ರಾಜ್ಯ ಮಟ್ಟದ ಸಂದೇಶ ಪ್ರಶಸ್ತಿ ಪ್ರದಾನ: 14 ಸಾಧಕರು, ಒಂದು ಸಂಘಟನೆ, ಪತ್ರಿಕೆಗೆ ಪ್ರಶಸ್ತಿ

Team Udayavani, Feb 23, 2022, 5:16 AM IST

ಮಂಗಳೂರು: ಸಂದೇಶ ಸಂಸ್ಕೃತಿ ಮತ್ತು ಶಿಕ್ಷಣ ಪ್ರತಿಷ್ಠಾನವು ಸಾಹಿತ್ಯ, ಶಿಕ್ಷಣ, ಮಾಧ್ಯಮ, ಕಲೆ ಹಾಗೂ ಸಂಗೀತ ಕ್ಷೇತ್ರಗಳಲ್ಲಿ ಸೇವೆ ಸಲ್ಲಿಸಿದ ವ್ಯಕ್ತಿ ಹಾಗೂ ಸಂಘಟನೆಗಳಿಗೆ ನೀಡುವ ವಾರ್ಷಿಕ 2020-21ನೇ ಮತ್ತು 2021-22ನೇ ಸಾಲಿನ ರಾಜ್ಯ ಮಟ್ಟದ ಸಂದೇಶ ಪ್ರಶಸ್ತಿಯನ್ನು 14 ಸಾಧಕರು, 1 ಸಂಘಟನೆ ಹಾಗೂ 1 ಪತ್ರಿಕೆಗೆ ಮಂಗಳವಾರ ಬಜೊjàಡಿ ಪ್ರೇಮ ನಗರದಲ್ಲಿರುವ ಸಂಸ್ಥೆಯಲ್ಲಿ ಪ್ರದಾನ ಮಾಡಲಾಯಿತು.

2021ನೇ ಸಾಲಿನ ಸಾಹಿತ್ಯ ಪ್ರಶಸ್ತಿ (ಕೊಂಕಣಿ)- ಅಮರ್‌ ಕೊಂಕಣಿ (ಸಂಪಾದಕ ಮೆಲ್ವಿನ್‌ ಪಿಂಟೊ), ಸಾಹಿತ್ಯ ಪ್ರಶಸ್ತಿ (ತುಳು)- ಡಾ| ಸುನಿತಾ ಎಂ. ಶೆಟ್ಟಿ (ಅವರ ಪರವಾಗಿ ವತ್ಸಲಾರಿಂದ ಸ್ವೀಕಾರ), ಸಂದೇಶ ಮಾಧ್ಯಮ ಪ್ರಶಸ್ತಿ- ನಾಗೇಶ ಹೆಗಡೆ (ಉತ್ತರ ಕನ್ನಡ), ಕೊಂಕಣಿ ಸಂಗೀತ ಪ್ರಶಸ್ತಿ- ಮೀನ ರೆಬಿಂಬಸ್‌ (ದಕ್ಷಿಣ ಕನ್ನಡ), ಕಲಾ ಪ್ರಶಸ್ತಿ- ಅವಿತಾಸ್‌ ಕುಟಿನ್ಹಾ (ದಕ್ಷಿಣ ಕನ್ನಡ), ಶಿಕ್ಷಣ ಪ್ರಶಸ್ತಿ- ಡಾ| ಲಕ್ಷ ¾ಣ್‌ ಸಾಬ್‌ ಚೌರಿ (ಬಾಗಲಕೋಟೆ), ವಿಶೇಷ ಪ್ರಶಸ್ತಿ- ಸಮರ್ಥನಂ ಟ್ರಸ್ಟ್ ನ ಮಹಾಂತೇಶ್‌ ಜಿ. ಕಿವುಡಸಣ್ಣವರ್‌ ಅವರಿಗೆ ನೀಡಲಾಯಿತು.

2022ನೇ ಸಾಲಿನ ಸಂದೇಶ ಸಾಹಿತ್ಯ ಪ್ರಶಸ್ತಿ (ಕೊಂಕಣಿ)ಯನ್ನು ಮೆಲ್ವಿನ್‌ ರಾಡ್ರಿಗಸ್‌ (ದ.ಕ.), ಸಾಹಿತ್ಯ ಪ್ರಶಸ್ತಿ (ತುಳು)- ಬಿ.ಕೆ. ಗಂಗಾಧರ ಕಿರೋಡಿಯನ್‌ (ದ.ಕ.), ಸಂದೇಶ ಮಾಧ್ಯಮ ಪ್ರಶಸ್ತಿ- ಡಾ| ಟಿ.ಸಿ. ಪೂರ್ಣಿಮಾ (ಬೆಂಗಳೂರು), ಕೊಂಕಣಿ ಸಂಗೀತ ಪ್ರಶಸ್ತಿ- ಆಲ್ವಿನ್‌ ನೊರೊನ್ಹಾ (ದ.ಕ.), ಕಲಾ ಪ್ರಶಸ್ತಿ- ಕಾಸರಗೋಡು ಚಿನ್ನಾ (ಕಾಸರಗೋಡು), ಶಿಕ್ಷಣ ಪ್ರಶಸ್ತಿ- ಡಾ| ಪಿ.ಕೆ. ರಾಜಶೇಖರ್‌ (ಮೈಸೂರು), ವಿಶೇಷ ಪ್ರಶಸ್ತಿ- ಸ. ರಘುನಾಥ್‌ (ಚಿಕ್ಕಬಳ್ಳಾಪುರ) ಅವರಿಗೆ ಪ್ರದಾನ ಮಾಡಲಾಯಿತು. ಸಾಹಿತ್ಯ ಪ್ರಶಸ್ತಿ(ಕನ್ನಡ)ಗೆ ಆಯ್ಕೆಯಾದ ಬರಗೂರು ರಾಮಚಂದ್ರಪ್ಪ ಹಾಗೂ ರಹಮತ್‌ ತರೀಕೆರೆ ಕಾರಣಾಂತರಗಳಿಂದ ಗೈರಾಗಿದ್ದರು.

ಸರ್ವರೂ ಒಂದಾಗುವುದೇ ಶ್ರೀಮಂತಿಕೆ: ಬಿಷಪ್‌
ಪ್ರಶಸ್ತಿ ಪ್ರದಾನಿಸಿದ ಮಂಗಳೂರು ಧರ್ಮ ಪ್ರಾಂತದ ಬಿಷಪ್‌ ರೈ| ರೆ| ಡಾ| ಪೀಟರ್‌ ಪಾವ್ಲ್ ಸಲ್ಡಾನ್ಹ ಮಾತನಾಡಿ, ಸಮಾಜದ ಸರ್ವರೂ ಒಂದಾಗುವುದೇ ಬಹುದೊಡ್ಡ ಶ್ರೀಮಂತಿಕೆ. ಪ್ರತಿಯೊಬ್ಬರೂ ದೇವರು ನೀಡಿದ ಅವಕಾಶ ಗಳನ್ನು ಸದುಪಯೋಗ ಮಾಡಿದರೆ ಉತ್ತಮ ಸಮಾಜ ನಿರ್ಮಾಣ ಸಾಧ್ಯ ಎಂದು ತಿಳಿಸಿದರು.

ಮಂಗಳೂರು ವಿವಿ ಕುಲಪತಿ ಪ್ರೊ| ಪಿ.ಎಸ್‌. ಯಡಪಡಿತ್ತಾಯ ಶುಭ ಹಾರೈಸಿದರು. ಬಳ್ಳಾರಿ ಧರ್ಮಾಧ್ಯಕ್ಷ ರೈ| ರೆ| ಡಾ| ಹೆನ್ರಿ ಡಿ’ಸೋಜಾ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಸಂದೇಶ ಪ್ರತಿಷ್ಠಾನದ ನಿರ್ದೇಶಕ ವಂ| ಫ್ರಾನ್ಸಿಸ್‌ ಅಸ್ಸಿಸಿ ಅಲ್ಮೇಡಾ, ಸಂದೇಶ ಪ್ರಶಸ್ತಿ ಆಯ್ಕೆ ಸಮಿತಿ ಅಧ್ಯಕ್ಷ ಡಾ| ವಲೇರಿಯನ್‌ ರಾಡ್ರಿಗಸ್‌, ಪ್ರತಿಷ್ಠಾನದ ವಿಶ್ವಸ್ತರಾದ ರೊಯ್‌ ಕ್ಯಾಸ್ತಲಿನೊ, ಐವನ್‌ ಪಿಂಟೊ ಮೊದಲಾದವರು ಉಪಸ್ಥಿತರಿದ್ದರು.