ಹಾಡಾಗಿ ಬಂದ ಸೀತಮ್ಮನ ಮಗ

Team Udayavani, Mar 7, 2022, 4:59 PM IST

ಯತಿರಾಜ್‌ ನಿರ್ದೇಶಿಸಿ ಮತ್ತು ಅಭಿನಯಿಸಿರುವ “ಸೀತಮ್ಮನ ಮಗ’ ಚಿತ್ರದ ಹಾಡುಗಳು ಇತ್ತೀಚೆಗೆ ಬಿಡುಗಡೆಯಾಯಿತು.

“ಸೀತಮ್ಮನ ಮಗ’ ಚಿತ್ರದಲ್ಲಿ ಎರಡು ಹಾಡುಗಳಿದ್ದು, ಗೀತೆಗಳಿಗೆ ಯತಿರಾಜ್‌ ಸಾಹಿತ್ಯವಿದೆ. ವಿನು ಮನಸು ಸಂಗೀತ ಸಂಯೋಜನೆಯ ಈ ಹಾಡುಗಳಿಗೆ ಮೆಹಬೂಬ್‌ ಸಾಬ್‌ ಮತ್ತು ಮಾನಸ ಹೊಳ್ಳ ಧ್ವನಿಯಾಗಿದ್ದಾರೆ. ಇತ್ತೀಚೆಗೆ ನಡೆದ ಸಮಾರಂಭದಲ್ಲಿ ನಿರ್ದೇಶಕ ಮತ್ತು ನಿರ್ಮಾಪಕ ಗುರು ದೇಶಪಾಂಡೆ, “ಸೀತಮ್ಮನ ಮಗ’ನ ಹಾಡುಗಳನ್ನು ಬಿಡುಗಡೆಗೊಳಿಸಿದರು.

ಇದೇ ವೇಳೆ “ಸೀತಮ್ಮನ ಮಗ’ನ ಬಗ್ಗೆ ಮಾತನಾಡಿದ ನಟ ಕಂ ನಿರ್ದೇಶಕ ಯತಿರಾಜ್‌, “ಇದೊಂದು ಕಂಟೆಂಟ್‌ ಆಧಾರಿತ ಸಿನಿಮಾ. ಸುಮಾರು ಐದುಪಾತ್ರಗಳು ತಮ್ಮ ಬದುಕನ್ನ ಹೇಗೆ ನೋಡುತ್ತವೆ ಅನ್ನೋದು ಚಿತ್ರದ ಕಥೆಯಒಂದು ಎಳೆ. ಬಡ ಕುಟುಂಬದ ಆಸೆ, ಆಕಾಂಕ್ಷೆ, ಕನಸು, ಸಾವು ಬದುಕಿನಅಂಶಗಳನ್ನು ಇಟ್ಟುಕೊಂಡು ಹೊಸದೇನನ್ನು ಸಿನಿಮಾದಲ್ಲಿ ತೋರಿಸುವಪ್ರಯತ್ನ ಮಾಡಲಾಗಿದೆ’ ಎಂದು ಮಾಹಿತಿ ನೀಡಿದರು. “ಸೋನು μಲಂಸ್‌’ ಬ್ಯಾನರ್‌ನಲ್ಲಿ ಕೆ. ಮಂಜುನಾಥ ನಾಯಕ್‌ ನಿರ್ಮಾಣದಲ್ಲಿ ಮೂಡಿಬಂದಿದೆ