ನಾಳೆ ಚಿತ್ರದುರ್ಗದಲ್ಲಿ ಅನ್ನದಾತರೊಂದಿಗೆ ಬಿ.ಸಿ.ಪಾಟೀಲರ ಅಂತರಾಳದ ಮಾತು

Team Udayavani, Feb 10, 2022, 4:27 PM IST

ಬೆಂಗಳೂರು:ತಮ್ಮ ಜನ್ಮದಿನವನ್ನು ರೈತರಿಗಾಗಿ ಮೀಸಲಿಟ್ಟಿರುವ ಕೃಷಿ ಸಚಿವ ಬಿ.ಸಿ.ಪಾಟೀಲ್, ಅನ್ನದಾತರೊಂದಿಗೆ ಅಂತರಾಳದ ಮಾತುಗಳನ್ನಾಡಲಿದ್ದಾರೆ.

ಕೃಷಿ ಸಚಿವರಾಗಿ ಫೆ.11ಕ್ಕೆ ಬಿ.ಸಿ.ಪಾಟೀಲರು ಎರಡು ವರ್ಷವನ್ನು ಪೂರೈಸುತ್ತಿದ್ದಾರೆ.ಹೀಗಾಗಿ ಅನ್ನದಾತರ ಸೇವೆ ಮಾಡಲು ಅವಕಾಶವನ್ನು ನೀಡಿರುವ ಈ ಫೆ.11ರ ನಾಳೆಯ ದಿನವನ್ನು ಉಸ್ತುವಾರಿ ಜಿಲ್ಲೆ ಚಿತ್ರದುರ್ಗದಲ್ಲಿ ಅನ್ನದಾತರೊಂದಿಗೆ ಕಳೆಯಲು ನಿರ್ಧರಿಸಿದ್ದಾರೆ.

ಚಿತ್ರದುರ್ಗ ಜಿಲ್ಲೆಯ ಭರಮಸಾಗರದ ಬೇಡರ ಶಿವನಕೆರೆ ರೈತ ಗಿರೀಶ್ ಅವರ ಜಮೀನಿನಲ್ಲಿ ಕಳೆಯಲಿದ್ದು,ಅನ್ನದಾತರೊಂದಿಗೆ ಅಂತರಾಳದ‌ ಮಾತುಗಳನ್ನಾಡಲಿದ್ದಾರೆ.ಬಳಿಕ ಕೃಷಿ ಇಲಾಖೆಯ ಅಧಿಕಾರಿಗಳೊಂದಿಗೆ ಪ್ರಗತಿ ಪರಿಶೀಲನಾ ಸಭೆ ನಡೆಸಲಿದ್ದಾರೆ.

ಪ್ರಯತ್ನದ ಫಲ, ಭರವಸೆಯ ಪ್ರತಿಫಲ!

ರಾಜ್ಯದ ಕೃಷಿ ಸಚಿವನಾಗಿ ನಾನು ಯಶಸ್ವಿ ಎರಡು ವರ್ಷ ಪೂರೈಸಿದ ಹಿನ್ನಲೆಯಲ್ಲಿ ಕೃಷಿ ಇಲಾಖೆಯಿಂದ ಹೊರತಂದಿರುವ “ಪ್ರಯತ್ನದ ಫಲ, ಭರವಸೆಯ ಪ್ರತಿಫಲ” ಹೆಸರಿನ ಕಿರುಹೊತ್ತಿಗೆಯನ್ನು ಇಂದು ಸನ್ಮಾನ್ಯ ಮುಖ್ಯಮಂತ್ರಿಗಳಾದ ಶ್ರೀ @BSBommai ಅವರಿಂದ ಲೋಕಾರ್ಪಣೆಗೊಳಿಸಲಾಯಿತು. pic.twitter.com/BBRhO0BRcV

— Kourava B.C.Patil (@bcpatilkourava) February 10, 2022