ವಿಗ್ ಧರಿಸಿದ್ದ ವರನನ್ನು ಕಂಡು ಮದುವೆ ನಿರಾಕರಿಸಿದ ವಧು!

Team Udayavani, Feb 26, 2022, 11:42 AM IST

ಇಟಾವಾ: ಮದುವೆಯ ದಿನ ವರ ವಿಗ್ ಧರಿಸಿರುವುದನ್ನು ನೋಡಿದ ವಧು ಮದುವೆಯಾಗಲು ನಿರಾಕರಿಸಿದ ಘಟನೆ ಬುಧವಾರ ರಾತ್ರಿ ಇಟಾವಾ ಜಿಲ್ಲೆಯ ಭರ್ತನ ಪ್ರದೇಶದಲ್ಲಿ ನಡೆದಿದೆ.

ವರದಿಗಳ ಪ್ರಕಾರ, ಹೂವಿನ ಮಾಲೆಗಳ ವಿನಿಮಯ ನಡೆಯುತ್ತಿರುವಾಗ, ವಧು ಅಜಯ್ ಹೆಚ್ಚು ಜಾಗರೂಕರಾಗಿರುವುದನ್ನು ಗಮನಿಸಿದರು ಮತ್ತು ಪದೇ ಪದೇ ತನ್ನ ಸಾಂಪ್ರದಾಯಿಕ ಶಿರಸ್ತ್ರಾಣವನ್ನು ಸರಿಹೊಂದಿಸುತ್ತಿದ್ದ, ಈ ವೇಳೆ ವರನು ನಿಜವಾಗಿಯೂ ಬೋಳು ಮತ್ತು ತಲೆಗೆ ವಿಗ್ ಧರಿಸಿದ್ದಾನೆ ಎಂದು ವಧುವಿಗೆ ಯಾರೋ ಹೇಳಿದರು, ಅದನ್ನು ಕೇಳಿ ವಧು ಪ್ರಜ್ಞೆ ತಪ್ಪಿ ವೇದಿಕೆ ಮೇಲೆ ಬಿದ್ದಿದ್ದಾಳೆ.

ಪ್ರಜ್ಞೆ ಬಂದ ಬಳಿಕ ಆಕೆ ಆ ಹುಡುಗನನ್ನು ಮದುವೆಯಾಗಲು ನಿರಾಕರಿಸಿದ್ದಾಳೆ. ಆಕೆಯ ಕುಟುಂಬ ಎಷ್ಟೇ ಮನವೊಲಿಸಿದರೂ ಆಕೆಯನ್ನು ಮದುವೆಗೆ ಒಪ್ಪಿಸಲು ಸಾಧ್ಯವಾಗಲಿಲ್ಲ. ಅಂತಿಮವಾಗಿ ವರ ಮತ್ತು ಬಂದವರೆಲ್ಲರೂ ಬಹಳ ಬೇಸರದಿಂದ ಮರಳಿದರು.