ಮಣಿಪಾಲ: ಮಾರುತಿ ಸುಜುಕಿ ಕಂಪನಿಯ ಹೊಸ ಫೀಚರ್ ನ “ದ ನ್ಯೂ ಏಜ್ ಬಲೆನೋ” ಬಿಡುಗಡೆ

Team Udayavani, Mar 9, 2022, 3:52 PM IST

ಮಣಿಪಾಲ, ಮಾ.9: ಮಾರುತಿ ಸುಜುಕಿ ಕಂಪನಿಯ ದ ನ್ಯೂ ಏಜ್ ಬಲೆನೊ ಕಾರನ್ನು ಉದಯವಾಣಿ ಪ್ರಧಾನ ಕಚೇರಿಯ ಎದುರು ಮಣಿಪಾಲ ಮೀಡಿಯ ನೆಟ್‌ವರ್ಕ್ ಲಿಮಿಟೆಡ್‌ನ ಸಿಇಒ, ಎಂಡಿ ವಿನೋದ್ ಕುಮಾರ್ ಅವರು ಬಿಡುಗಡೆಗೊಳಿಸಿ, ಅನಂತರ ಕೇಕ್ ಕತ್ತರಿಸಿ ಶುಭ ಹಾರೈಸಿದರು.

“ಮಾರುತಿ ಸುಜುಕಿ ಕಂಪನಿಯ ದ ನ್ಯೂ ಏಜ್ ಬಲೆನೋ ಕಾರು ಮಾರುಕಟ್ಟೆಯಲ್ಲಿ ಉತ್ತಮ ಬೇಡಿಕೆಯೊಂದಿಗೆ ಮಾರಾಟವಾಗಲಿ ಎಂದು ಈ ಸಂದರ್ಭದಲ್ಲಿ ಸಿಇಒ ವಿನೋದ್ ಕುಮಾರ್ ಶುಭ ಹಾರೈಸಿದ್ದು, ಮಾರುತಿ ಸುಜುಕಿ ಮುಂದಿನ ದಿನಗಳಲ್ಲಿ ಇವಿ (ಎಲೆಕ್ಟ್ರಿಕ್ ವಾಹನ) ಕಾರುಗಳನ್ನು ಮಾರುಕಟ್ಟೆಗೆ ಬಿಡುಗಡೆಗೊಳಿಸುವ ಮೂಲಕ ಮತ್ತಷ್ಟು ಜನಪ್ರಿಯತೆ ಗಳಿಸಲಿ ಎಂದರು.

ದ ನ್ಯೂ ಏಜ್ ಬಲೆನೊ ಕಾರು 6 ಏರ್‌ಬ್ಯಾಾಗ್, 360 ವ್ಯೂವ್ ಕೆಮರಾ, ಅಡ್ವಾನ್ಸ್ ಡ್ ಟೆಲಿಮ್ಯಾಟಿಕ್ಸ್ ಸಲ್ಯೂಶನ್ ಸಹಿತ ಸುರಕ್ಷತೆಗೆ ಸಂಬಂಧಿಸಿ ಹಲವಾರು ಹೊಸ ಫೀಚರ್‌ಗಳನ್ನು ಒಳಗೊಂಡಿದೆ. NEXT ಜನರೇಶನ್ ಕೆ-ಸಿರೀಸ್ ಡುವೆಲ್ ಜೆಟ್, ಡುವೆಲ್ ವಿವಿಟಿ ಎಂಜಿನ್ ಜತೆಗೆ ಐಡ್ಲ ಸ್ಟಾರ್ಟ್ ಸ್ಟಾಪ್, ಆಟೋ ಗೇರ್‌ಶಿಫ್ಟ್, ಎಲ್‌ಇಡಿ ಫಾಗ್ ಲ್ಯಾಂಪ್ ಸಹಿತ ಹಲವು ವಿನೂತನ ಫೀಚರ್‌ಗಳನ್ನು ಒಳಗೊಂಡಿದೆ. ಎಕ್ಸ್ ಶೋ ರೂಂ ದರ 6,35,000 ರೂ. ನಿಂದ ಆರಂಭವಾಗುತ್ತದೆ. ಆಕರ್ಷಕವಾದ ಆರು ಬಣ್ಣಗಳಲ್ಲಿ ಈ ಕಾರು ಲಭ್ಯವಿದೆ.

ಈ ಸಂದರ್ಭದಲ್ಲಿ ಸಂಸ್ಥೆಯ ಬೆಂಗಳೂರು ಟೆರಿಟರಿ ಸೇಲ್ಸ್ ಮ್ಯಾನೇಜರ್(ಟಿಎಸ್‌ಎಂ) ದೀಪಕ್ ಎಂ.ಎಸ್, ಮಂಗಳೂರಿನ ಟಿಎಸ್‌ಎಂ ಮಲ್ಲಿಕಾರ್ಜುನ್, ಕಡಿಯಾಳಿ NEXA ಶೋರೂಮ್ ಮ್ಯಾನೇಜರ್ ಸತೀಶ್ ಕಾಮತ್, ಸಿನೀಯರ್ ರಿಲೇಶನ್‌ಶಿಪ್ ಮ್ಯಾನೇಜರ್ ಕಿಶೋರ್ ಕುಮಾರ್, ನಾಗರಾಜ, ಎಂಡಿಎನ್ ಎಲ್ ನ ಮುಖ್ಯಸ್ಥ ಹರೀಶ್ ಭಟ್, ಮಣಿಪಾಲ್ ಮೀಡಿಯಾ ನೆಟ್ ವರ್ಕ್ ಲಿಮಿಟೆಡ್ ನ ಡಿಜಿಎಂ ಸತೀಶ್ ಶೆಣೈ ಉಪಸ್ಥಿತರಿದ್ದರು. ಟ್ರೈನಿಂಗ್ ಆ್ಯಂಡ್ ಡೆವಲಪ್‌ಮೆಂಟ್ ಮ್ಯಾನೇಜರ್ ತೇಜಸ್ ಕೆ. ಕಾರ್ಯಕ್ರಮ ನಿರೂಪಿಸಿದರು.