ಇಂಟರ್ನೆಟ್‌ ಸೆನ್ಸೇಷನ್‌ ಕಿಲಿ ಪೌಲ್‌ಗೆ ಭಾರತೀಯ ಹೈಕಮಿಷನ್‌ ಗೌರವ

Team Udayavani, Feb 23, 2022, 7:50 AM IST

ನವದೆಹಲಿ: ಕಿಲಿ ಪೌಲ್‌ ಎಂದರೆ ಯಾರಿಗೆ ಗೊತ್ತಿಲ್ಲ ಹೇಳಿ? ಬಾಲಿವುಡ್‌ನ‌ “ಶೇರ್‌ಶಾ’ ಸಿನಿಮಾದ ರಾತನ್‌ ಲಂಬಿಯಾದಿಂದ ಹಿಡಿದು “ಪುಷ್ಪ’ ಸಿನಿಮಾದ ಶ್ರೀವಲ್ಲಿವರೆಗೆ ಭಾರತದ ಸಿನಿಮಾ ಹಾಡುಗಳಿಗೆ ತಮ್ಮದೇ ಆದ ವಿಭಿನ್ನ ಶೈಲಿಯಲ್ಲಿ ಹೆಜ್ಜೆ ಹಾಕಿ, ದೇಶದ ಇಂಟರ್ನೆಟ್‌ ಸೆನ್ಸೇಷನ್‌ ಆಗಿರುವ ತಾಂಜಾನಿಯಾದ ಯುವಕನೇ ಕಿಲಿ ಪೌಲ್‌.

ಭಾರತದ ಕೋಟ್ಯಂತರ ಹೃದಯಗಳನ್ನು ಗೆದ್ದಿರುವ ಇನ್‌ಸ್ಟಾ ರೀಲ್‌ ಸ್ಟಾರ್‌ ಕಿಲಿ ಪೌಲ್‌ ಅವರನ್ನು ತಾಂಜಾನಿಯಾದಲ್ಲಿರುವ ಭಾರತೀಯ ಹೈಕಮಿಷನ್‌ ಗೌರವಿಸಿದೆ. ಇತ್ತೀಚೆಗೆ ಹೈಕಮಿಷನ್‌ ಕಚೇರಿಗೆ ವಿಶೇಷ ಅತಿಥಿ ಆಗಮಿಸಿದ್ದು, ಅವರನ್ನು ಹೃದಯಪೂರ್ವಕವಾಗಿ ಗೌರವಿಸಲಾಗಿದೆ ಎಂದು ಭಾರತೀಯ ರಾಜತಾಂತ್ರಿಕ ಅಧಿಕಾರಿ ಬಿನಯ ಪ್ರಧಾನ್‌ ಟ್ವೀಟ್‌ ಮಾಡಿದ್ದಾರೆ.

ತಮ್ಮದೇ ಆದ ಸಾಂಪ್ರದಾಯಿಕ ವಸ್ತ್ರವನ್ನು ತೊಟ್ಟು ವಿಡಿಯೋಗಳನ್ನು ಮಾಡುವ ಕಿಲಿ ಪೌಲ್‌ ಅವರು ಇನ್‌ಸ್ಟಾಗ್ರಾಂನಲ್ಲಿ 20 ಲಕ್ಷ ಚಂದಾದಾರರನ್ನು ಹೊಂದಿದ್ದಾರೆ. ಇವರನ್ನು ಆಯುಷ್ಮಾನ್‌ ಖುರಾನಾ, ಗುಲ್‌ ಪನಾಗ್‌, ರಿಚಾ ಛಡಾ ಸೇರಿದಂತೆ ಹಲವು ತಾರೆಯರೂ ಫಾಲೋ ಮಾಡುತ್ತಿದ್ದಾರೆ.

Today had a special visitor at the @IndiainTanzania ; famous Tanzanian artist Kili Paul has won millions of hearts in India for his videos lip-syncing to popular Indian film songs #IndiaTanzania pic.twitter.com/CuTdvqcpsb

— Binaya Pradhan (@binaysrikant76) February 21, 2022