ಸಿಗುವುದೇ ವರ್ಕ್‌ ಫ್ರಂ ಹೋಂ ಭತ್ತೆ?

Team Udayavani, Jan 24, 2022, 7:31 AM IST

ಹೊಸದಿಲ್ಲಿ: ಕೊರೊನಾ ಸಾಂಕ್ರಾಮಿಕದ ಪ್ರವೇಶದ ಬಳಿಕ “ಮನೆಯೇ ಕಚೇರಿ’ಯಾಗಿ ಪರಿವರ್ತನೆಗೊಂಡಿದೆ. ಈ ಆಯ್ಕೆಯು ಉದ್ಯೋಗದಾತರಿಗೆ ಉಳಿತಾಯ ಉಂಟುಮಾಡಿದರೂ ಉದ್ಯೋಗಿಗಳು ಸ್ವಲ್ಪ ಹೆಚ್ಚೇ ವೆಚ್ಚ ಮಾಡಬೇಕಾಗುತ್ತದೆ. ಪವರ್‌ ಬ್ಯಾಕಪ್‌ ಸೌಲಭ್ಯ, ಬ್ರಾಡ್‌ಬ್ಯಾಂಡ್‌ ಸಂಪರ್ಕ, ಕಚೇರಿ ಮೂಲಸೌಕರ್ಯಗಳ ಖರೀದಿ ಮತ್ತಿತರ ಖರ್ಚು ಬಂದೇ ಬರುತ್ತದೆ.

ಈ ಎಲ್ಲ ಖರ್ಚುವೆಚ್ಚಗಳನ್ನು ಪರಿಗಣಿಸಿರುವ ಉದ್ಯೋಗಿಗಳು, ಈ ಬಾರಿಯ ಬಜೆಟ್‌ನಲ್ಲಿ “ವರ್ಕ್‌ ಫ್ರಂ ಹೋಂ ಭತ್ತೆ’ಯ ನಿರೀಕ್ಷೆಯಲ್ಲಿದ್ದಾರೆ. ಮನೆಯಲ್ಲೇ ಕಚೇರಿ ಮೂಲಸೌಕರ್ಯಗಳನ್ನು ಅಳವಡಿಸಿಕೊಳ್ಳಲು ಖರ್ಚಾದ ಮೊತ್ತಕ್ಕೆ (ಗರಿಷ್ಠ ಮಿತಿ 50,000 ರೂ.) ತೆರಿಗೆಯಿಂದ ವಿನಾಯಿತಿ ನೀಡಬೇಕು, ವಿದ್ಯುತ್‌ ಶುಲ್ಕ, ಬ್ರಾಡ್‌ಬ್ಯಾಂಡ್‌ ಶುಲ್ಕ ಮತ್ತಿತರ ಪುನರಾವರ್ತಿತ ವೆಚ್ಚಕ್ಕಾಗಿ ತಿಂಗಳಿಗೆ 3 ಸಾವಿರ ರೂ.ಗಳಂತೆ(ಮನೆಯಲ್ಲೇ ಉದ್ಯೋಗ ಮಾಡುವಅವಧಿಗೆ) ಹೆಚ್ಚುವರಿ ಸ್ಟಾಂಡರ್ಡ್‌ ಡಿಡಕ್ಷನ್‌ ನೀಡಬೇಕು ಎಂಬಿತ್ಯಾದಿ ಬೇಡಿಕೆಗಳನ್ನು ಉದ್ಯೋಗಿಗಳು ಮುಂದಿಟ್ಟಿದ್ದಾರೆ.

ಇದನ್ನೂ ಓದಿ:ಸುಪ್ರಸಿದ್ಧ ಯಕ್ಷಗಾನ ಸ್ತ್ರೀವೇಷಧಾರಿ ಮಾರ್ಗೋಳಿ ಗೋವಿಂದ ಶೇರಿಗಾರ್ ನಿಧನ