ಮಗಳ ಶವವನ್ನು 10 ಕಿ.ಮೀ. ಹೊತ್ತು ನಡೆದ ಅಪ್ಪ

Team Udayavani, Mar 27, 2022, 7:45 AM IST

ಅಂಬಿಕಾಪುರ (ಛತ್ತೀಸಗಢ):ಛತ್ತೀಸ್‌ಗಡದ ಸರ್ಗುಜಾ ಜಿಲ್ಲೆಯಲ್ಲಿ ತಂದೆ ಅಸುನೀಗಿದ 7 ವರ್ಷದ ಪುತ್ರಿಯನ್ನು ಎತ್ತಿಕೊಂಡು ಹೋಗುತ್ತಿರುವ ಫೋಟೋ-ವಿಡಿಯೋ ದೇಶಾದ್ಯಂತ ವೈರಲ್‌ ಆಗಿದೆ.

ಜಿಲ್ಲೆಯ ಅಮ್ದಲಾ ಎಂಬ ಗ್ರಾಮದ ಈಶ್ವರದಾಸ್‌ ಎಂಬುವರು ಜ್ವರದಿಂದ ಬಳಲುತ್ತಿರುವ ಪುತ್ರಿಯನ್ನು ಲಖನ್‌ಪುರದಲ್ಲಿರುವ ಸಮುದಾಯ ಆರೋಗ್ಯ ಕೇಂದ್ರಕ್ಕೆ ಕರೆದುಕೊಂಡು ಬಂದಿದ್ದರು. ಆದರೆ, ಅಲ್ಲಿ ಚಿಕಿತ್ಸೆ ಫ‌ಲಕಾರಿಯಾಗದೆ ಆಕೆ ಅಸುನೀಗಿದ್ದಾಳೆ. ಜತೆಗೆ ಆಮ್ಲಜನಕದ ಪ್ರಮಾಣವೂ ಕುಸಿದು ಹೋಗಿತ್ತು ಎಂದು ಡಾ. ವಿನೋದ್‌ ಭಾರ್ಗವ್‌ ತಿಳಿಸಿದ್ದಾರೆ.

ಸ್ವಗ್ರಾಮಕ್ಕೆ ಮೃತದೇಹವನ್ನು ತೆಗೆದುಕೊಂಡು ಹೋಗಲು ಆ್ಯಂಬ್ಯುಲೆನ್ಸ್‌ ಬರುತ್ತದೆ ಎಂದು ಈಶ್ವರದಾಸ್‌ಗೆ ಆರೋಗ್ಯ ಕೇಂದ್ರದ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ಆ್ಯಂಬುಲೆನ್ಸ್‌ ಸಕಾಲಕ್ಕೆ ಆಗಮಿಸದೇ ಇದ್ದಿದ್ದರಿಂದ ಅಪ್ಪ ಮಗಳ ಶವವನ್ನು ಹೊತ್ತುಕೊಂಡೇ 10 ಕಿ.ಮೀ. ನಡೆದಿದ್ದಾರೆ. ಆ ಹೊತ್ತಿನಲ್ಲಿ ಆ್ಯಂಬುಲೆನ್ಸ್‌ ಆಗಮಿಸಿದೆ.

ಈ ವಿಡಿಯೊ ಸಾಮಾಜಿಕ ತಾಣಗಳಲ್ಲಿ ವೈರಲ್‌ ಆಗಿದೆ, ತೀವ್ರ ಟೀಕೆಗಳು ಕೇಳಿಬಂದಿವೆ. ಈ ಬಗ್ಗೆ ತನಿಖೆಗೆ ಆರೋಗ್ಯ ಸಚಿವ ಟಿ.ಎಸ್‌.ಸಿಂಗ್‌ ದೇವ್‌ ಆದೇಶಿಸಿದ್ದಾರೆ.

Surguja: Chhattisgarh Health Min TS Singh Deo orders probe after video of a man carrying body of his daughter on his shoulders went viral

Concerned health official from Lakhanpur should have made the father understand to wait for hearse instead of letting him go, Deo said(25.3) pic.twitter.com/aN5li1PsCm

— ANI MP/CG/Rajasthan (@ANI_MP_CG_RJ) March 26, 2022