OTTಗೆ ಕರೀನಾ ಪದಾರ್ಪಣೆ ; ಸಸ್ಪೆನ್ಸ್ ಥ್ರಿಲ್ಲರ್ ದಿ ಡಿವೋಷನ್ ಆಫ್ ಸಸ್ಪೆಕ್ಟ್ xನಲ್ಲಿ ನಟನೆ

Team Udayavani, Mar 16, 2022, 6:04 PM IST

ಮುಂಬಯಿ: ಬಾಲಿವುಡ್ ನಟಿ ಕರೀನಾ ಕಪೂರ್ ತನ್ನ ಎರಡನೇ ಮಗು ‘ಜಹಾಂಗೀರ್ ಅಲಿ ಖಾನ್’ ಗೆ ಜನ್ಮ ನೀಡಿದ ಬಳಿಕ ಮತ್ತೆ ನಟನೆಗೆ ಮರಳಿದ್ದು, ಇದೀಗ ನೆಟ್ ಫ್ಲಿಕ್ಸ್ ಪ್ರಾಜೆಕ್ಟ್ ನ “ದ ಡಿವೋಷನಲ್ ಆಫ್ ಸಸ್ಪೆಕ್ಟ್ X” ಸಿನಿಮಾದಲ್ಲಿ ನಟಿಸಲು ಸಿದ್ದರಾಗಿದ್ದಾರೆ.

ಇದನ್ನೂ ಓದಿ:1,000ಕ್ಕೂ ಅಧಿಕ ಅಂಕ ಜಿಗಿತ ಕಂಡ ಮುಂಬೈ ಷೇರುಪೇಟೆ ಸೆನ್ಸೆಕ್ಸ್; ನಷ್ಟ ಗಳಿಸಿದ ಷೇರು ಯಾವುದು

ನಟಿ ಕರೀನಾ ಕಪೂರ್ ಖಾನ್  ಜಪಾನ್ ನ ಕೀಗೋ ಹಿಗಾಶಿನೋ ಬರೆದ ‘ದ ಡಿವೋಷನ್ ಆಫ್ ಸಸ್ಪೆಕ್ಟ್ x ‘ ಕಾದಂಬರಿ ಆಧಾರಿತ ಸಿನೆಮಾದಲ್ಲಿ ಅಭಿನಯಿಸಲು ತಯಾರಾಗಿದ್ದಾರೆ. ಚಿತ್ರಕ್ಕೆ ಇನ್ನಷ್ಟೇ ಟೈಟಲ್ ಅಂತಿಮಗೊಳಿಸಬೇಕಾಗಿದ್ದು, ಈ ಚಿತ್ರವನ್ನು ಸುಜೋಯ್ ಘೋಷ್ (‘ಕಹಾನಿ  2012, ಬದ್ಲಾ  2018) ನಿರ್ದೇಶಿಸಲಿದ್ದಾರೆ.

ತಾರಂಗಣದಲ್ಲಿ ಜೈದೀಪ್ ಅಹ್ಲಾವತ್ ಮತ್ತು ವಿಜಯ್ ಶರ್ಮ ಸೇರಿದಂತೆ ಇತರ ನಟರಿದ್ದಾರೆ. ಸ್ಟ್ರೀಮಿಂಗ್ ಪ್ಲ್ಯಾಟ್ ಫಾರಂ ನೆಟ್ ಫ್ಲಿಕ್ಸ್ ಕರೀನಾ ಕಪೂರ್ , ಜೈದೀಪ್ ಮತ್ತು ವಿಜಯ್ ಶರ್ಮ ಸ್ಕ್ರಿಪ್ಟ್ ಓದುವ ವಿಡಿಯೋವನ್ನು ಶೇರ್ ಮಾಡಿದೆ .

ಈ ಬಗ್ಗೆ ಖುಷಿಯನ್ನು ಹಂಚಿಕೊಂಡಿರುವ  ಕರೀನಾ, “ಈ ಪ್ರಾಜೆಕ್ಟ್ ನಲ್ಲಿ ಕೆಲಸ ಮಾಡಲು  ತುಂಬಾ  ಕಾತುರಳಾಗಿದ್ದೇನೆ. ಒಂದು ಉತ್ತಮ ಕಥೆ,  ದೂರದೃಷ್ಟಿಯನ್ನು ಹೊಂದಿರುವ  ನಿರ್ದೇಶಕ ಮತ್ತು ಪ್ರತಿಭಾವಂತರ  ತಂಡವಿದೆ.ಇದು ವಿದ್ಯುತ್ ಸಂಚಾರದಂತಹ ಆರಂಭ. ಆದ್ದರಿಂದ ಪ್ರೇಕ್ಷಕರ ಜೊತೆ ಈ  ಅತ್ತುತ್ತಮ ಪುಸ್ತಕದ ಕಥೆಯನ್ನು ನೋಡಲು ಕಾತುರಳನಾಗಿದ್ದೇನೆ ಎಂದು ತಿಳಿಸಿದ್ದಾರೆ.