ವಿಐ ನಿಂದ MiFi 4G ರೂಟರ್ ಬಿಡುಗಡೆ : ಇದರ ವಿಶೇಷತೆಗಳೇನು ಗೊತ್ತಾ…

Team Udayavani, Mar 28, 2022, 10:02 PM IST

ಮುಂಬಯಿ : ಭಾರತದ ಪ್ರಮುಖ ಟೆಲಿಕಾಂ ಬ್ರ್ಯಾಂಡ್ ವಿಐ ತನ್ನ ಗ್ರಾಹಕರಿಗೆ ವಿಐ ಕುಟುಂಬ ಯೋಜನೆಗಳು ಮತ್ತು ವೈಯಕ್ತಿಕ ಪೋಸ್ಟ್ ಪೇಡ್‍ ಯೋಜನೆಗಳಲ್ಲಿ ವಿಐ ಮೈಫೈ ಅನ್ನು ಪ್ರಾರಂಭಿಸಿದೆ. ವಿಐ ಮೈಫೈ ಪಾಕೆಟ್-ಗಾತ್ರದ 4ಜಿ ರೂಟರ್ ಆಗಿದ್ದು, ಬಹು ಸಾಧನಗಳಿಗೆ 150 ಎಂಬಿಪಿಎಸ್ ವರೆಗಿನ ವೇಗದ ಇಂಟರ್ ನೆಟ್‍ ಸಂಪರ್ಕ ನೀಡುತ್ತದೆ.

ಮೊಬೈಲ್‌ಗಳು, ಸ್ಮಾರ್ಟ್ ವಿಶ್ವಾಸಾರ್ಹ, ಹೆಚ್ಚಿನ ವೇಗ ಮತ್ತು ಸುರಕ್ಷಿತ ಸಂಪರ್ಕವನ್ನು ನೀಡುತ್ತದೆ, ಹಾಗೆಯೇ ಪ್ರಯಾಣದಲ್ಲಿರುವಾಗ ಸಂಪರ್ಕದಲ್ಲಿರಲು ಬಯಸುವ ವ್ಯಕ್ತಿಗಳಿಗೆ ಇದು ಸೂಕ್ತವಾಗಿದೆ ಸ್ಮಾರ್ಟ್‍ ಟಿವಿಗಳು, ಲ್ಯಾಪ್‌ಟಾಪ್‌ಗಳು, ಟ್ಯಾಬ್ಲೆಟ್‌ಗಳು, , ಸ್ಮಾರ್ಟ್ ಸ್ಪೀಕರ್‌ಗಳು ಸೇರಿದಂತೆ 10 ವೈಫೈ- ಸಾಧನೆಗಳಿಗೆ ಇದನ್ನು ಸಂಪರ್ಕ ಮಾಡಬಹುದಾಗಿದೆ.

ಗ್ರಾಹಕರು ಈಗ, ಎಂದಿಗಿಂತಲೂ ಹೆಚ್ಚಾಗಿ, ವಿವಿಧ ಉದ್ದೇಶಗಳಿಗಾಗಿ ಮತ್ತು ವಿವಿಧ ಗ್ಯಾಜೆಟ್‍ ಗಳಿಗೆ ಇಂಟರ್ ನೆಟ್‍ ಸಂಪರ್ಕ ಪಡೆಯುತ್ತಿದ್ದಾರೆ. ಈ ಸಾಧನಗಳಿಗೆ ಎಲ್ಲ ಸಮಯದಲ್ಲೂ ತಡೆರಹಿತ ಡಿಜಿಟಲ್ ಸಂಪರ್ಕದ ಅಗತ್ಯವೂ ಹೆಚ್ಚಾಗುತ್ತದೆ. ಹೆಚ್ಚಿನ ವೇಗ ಮತ್ತು ಸುರಕ್ಷಿತ ಇಂಟರ್ನೆಟ್ ಸಂಪರ್ಕದಿಂದ ಕಚೇರಿಯಿಂದ ಹೊರಗೂ ಕೆಲಸ ನಿರ್ವಹಿಸುವವರಿಗೆ, ಆನ್‍ಲೈನ್‍ ತರಗತಿ ಬಳಸುವವರಿಗೆ, ಆನ್‍ಲೈನ್‍ ಮೀಟಿಂಗ್‍ನಲ್ಲಿ ಭಾಗವಹಿಸುವಂಥವರಿಗೆ ವಿಐ ಮೈ ಫೈ ಹೆಚ್ಚಿನ ಮೌಲ್ಯ ನೀಡುತ್ತದೆ ಎಂದು ಕಂಪೆನಿ ತಿಳಿಸಿದೆ.

ಹಗುರವಾದ, ವಿ ಮೈಫೈ 2700 ಎಂಎಎಚ್ ಬ್ಯಾಟರಿ ಹೊಂದಿದೆ. ಒಂದು ಚಾರ್ಜ್‌ನಲ್ಲಿ 5 ಗಂಟೆಗಳವರೆಗೆ ನಿರಂತರ ಸಂಪರ್ಕವನ್ನು ಒದಗಿಸುತ್ತದೆ.

ಇದನ್ನೂ ಓದಿ : ಏ. 5 ಕ್ಕೆ ನಿಗದಿಯಾಗಿದ್ದ ಪ್ರಧಾನಿ ಮೋದಿ ರಾಜ್ಯ ಪ್ರವಾಸ ರದ್ದು

ಇದರ ದರ 2 ಸಾವಿರ ರೂ. ಮೈಫೈ ಸಾಧನವನ್ನು ವಿಐ ಫ್ಯಾಮಿಲಿ ಪೋಸ್ಟ್ ಪೇಡ್‍ ಪ್ಲಾನ್‌ನೊಂದಿಗೆ ಆಡ್- ಆನ್ ಸಂಪರ್ಕವಾಗಿ ಖರೀದಿಸಬಹುದು. ಅಲ್ಲದೇ ವೈಯಕ್ತಿಕ ಪೋಸ್ಟ್ ಪೇಡ್‍ ಯೋಜನೆಗಳೊಂದಿಗೆ ರೂ. 399ರಲ್ಲಿ ಲಭ್ಯ.

ವಿಐ ಮೈಫೈ ಎಲ್ಲ ಪ್ರಮುಖ ಮಾರುಕಟ್ಟೆಗಳಲ್ಲಿ 60 ನಗರಗಳ ಆಯ್ದ ವಿಐ ಮಳಿಗೆಗಳಲ್ಲಿ ಲಭ್ಯವಿದೆ.