ದಿವ್ಯಾಂಗರ ತರಬೇತಿ, ಉದ್ಯೋಕ್ಕಾಗಿ ಸ್ವರಾಜ್‌ ಎಬಿಲಿಟಿ

Team Udayavani, Feb 5, 2022, 6:25 AM IST

ನವದೆಹಲಿ: ದೇಶದ ಎಲ್ಲಾ ಅಂಗವಿಕಲರಿಗೆ ಔದ್ಯೋಗಿಕ, ಕೌಶಲ್ಯಾಭಿವೃದ್ಧಿ ತರಬೇತಿ ಸಿಗುವಂತೆ ಮಾಡುವುದು ಹಾಗೂ ಅಂಗವಿಕರಿಗೆ ತರಬೇತಿ, ಉದ್ಯೋಗ ನೀಡಬಯಸುವ ಸಂಘ-ಸಂಸ್ಥೆಗಳಿಗೆ ದಿವ್ಯಾಂಗರೊಂದಿಗೆ ನೇರ ಸಂಪರ್ಕ ಸಿಗುವಂತೆ ಮಾಡುವ ಉದ್ದೇಶಕ್ಕಾಗಿ ಹೈದರಾಬಾದ್‌ ಐಐಟಿ, ಸ್ವರಾಜ್‌ ಎಬಿಲಿಟಿ’ ಎಂಬ ಆನ್‌ಲೈನ್‌ ಪೋರ್ಟಲ್‌ ಆರಂಭಿಸಿದೆ.

ಇದೊಂದು ಕೃತಕ ಬುದ್ಧಿಮತ್ತೆ ಮೂಲಕ ನಿರ್ವಹಣೆಯಾಗಬಲ್ಲ ಪೋರ್ಟಲ್‌ ಆಗಿದ್ದು, ಇದು ದೇಶದ ಲಕ್ಷಾಂತರ ದಿವ್ಯಾಂಗರನ್ನು ಸಾವಿರಾರು ಎನ್‌ಜಿಒಗಳು, ಶಿಕ್ಷಣ ಸಂಸ್ಥೆಗಳು, ಸರ್ಕಾರಿ ಸಂಸ್ಥೆಗಳನ್ನು ಒಂದೆಡೆ ಬೆಸೆಯುತ್ತದೆ ಎಂದು ಈ ಪೋರ್ಟಲ್‌ನ ಸಲಹೆಗಾರರಾಗಿರುವ ಪ್ರೊ. ಕೆ. ವಿಜಯ್‌ ರಾಘವನ್‌ ತಿಳಿಸಿದ್ದಾರೆ.

ದೇಶದಲ್ಲಿ 2.1 ಕೋಟಿ ದಿವ್ಯಾಂಗರಿದ್ದಾರೆ. ಅವರಲ್ಲಿ ಶೇ. 70ರಷ್ಟು ಮಂದಿ ನಿರುದ್ಯೋಗಿಗಳು. ನಮ್ಮ ದೇಶದಲ್ಲಿ ದಿವ್ಯಾಂಗರಿಗೆ ತರಬೇತಿ ಕೊಡುವ ಅನೇಕ ಪೋರ್ಟಲ್‌ಗ‌ಳಿವೆ.

ಆದರೆ, ಅವ್ಯಾವೂ ಪರಿಣಾಮಕಾರಿಯಾಗಿ ಕೆಲಸ ಮಾಡಿಲ್ಲ. ಅದನ್ನು ಮನಗಂಡು, ದಿವ್ಯಾಂಗರು ತಮ್ಮ ಆಯ್ಕೆಗೆ ತಕ್ಕಂತೆ ಉಪಯೋಗ ಪಡೆಯಬಲ್ಲಂಥ ಪೋರ್ಟಲ್‌ ಇದಾಗಿದೆ ಎಂದು ರಾಘವನ್‌ ತಿಳಿಸಿದ್ದಾರೆ.