಿ ಮೊದಲ ಆ್ಯಶಸ್ ಸರಣಿಯಲ್ಲೇ ಜಯಭೇರಿ ಬಾರಿಸಿದ ಪ್ಯಾಟ್ ಕಮಿನ್ಸ್ ಸಂಭ್ರಮಾಚರಣೆಯಲ್ಲೂ ಜನರ ಮನಸ್ಸು ಗೆದ್ದಿದ್ದಾರೆ.

ಹೊಬಾರ್ಟ್ ನಲ್ಲಿ ನಡೆದ ಅಂತಿಮ ಟೆಸ್ಟ್ ಪಂದ್ಯವನ್ನೂ ಆಸ್ಟ್ರೇಲಿಯಾ ಗೆದ್ದುಕೊಂಡಿದೆ. ಸರಣಿಯನ್ನು 4-0 ಅಂತರದಿಂದ ಗೆದ್ದ ಆಸೀಸ್ ತಂಡ ನಂತರ ಸಹಜವಾಗಿಯೇ ಸಂಭ್ರಮಾಚರಣೆಯಲ್ಲಿ ತೊಡಗಿತ್ತು. ಈ ವೇಳೆ ನಾಯಕ ಕಮಿನ್ಸ್ ತೋರಿದ ಕಳಕಳಿ ಮೆಚ್ಚುಗೆಗೆ ಪಾತ್ರವಾಗಿದೆ.

ಟ್ರೋಫಿಯನ್ನು ಹಸ್ತಾಂತರಿಸಿದ ನಂತರ, ಆಸೀಸ್ ಆಟಗಾರರು ಪರಸ್ಪರ ಸ್ಪ್ರೇ ಮಾಡಲು ಶಾಂಪೇನ್ ಬಾಟಲಿಗಳನ್ನು ತೆರೆದರು. ಆದರೆ ಉಸ್ಮಾನ್ ಖವಾಜಾ ಇದರ ಭಾಗವಾಗಲು ಸಾಧ್ಯವಾಗುವುದಿಲ್ಲ ಎಂದ ಅರಿತ ಕಮಿನ್ಸ್, ಕೂಡಲೇ ಶಾಂಪೇನ್ ಬಾಟಲಿಗಳನ್ನು ದೂರವಿಡಲು ತಮ್ಮ ತಂಡದ ಸಹ ಆಟಗಾರರಿಗೆ ಸೂಚಿಸಿದರು. ನಂತರ ಸಂಭ್ರಮಾಚರಣೆಯಲ್ಲಿ ಪಾಲ್ಗೊಳ್ಳಲು ಖವಾಜಾ ಅವರನ್ನು ಕಮಿನ್ಸ್ ಕರೆದರು.

ಇದನ್ನೂ ಓದಿ:ಪ್ರಭುದೇವ ಜತೆ‌ ಡ್ಯಾನ್ಸ್‌ ಥ್ರಿಲ್‌ ಕೊಟ್ಟಿತು!  ಕನಸು ನನಸಾದ ಖುಷಿಯಲ್ಲಿ ಸಂಯುಕ್ತಾ

ಪಾಕಿಸ್ಥಾನ ಮೂಲದ ಮುಸ್ಲಿಂ ಕುಟುಂಬದ ಉಸ್ಮಾನ್ ಖವಾಜಾ ಅವರಿಗೆ ಮದ್ಯ ನಿಷಿದ್ಧ. ಹೀಗಾಗಿ ಶಾಂಪೇನ್ ಜೊತೆಗಿನ ಸಂಭ್ರಮಾಚರಣೆಯಲ್ಲಿ ಅವರು ಭಾಗವಹಿಸುವುದಿಲ್ಲ.

Pat Cummins realizing that Khawaja had to stand away because of the alcohol so he tells his team to put it away and calls Khawaja back immediately. A very small but a very beautiful gesture❤️pic.twitter.com/KlRWLprbWM

— Kanav Bali? (@Concussion__Sub) January 16, 2022