ದುಬಾರಿಯಾಯಿತು ಮ್ಯಾಗಿ,ಬ್ರೂ, ನೆಸ್‌ಕೆಫೆ! ಬೆಲೆ ಏರಿಸಿದ ನೆಸ್ಲೆ , ಹಿಂದೂಸ್ತಾನ್ ಯೂನಿಲಿವರ್

Team Udayavani, Mar 15, 2022, 8:15 PM IST

ನವದೆಹಲಿ: ನೆಸ್ಲೆ ಮತ್ತು ಹಿಂದೂಸ್ಥಾನ್‌ ಯುನಿಲಿವರ್‌ ಲಿ.(ಎಚ್‌ಯುಎಲ್‌) ಕಂಪನಿಗಳು ತಮ್ಮ ಉತ್ಪನ್ನಗಳ ಬೆಲೆ ಏರಿಕೆ ಮಾಡಿವೆ.

ಆ ಹಿನ್ನೆಲೆ ಮ್ಯಾಗಿ, ಟೀ ಪುಡಿ ಮತ್ತು ಕಾಫಿ ಪುಡಿಗಳ ಬೆಲೆ ಹೆಚ್ಚಳವಾಗಲಿದೆ. 70 ಗ್ರಾಂ ಮ್ಯಾಗಿ ಪ್ಯಾಕ್‌ ಬೆಲೆ 12 ರೂ.ನಿಂದ 14 ರೂ.ಗೆ, 140 ಗ್ರಾಂ ಪ್ಯಾಕ್‌ ಬೆಲೆ 3 ರೂ. ಏರಿಕೆಯಾಗಲಿದೆ. 96 ರೂ.ಗೆ ಸಿಗುತ್ತಿದ್ದ 560 ಗ್ರಾಂ ಪ್ಯಾಕ್‌ ಬೆಲೆ 105 ರೂ. ಆಗಲಿದೆ.

ಹಾಗೆಯೇ ನೆಸ್‌ಕೆಫೆ ಮತ್ತು ಬ್ರೂ ಕಾಫಿ ಪುಡಿಗಳ ಬೆಲೆ, ಎ ಪ್ಲಸ್‌ ಹಾಲಿನ ಬೆಲೆ ಮತ್ತು ತಾಜ್‌ ಮಹಲ್‌ ಚಹಾ ಪುಡಿ ಬೆಲೆಯಲ್ಲೂ ಏರಿಕೆಯಾಗಲಿದೆ.

ನೆಸ್‌ಕೆಫೆ ಒಂದು ಲೀಟರ್ ಎ+ ಹಾಲಿನ ಬೆಲೆಯನ್ನೂ ಹೆಚ್ಚಿಸಿದೆ. ಇದಕ್ಕೆ ಮೊದಲು 75 ರೂ. ಪಾವತಿಸಬೇಕಾಗಿತ್ತು. ಆದರೆ ಈಗ 78 ರೂ. ಪಾವತಿಸಬೇಕಾಗಿದೆ. ನೆಸ್‌ಕೆಫೆ ಕ್ಲಾಸಿಕ್ ಕಾಫಿ ಪೌಡರ್ ಬೆಲೆ ಶೇ.3-7ರಷ್ಟು ಹೆಚ್ಚಾಗಿದೆ.

ಇದನ್ನೂ ಓದಿ:ಆಧುನಿಕತೆ ಬಳಸಿ ಕಲೆಗೆ ರೂಪ ನೀಡಿದ ಕಲಾಕಾರರು;ಬನಹಟ್ಟಿಯಲ್ಲಿ ವೈವಿದ್ಯಮಯ ಕಾಮಣ್ಣನ ಮೂರ್ತಿಗಳು

ನೆಸ್‌ಕೆಫೆ ಯ 25 ಗ್ರಾಂ ಪ್ಯಾಕ್ ಈಗ 2.5% ರಷ್ಟು ದುಬಾರಿಯಾಗಿದೆ. ಇದಕ್ಕೆ 78 ರೂ. ಬದಲು ಈಗ 80 ರೂ. ಪಾವತಿಸಬೇಕಾಗುತ್ತದೆ. ಇದರೊಂದಿಗೆ 50 ಗ್ರಾಂ ನೆಸ್‌ಕೆಫೆ ಕ್ಲಾಸಿಕ್‌ಗೆ 145 ರೂ. ಬದಲಿಗೆ 150 ರೂ.ಏರಿಕೆಯಾಗಲಿದೆ.