ಶರಣ ಸಾಹಿತ್ಯವನ್ನು ರಕ್ಷಣೆ ಮಾಡಿದವರಲ್ಲಿ ಮಾಚಿದೇವರು ಒಬ್ಬರು: ಶಾಸಕ ಸಿದ್ದು ಸವದಿ

Team Udayavani, Feb 1, 2022, 6:44 PM IST

ರಬಕವಿ–ಬನಹಟ್ಟಿ: ಹನ್ನೆರಡನೆ ಶತಮಾನದಲ್ಲಿ ಅತ್ಯಂತ ಕ್ರಿಯಾಶೀಲ ವ್ಯಕ್ತಿತ್ವ ಹೊಂದಿದ ಮಡಿವಾಳ ಮಾಚಿದೇವರು ಬಿಜ್ಜಳ ಸೈನಿಕರ ಜೊತೆಗೆ ಹೋರಾಡಿ ಶರಣ ಸಾಹಿತ್ಯವನ್ನು ರಚನೆ ಮಾಡಿದವರಲ್ಲಿ ಪ್ರಮುಖರು ಎಂದು ಶಾಸಕ ಸಿದ್ದು ಸವದಿ ತಿಳಿಸಿದರು.

ಅವರು ಮಂಗಳವಾರ ಸ್ಥಳೀಯ ತಹಶೀಲ್ದಾರ್ ಕಾರ್ಯಾಲಯದಲ್ಲಿ ಮಡಿವಾಳ ಮಾಚಿದೇವರ ಜಯಂತ್ಯುತ್ಸವದ ನಿಮಿತ್ತವಾಗಿ ಹಮ್ಮಿಕೊಂಡ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಮಾಚಿದೇವರ ವಚನಗಳಲ್ಲಿ ಸರಳ ಶೈಲಿ ಮತ್ತು ಪ್ರೌಢ ಶೈಲಿಗಳಲ್ಲಿ ಇದ್ದು, ಸಾಮಾಜಿಕ ಸಮಸ್ಯೆ, ವೈಚಾರಿಕ ನಿಯಮಗಳನ್ನು ಎತ್ತಿ ತೋರುಸುತ್ತವೆ. ಮಡಿವಾಳ ಮಾಚಿದೇವ  ಶರಣರ ಬಟ್ಟೆಗಳನ್ನು ಶುಚಿಗೊಳಿಸುವ ಕಾಯಕ ಮಾಡುತ್ತಿದ್ದರು. ಅವರ ತತ್ವ ಸಿದ್ಧಾಂತಗಳನ್ನು ಇಂದಿನ ಎಲ್ಲ ಜನಾಂಗದವರು ತಮ್ಮಲ್ಲಿ ಅಳವಡಿಕೊಳ್ಳುವುದರ ಜೊತೆಗೆ ಸಮಾಜದ ಮಕ್ಕಳಿಗೆ ಸೂಕ್ತ ವಿದ್ಯಾಭ್ಯಾಸದಲ್ಲಿ ತೊಡಗಿಸಬೇಕು ಎಂದು ಶಾಸಕ ಸಿದ್ದು ಸವದಿ ತಿಳಿಸಿದರು.

ಈ ಸಂದರ್ಭದಲ್ಲಿ ತಹಶೀಲ್ದಾರ್ ಸಂಜಯ ಇಂಗಳೆ, ಉಪ ತಹಶೀಲ್ದಾರ್ ಬಸವರಾಜ ಬಿಜ್ಜರಗಿ, ಎಸ್.ಎಲ್.ಕಾಗಿಯವರ, ಚಂದ್ರಶೇಖರ ಹೊಸಮನಿ, ಪ್ರಕಾಶ ಮಠಪತಿ, ಚನಬಸಯ್ಯ ಮಠಪತಿ, ಮಡಿವಾಳಪ್ಪ ಮಡಿವಾಳರ, ಈರಪ್ಪ ಮಡಿವಾಳರ, ಪರಮಾನಂದ ಪರೀಟ, ಶೇಕರ ಪರೀಟ, ಶಿವಾನಂದ ಮಮದಾಪುರ, ಸಂಜು ಪರೀಟ, ರಾಚಪ್ಪ ಪರೀಟ ಸಂಗಮೇಶ ಮಡಿವಾಳರ ಸೇರಿದಂತೆ ಅನೇಕರು ಇದ್ದರು.