ಹರಿಹರ ಎಥೆನಾಲ್‌ ಘಟಕಕ್ಕೆ ಜೀವಕಳೆ

Team Udayavani, Feb 28, 2022, 10:39 AM IST

ದಾವಣಗೆರೆ: ಕೇಂದ್ರ ಸರ್ಕಾರದ ನೂತನ ಎಥೆನಾಲ್‌ ನೀತಿಹಾಗೂ ರಾಜ್ಯ ಸರ್ಕಾರದ ಉತ್ತೇಜನದಿಂದ ಮಂಗಳೂರುರಿಫೈನರಿ ಆ್ಯಂಡ್‌ ಪೆಟ್ರೋಕೆಮಿಕಲ್ಸ್‌ (ಎಂಆರ್‌ಪಿಎಲ್‌)ಸಂಸ್ಥೆ ಹರಿಹರದಲ್ಲಿ ಸ್ಥಾಪಿಸಲು ಉದ್ದೇಶಿಸಿರುವ ಬೃಹತ್‌ 2ಜಿಎಥೆನಾಲ್‌ ಘಟಕ ಯೋಜನೆಗೆ ಜೀವಕಳೆ ಬಂದಿದೆ.ಮಂಗಳೂರು ರಿಫೈನರಿ ಆ್ಯಂಡ್‌ ಪೆಟ್ರೋಕೆಮಿಕಲ್ಸ್‌ ಸಂಸ್ಥೆಹರಿಹರದಲ್ಲಿ 966 ಕೋಟಿ ರೂ. ವೆಚ್ಚದಲ್ಲಿ ಸ್ಥಾಪಿಸಲು ಮೂರುವರ್ಷಗಳ ಹಿಂದೆಯೇ ನಿರ್ಧರಿಸಿದೆ.

ಇದಕ್ಕಾಗಿ ಈಗಾಗಲೇಹರಿಹರ ತಾಲೂಕಿನ ಸಾರಥಿ ಗ್ರಾಮದ ಬಳಿ ಕೆಐಎಡಿಬಿಯಿಂದ40 ಎಕರೆ ಜಮೀನು ಸಹ ಪಡೆದುಕೊಂಡಿದೆ. ಪರಿಸರಇಲಾಖೆಯ ನಿರಪೇಕ್ಷಣೆ ಹಾಗೂ ತಾಂತ್ರಿಕ ಕಾರ್ಯಸಾಧ್ಯತಾವರದಿ ವಿಳಂಬದಿಂದ ಇನ್ನೂ ಕಾರ್ಯಾನುಷ್ಠಾನಗೊಂಡಿಲ್ಲ.ಕೇಂದ್ರ ಸರ್ಕಾರವು ಪರಿಸರ ಸಂರಕ್ಷಣೆ, ಆರ್ಥಿಕ ಚಟುವಟಿಕೆಹಾಗೂ ರೈತರ ಹಿತದೃಷ್ಟಿಯನ್ನಿಟ್ಟುಕೊಂಡು ಎಥೆನಾಲ್‌ ನೀತಿರೂಪಿಸಿರುವುದರಿಂದ ಪ್ರಕ್ರಿಯೆಗಳು ಸರಳಗೊಂಡಿದ್ದು,ಇದರಿಂದ ಎಥೆನಾಲ್‌ ಘಟಕ ಸ್ಥಾಪನೆಗೆ ಉತ್ತೇಜನ ಸಿಕ್ಕಂತಾಗಿದೆ.ಈ ಘಟಕ ಕಾರ್ಯಾರಂಭವಾದರೆ ಇದು ರಾಜ್ಯದ ಅತಿ ದೊಡ್ಡ2ಜಿ ಎಥೆನಾಲ್‌ ಘಟಕ ಎನ್ನಿಸಿಕೊಳ್ಳಲಿದೆ.

ಕೇಂದ್ರ ಸರ್ಕಾರ ರೂಪಿಸಿದ ಎಥೆನಾಲ್‌ ನೀತಿಯನ್ನುಸದುಪಯೋಗ ಪಡಿಸಿಕೊಂಡು ಕರ್ನಾಟಕ ರಾಜ್ಯ ಹೆಚ್ಚಿನ ಲಾಭಪಡೆದುಕೊಳ್ಳಲಿದೆ ಎಂದು ಇತ್ತೀಚೆಗಷ್ಟೇ ಹಾವೇರಿ ಜಿಲ್ಲೆಯಶಿಗ್ಗಾವಿಯಲ್ಲಿ ಸಿಎಂ ಬಸವರಾಜ ಬೊಮ್ಮಾಯಿ ತಿಳಿಸಿದ್ದಾರೆ.ತನ್ಮೂಲಕ ರಾಜ್ಯ ಸರ್ಕಾರ ಸಹ ಎಥೆನಾಲ್‌ ಘಟಕಗಳಸ್ಥಾಪನೆ ಹಾಗೂ ಎಥೆನಾಲ್‌ ಉತ್ಪಾದನೆಗೆ ಹೆಚ್ಚಿನ ಪ್ರೋತ್ಸಾಹನೀಡುತ್ತಿರುವುದರಿಂದ ಹರಿಹರದಲ್ಲಿ ಪ್ರಸ್ತಾಪಿತ ಎಂಪಿಆರ್‌ಎಲ್‌ನ ಎಥೆನಾಲ್‌ ಘಟಕ ಶೀಘ್ರ ಕಾರ್ಯಾರಂಭಗೊಳ್ಳಬಹುದುಎಂಬ ನಿರೀಕ್ಷೆ ಗರಿಗೆದರಿದೆ.\

ಎಚ್‌.ಕೆ. ನಟರಾಜ