ಯುಪಿ,ಬಿಹಾರ,ಮಧ್ಯಪ್ರದೇಶದಲ್ಲಿ ಅತಿ ಹೆಚ್ಚು ವಿಚಾರಣಾಧೀನ ಕೈದಿಗಳು: ಸಚಿವ ನಿತ್ಯಾನಂದ ರಾಯ್‌

Team Udayavani, Mar 16, 2022, 7:53 PM IST

ನವದೆಹಲಿ: ಉತ್ತರ ಪ್ರದೇಶ,ಬಿಹಾರ ಮತ್ತು ಮಧ್ಯಪ್ರದೇಶ ಜೈಲುಗಳಲ್ಲಿ ಅತಿ ಹೆಚ್ಚು ಸಂಖ್ಯೆಯ ವಿಚಾರಣಾಧೀನ ಕೈದಿಗಳು ಮತ್ತು ಶಿಕ್ಷೆಗೆ ಒಳಗಾದ ಅಪರಾಧಿಗಳು ಇದ್ದಾರೆಂದು ಕೇಂದ್ರ ಸಚಿವ ನಿತ್ಯಾನಂದ ರಾಯ್‌ ಬುಧವಾರ (ಮಾ.16) ರಾಜ್ಯಸಭೆಗೆ ತಿಳಿಸಿದ್ದಾರೆ.

ರಾಜ್ಯಸಭೆಯಲ್ಲಿ ಮಾತನಾಡಿದ ಅವರು ಡಿಸೆಂಬರ್‌ 31,2020ರ ಹೊತ್ತಿಗೆ ಉತ್ತರಪ್ರದೇಶದಲ್ಲಿ 80,557 ವಿಚಾರಣಾಧೀನ ಕೈದಿಗಳಿದ್ದರೆ ಬಿಹಾರದಲ್ಲಿ 44,187 ವಿಚಾರಣಾಧೀನ ಕೈದಿಗಳು ಮತ್ತು ಮಧ್ಯಪ್ರದೇಶದಲ್ಲಿ 31,712 ಕೈದಿಗಳು ಜೈಲುಗಳಲ್ಲಿದ್ದಾರೆ ಎಂದರು.

ಉತ್ತರಪ್ರದೇಶ,ಬಿಹಾರ ಮತ್ತು ಮಧ್ಯಪ್ರದೇಶದ ಜೈಲುಗಳಲ್ಲಿರುವ ಒಟ್ಟು ಕೈದಿಗಳ ಸಂಖ್ಯೆ ಕ್ರಮವಾಗಿ 1,07,395 ,51,934 ಮತ್ತು 45,484 ಎಂದು ಲಿಖಿತ ಉತ್ತರದಲ್ಲಿ ತಿಳಿಸಿದ್ದಾರೆ.

ಮಹಾರಾಷ್ಟ್ರದಲ್ಲಿ 26,171,ಪಶ್ವಿ‌ಮಬಂಗಾಳದಲ್ಲಿ 20,144, ಜಾರ್ಖಂಡ್‌ ನಲ್ಲಿ 17,103,ರಾಜಸ್ಥಾನದಲ್ಲಿ 16,930, ಪಂಜಾಬ್‌ ನಲ್ಲಿ 15,643, ಒಡಿಶಾದಲ್ಲಿ 15,619,ಹರಿಯಾಣದಲ್ಲಿ 14,951 ಮತ್ತು ದೆಹಲಿಯಲ್ಲಿ 14,506 ವಿಚಾರಣಾಧೀನ ಕೈದಿಗಳು ಜೈಲುಗಳಲ್ಲಿದ್ದಾರೆ.