ಲಕ್ನೋ ಫ್ರಾಂಚೈಸಿ ಲಾಂಛನಕ್ಕೆ ಪುರಾಣದ ಗರುಡ ಪಕ್ಷಿ ಸ್ಫೂರ್ತಿ

Team Udayavani, Feb 1, 2022, 7:35 AM IST

ಹೊಸದಿಲ್ಲಿ: ಈ ಬಾರಿ ಐಪಿಎಲ್‌ನಲ್ಲಿ ನೂತನ ತಂಡವಾಗಿ ಕಣಕ್ಕಿಳಿಯಲಿರುವ ಲಕ್ನೋ ಸೂಪರ್‌ ಜೈಂಟ್ಸ್‌ ಸೋಮವಾರ ತನ್ನ ಲಾಂಛನವನ್ನು ಬಿಡುಗಡೆ ಮಾಡಿತು.

ಭಾರತೀಯ ಪುರಾಣದ ಗರುಡ ಪಕ್ಷಿ ಇದಕ್ಕೆ ಸ್ಫೂರ್ತಿ ಆಗಿರುವುದು ವಿಶೇಷ.

“ಎಷ್ಟೇ ಕಠಿನ ಸಂದರ್ಭದಲ್ಲೂ ತನ್ನನ್ನೇ ತಾನು ರಕ್ಷಿಸಿಕೊಳ್ಳುವ ಹಾಗೂ ವೇಗವಾಗಿ ಸಾಗುವ ಗರುಡ ಪಕ್ಷಿ ನಮ್ಮ ಲಾಂಛನಕ್ಕೆ ಸ್ಫೂರ್ತಿ. ಭಾರತದ ಪ್ರತಿಯೊಂದು ಸಂಸ್ಕೃತಿಯಲ್ಲೂ ಗರುಡ ಸರ್ವವ್ಯಾಪಿ’ ಎಂದು ಲಕ್ನೋ ಫ್ರಾಂಚೈಸಿ ತಿಳಿಸಿದೆ.

ನೀಲವರ್ಣದ, ಹಿಡಿಯ ಭಾಗವನ್ನು ಮೇಲ್ಮುಖವಾಗಿ ಹೊಂದಿರುವ ಬ್ಯಾಟ್‌ ಒಂದಕ್ಕೆ ಅಗಲಿಸಿದ ರೆಕ್ಕೆಗಳನ್ನು ಹೊಂದಿರುವ ಮಾದರಿಯಲ್ಲಿ ಈ ಲಾಂಛನವನ್ನು ರೂಪಿಸಲಾಗಿದೆ.

ಇದನ್ನೂ ಓದಿ:ಪ್ರೊ ಕಬಡ್ಡಿ: ಗುಜರಾತ್‌, ದಬಾಂಗ್‌ ದಿಲ್ಲಿ ಗೆಲುವಿನ ಆಟ

ಬ್ಯಾಟಿನ ಮೇಲ್ಭಾಗದಲ್ಲಿ ಕೆಂಪು ಚೆಂಡೊಂದು ಕಾಣಿಸಿಕೊಂಡಿದೆ. ಇದು ವಿಜಯ ತಿಲಕದ ಸಂಕೇತವಾಗಿದೆ ಎಂಬುದಾಗಿ ಫ್ರಾಂಚೈಸಿ ವಿವರಿಸಿದೆ.