2023 ರ ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಅಧಿವೇಶನ: ಮುಂಬಯಿ ಆಯ್ಕೆ

Team Udayavani, Feb 19, 2022, 4:19 PM IST

ಮುಂಬಯಿ: 2023 ರಲ್ಲಿ ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಅಧಿವೇಶನವನ್ನು ಮುಂಬಯಿಯಲ್ಲಿ ಆಯೋಜಿಸಲಾಗುತ್ತಿದೆ. 2022 ರ ಸಮಿತಿಯ ಮತದಾನದ ಅಧಿವೇಶನದ ನಂತರ ಕನಸುಗಳ ನಗರಿಯನ್ನು ಅಧಿಕೃತವಾಗಿ ಆತಿಥೇಯ ನಗರ ಎಂದು ಹೆಸರಿಸಲಾಯಿತು.

ಒಟ್ಟು 82 ಐಒಸಿ ಸದಸ್ಯರು ಮತದಾನಕ್ಕೆ ಅರ್ಹರಾಗಿದ್ದರು,, ಅವರಲ್ಲಿ 6 ಮಂದಿ ಗೈರು ಹಾಜರಾಗಿದ್ದರೆ, 75 ಸದಸ್ಯರು ಹೌದು ಎಂದು ಮತ ಚಲಾಯಿಸಿದರು. ಮುಂದಿನ ಐಒಸಿ ಅಧಿವೇಶನದ ಆತಿಥೇಯ ಮುಂಬಯಿ ವಿರುದ್ಧ ಕೇವಲ ಒಂದು ಮತ ಬಿದ್ದಿದೆ.

ಒಲಿಂಪಿಕ್ ಸಮಿತಿಯ ಅಧಿವೇಶನವು IOC ಯ ಸದಸ್ಯರ ಸಾಮಾನ್ಯ ಸಭೆಯಾಗಿದೆ. ಇದು IOC ಯ ಸರ್ವೋಚ್ಚ ಅಂಗವಾಗಿದೆ ಮತ್ತು ಅದರ ನಿರ್ಧಾರಗಳು ಅಂತಿಮವಾಗಿರುತ್ತದೆ. ಈವೆಂಟ್‌ನ 2023ರ ಅಧಿವೇಶನ ಜಿಯೋ ವರ್ಲ್ಡ್ ಸೆಂಟರ್‌ನಲ್ಲಿ ನಡೆಯಲಿದೆ.

ಇಂತಹ ಪ್ರತಿಷ್ಠಿತ ಒಲಿಂಪಿಕ್ ಕ್ರೀಡಾಕೂಟಕ್ಕಾಗಿ ಇಂದು ಭಾರತೀಯ ನಿಯೋಗವನ್ನು ಮುನ್ನಡೆಸುತ್ತಿರುವುದು ಗೌರವವಾಗಿದೆ” ಎಂದು ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿ (ಐಒಸಿ) ಸದಸ್ಯರಾದ ನೀತಾ ಅಂಬಾನಿ ಹೇಳಿದ್ದಾರೆ.

ಮುಂಬಯಿ 2023 ರ ಅಂತರರಾಷ್ಟ್ರೀಯ ಒಲಿಂಪಿಕ್ ಸಮಿತಿಯ ಅಧಿವೇಶನವನ್ನು ಆಯೋಜಿಸುವುದು ಕೇವಲ ಹೆಮ್ಮೆಯ ವಿಷಯವಲ್ಲ ಆದರೆ ಕ್ರೀಡಾ ದಿಗಂತದಲ್ಲಿ ಭಾರತವನ್ನು ಮುಂದಕ್ಕೆ ತಳ್ಳುವ ಅವಕಾಶವೂ ಆಗಿದೆ. 2023 ರ ಅಧಿವೇಶನವನ್ನು ಮಹಾರಾಷ್ಟ್ರದ ಮುಂಬೈಗೆ ತರುವ ಪ್ರಯತ್ನಕ್ಕಾಗಿ ನೀತಾ ಅಂಬಾನಿ ಜಿ! ಅವರಿಗೆ ಕೃತಜ್ಞತೆಗಳು ಎಂದು  ಮಹಾರಾಷ್ಟ್ರ ಸಿಎಂ ಉದ್ಧವ್ ಠಾಕ್ರೆ ಟ್ವೀಟ್ ಮಾಡಿದ್ದಾರೆ.