ಸ್ಕೂಟರ್ ಮೇಲೆ ತೆಂಗಿನ ಮರ ಬಿದ್ದು 9 ವರ್ಷ ಬಾಲಕಿ ಸಾವು, ಇಬ್ಬರು ಗಂಭೀರ

Team Udayavani, Mar 19, 2022, 8:29 PM IST

ಶ್ರೀರಂಗಪಟ್ಟಣ : ಶನಿವಾರ ಸಂಜೆ ಬೀಸಿದ ಭಾರಿ ಬಿರುಗಾಳಿಗೆ ತೆಂಗಿನ ಮರವೊಂದು ನೆಲಕ್ಕುರಿಳಿದ ಪರಿಣಾಮ ಕಾರು ಮತ್ತು ಸ್ಕೂಟರ್ ಜಖಂಗೊಂಡು 9 ವರ್ಷ ಬಾಲಕಿ ಮೃತಪಟ್ಟು ಇಬ್ಬರು ಗಂಭೀರವಾಗಿ ಗಾಯಗೊಂಡಿರುವ ಘಟನೆ ತಾಲೂಕಿನ ದೊಡ್ಡಪಾಳ್ಯ ಗ್ರಾಮದ ಬಳಿ ನಡೆದಿದೆ.

ತಾಲೂಕಿನ ಆರ್‌ಎಸ್ ಗ್ರಾಮದ ನಾಗರಾಜು ಎಂಬುವವರ ಮಗಳು (9)ಪ್ರಿಯಾಂಕ ಸಾವನ್ನಪ್ಪಿದ್ದು, ನಾಗರಾಜು ಸೇರಿದಂತೆ ಕಾರನಲ್ಲಿದ್ದ ವ್ಯಕ್ತಿಯೋರ್ವ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಶ್ರೀರಂಗಪಟ್ಟಣದಿಂದ ಬನ್ನೂರು ಕಡೆಗೆ ಕಾರು ಚಲಿಸುತ್ತಿದ್ದ ವೇಳೆ ತೆಂಗಿನಮರ ಕಾರಿನ ಮೇಲೆ ಉರುಳಿದ್ದು, ಇದೇ ಸಮಯದಲ್ಲಿ ಸೀಹಳ್ಳಿ ಹುಚ್ಚಮ್ಮ ದೇವಾಲಯದಿಂದ ಶ್ರೀರಂಗಪಟ್ಟಣ ಕಡೆಗೆ ಕುಟುಂಬ ಸಮೇತ ಸ್ಕೂಟರ್‌ನಲ್ಲಿ ಬರುತ್ತಿದ್ದ ವೇಳೆ ಈ ಘಟನೆ ಸಂಭವಿಸಿದೆ.

ಘಟನೆಯಲ್ಲಿ ಬಾಲಕಿ ಸ್ಥಳದಲ್ಲೇ ಮೃತಪಟ್ಟಿದ್ದು, ನಾಗರಾಜು ಗಂಭೀರವಾಗಿ ಗಾಯಗೊಂಡಿದ್ದಾರೆ. ಅದೃಷ್ಟವಶಾತ್ ಪತ್ನಿ ಅವಘಡದಿಂದ ಪರಾಗಿದ್ದು, ನಾಗರಾಜು ಹಾಗೂ ಕಾರಿನಲ್ಲಿದ್ದ ವ್ಯಕ್ತಿಯೋರ್ವ ಅವರನ್ನು ಚಿಕಿತ್ಸೆಗಾಗಿ ದಾಖಲಿಸಲಾಗಿದೆ. ಈ ಸಂಬಂದ ಪಟ್ಟಣ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಇದನ್ನೂ ಓದಿ : ಮಧುಗಿರಿ: ಅಂತ್ಯೋದಯ ಅಕ್ಕಿ ನೀಡದೆ ಅಂಧ ವ್ಯಕ್ತಿಗೆ ವಂಚನೆ