ಸುರತ್ಕಲ್‌ : ಪೈಪ್‌ಲೈನ್‌ ಕಾಮಗಾರಿ ಅವಾಂತರ ಕಟ್ಟಡ ; ನೆಲ ಬಿರುಕು

Team Udayavani, Feb 6, 2022, 3:36 PM IST

ಸುರತ್ಕಲ್‌ : ಮನೆ ಮನೆ ಗ್ಯಾಸ್‌ ಸಂಪರ್ಕ ಕಲ್ಪಿಸುವ ಯೋಜನೆಯ ಕಾಮಗಾರಿ ವೇಳೆ ಅವಾಂತರಗಳು ಹೆಚ್ಚು ತ್ತಿದ್ದು, ಸುರತ್ಕಲ್‌ ಜಂಕ್ಷನ್‌ನಲ್ಲಿ ಹೆದ್ದಾರಿ ಸಹಿತ ಸುತ್ತಮುತ್ತ ಕಟ್ಟಡದಲ್ಲಿ ಬಿರುಕು ಕಾಣಿಸಿಕೊಂಡು ಆತಂಕ ಎದುರಾಗಿದೆ.

ಶುಕ್ರವಾರ ತಡರಾತ್ರಿ ಭೂಗತ ರಂಧ್ರ ಮಾಡುವ ವೇಳೆ ಯಂತ್ರಗಳ ಒತ್ತಡ ಹೆಚ್ಚಾಗಿ ಹತ್ತಿರದ ಸಿಟಿ ಲಂಚ್‌ ಹೋಮ್‌ ಮುಂಭಾಗ ಹಾಕಿದ ಸಿಮೆಂಟ್‌ಗಳ ಎದ್ದು ಹೋಗಿ ಕಟ್ಟಡದಲ್ಲಿ ಬಿರುಕು, ಹಾಗೂ ಸದಾನಂದ ಮುಂಭಾಗ ಇಂಟರ್‌ಲಾಕ್‌ಗೆ ಹಾನಿಯಾಗಿದೆ. ಹೆದ್ದಾರಿ 66ರಲ್ಲಿ ಡಾಮರು ಸೀಳಾಗಿ ಹೋಗಿದೆ. ವಿದ್ಯುತ್‌, ಕುಡಿಯುವ ನೀರಿನ ಪೈಪ್‌ಗ್ಳು ತುಂಡರಿಸಿವೆ.

ಅದಾನಿ ಸಂಸ್ಥೆ ಗ್ಯಾಸ್‌ ಪೈಪ್‌ಲೈನ್‌ ಹಾಕುವ ಗುತ್ತಿಗೆ ಪಡೆದಿದ್ದು ಉಪಗುತ್ತಿಗೆ ಪಡೆದ ಸದರ್ನ್ ಟೆಲಿಕಾಂ ಈ ಕಾಮಗಾರಿ ನಡೆಸುತ್ತಿದೆ. ನಿರೀಕ್ಷಿಸಿದ ಆಳದಲ್ಲಿ ಪೈಪ್‌ಗ್ಳನ್ನು ಹಾಕದೆ ಇರುವುದರಿಂದ ವೇಳೆ ಕಟ್ಟಡಗಳಿಗೆ ಹಾನಿಯಾಗುತ್ತಿದೆ ಎಂಬ ಆರೋಪ ಕೇಳಿ ಬಂದಿದೆ. ಎಲ್ಲ ಕಟ್ಟಡ ಮಾಲಕರು ಅವೈಜ್ಞಾನಿಕ ಕಾಮಗಾರಿ ವಿರುದ್ಧ ದೂರು ನೀಡಲು ಮುಂದಾಗಿದ್ದಾರೆ.

ಇದನ್ನೂ ಓದಿ : ಕಟೀಲು ದೇವಿಯ ದರ್ಶನ ಪಡೆದ ರಾಕಿಂಗ್ ಸ್ಟಾರ್ ಯಶ್