ವನಿತಾ ಹಾಕಿ ತಂಡದಲ್ಲಿ ಇಬ್ಬರು ಹೊಸಬರು

Team Udayavani, Mar 10, 2022, 8:20 AM IST

ನವದೆಹಲಿ: ಎಫ್ಐಎಚ್‌ ವನಿತಾ ಪ್ರೊ ಲೀಗ್‌ ಹಾಕಿ ಪಂದ್ಯಾವಳಿಯಲ್ಲಿ ಜರ್ಮನಿಯನ್ನು ಎದುರಿಸಲಿರುವ ಭಾರತ ತಂಡವನ್ನು ಪ್ರಕಟಿಸಲಾಗಿದೆ. ಡಿಫೆಂಡರ್‌ ಅಕ್ಷತಾ ಅಬಾಸೊ ಮತ್ತು ಸ್ಟ್ರೈಕರ್‌ ದೀಪಿಕಾ ಜೂನಿಯರ್‌ ಈ ತಂಡದ ಇಬ್ಬರು ಹೊಸಬರು.

ರಾಣಿ ರಾಮ್‌ಪಾಲ್‌ ಗೈರಲ್ಲಿ ಗೋಲ್‌ಕೀಪರ್‌ ಸವಿತಾ ನಾಯಕಿಯಾಗಿ, ಅನುಭವಿ ಡಿಫೆಂಡರ್‌ ದೀಪ್‌ ಗ್ರೇಸ್‌ ಎಕ್ಕಾ ಉಪನಾಯಕಿಯಾಗಿ ಮುಂದುವರಿದಿದ್ದಾರೆ.

ಜರ್ಮನಿ ವಿರುದ್ಧದ ಪಂದ್ಯ ಶನಿವಾರ ಮತ್ತು ಭಾನುವಾರ ಭುವನೇಶ್ವರದಲ್ಲಿ ನಡೆಯಲಿದೆ. ಮಸ್ಕತ್‌ನಲ್ಲಿ ನಡೆದ ಸ್ಪರ್ಧೆಯಲ್ಲಿ ಭಾರತ ಚೀನವನ್ನು 7-1 ಮತ್ತು 2-1ರಿಂದ ಮಣಿಸಿದೆ. ಬಳಿಕ ಭುವನೇಶ್ವರದಲ್ಲಿ ಸ್ಪೇನ್‌ ವಿರುದ್ಧ ಒಂದನ್ನು ಗೆದ್ದು (2-1) ಇನ್ನೊಂದರಲ್ಲಿ ಪರಾಭವಗೊಂಡಿದೆ (3-4).

ಭಾರತ ತಂಡ
ಗೋಲ್‌ಕೀಪರ್: ಸವಿತಾ (ನಾಯಕಿ), ಬಿಚುದೇವಿ ಖರಿಬಮ್‌.
ಡಿಫೆಂಡರ್: ದೀಪ್‌ ಗ್ರೇಸ್‌ ಎಕ್ಕಾ (ಉಪನಾಯಕಿ), ಗುರ್ಜಿತ್‌ ಕೌರ್‌, ನಿಕ್ಕಿ ಪ್ರಧಾನ್‌, ಉದಿತಾ, ಅಕ್ಷತಾ ಅಬಾಸೊ.
ಮಿಡ್‌ಫಿಲ್ಡರ್: ನಿಶಾ, ಸಲೀಮಾ ಟೇಟೆ, ಸುಶೀಲಾ ಚಾನು, ಜ್ಯೋತಿ, ಮೋನಿಕಾ, ನೇಹಾ, ನವಜೋತ್‌ ಕೌರ್‌, ಸೋನಿಕಾ.
ಫಾರ್ವರ್ಡ್ಸ್‌: ರಾಜ್ವಿಂದರ್‌ ಕೌರ್‌, ಶರ್ಮಿಳಾದೇವಿ, ನವನೀತ್‌ ಕೌರ್‌, ಲಾಲ್ರೆಮಿÕಯಾಮಿ, ಸಂಗೀತಾ ಕುಮಾರಿ, ಮರಿಯಾನಾ ಕುಜುರ್‌, ದೀಪಿಕಾ.
ಮೀಸಲು ಆಟಗಾರ್ತಿಯರು: ರಜನಿ ಎಟಿಮರ್ಪು, ಇಶಿಕಾ ಚೌಧರಿ, ನಮಿತಾ ಟೋಪೊ.