ಮಂಗಳವಾರದ ರಾಶಿ ಫಲ, ಇಲ್ಲಿವೆ ನಿಮ್ಮ ಗ್ರಹಬಲ

Team Udayavani, Mar 29, 2022, 7:16 AM IST

ಮೇಷ:

ಗುರುಹಿರಿಯರೊಂದಿಗೆ ಮನಸ್ತಾಪ ಮಾಡದಿರಿ. ದೇವತಾ ಕಾರ್ಯಗಳಲ್ಲಿ ಭಾಗಿ ಯಾದ ಸಂತಸ. ಮನೆಯಲ್ಲಿ ಹೆಚ್ಚಿದ ಜವಾಬ್ದಾರಿ. ಅನ್ಯರೊಡನೆ ಚರ್ಚೆಗೆ ಅವಕಾಶ ಕೊಡದಿರಿ. ಉದ್ಯೋಗ ಸ್ಥಳದಲ್ಲಿ ಹೆಚ್ಚಿದ ಗೌರವಾಧರ .

ವೃಷಭ:

ಆಸ್ತಿ ವಿಚಾರದಲ್ಲಿ ಚರ್ಚೆಗೆ ಆಸ್ಪದ ಕೊಡಬೇಡಿ. ದೂರದ ವ್ಯವಹಾರಗಳಲ್ಲಿ ಪ್ರಗತಿ. ಹಣಕಾಸಿನ ವಿಚಾರದಲ್ಲಿ ಹಿಡಿತವಿರಲಿ. ಆರೋಗ್ಯದ ವಿಚಾರದಲ್ಲಿ ಜಾಗ್ರತೆ ಇರಲಿ. ದೀರ್ಘ‌ ಪ್ರಯಾಣದಿಂದ ದೇಹಾಯಾಸ.

ಮಿಥುನ:

ಚತುರತೆಯಿಂದ ಕೂಡಿದ ಕಾರ್ಯ ವೈಖರಿ. ನಿರೀಕ್ಷಿತ ಸ್ಥಾನ ಸುಖ ವೃದ್ಧಿ. ಹಣಕಾಸಿನ ವಿಚಾರದಲ್ಲಿ ಉತ್ತಮ ಬದಲಾವಣೆ. ಸಹೋದ್ಯೋಗಿಗಳಿಂದ ಸಹಕಾರ ಲಭ್ಯ. ಜಲೋತ್ಪನ್ನ ವ್ಯವಹಾರದಲ್ಲಿ ಅಧಿಕ ಲಾಭ.

ಕಟಕ:

ಗುರುಹಿರಿಯರ ಆರೋಗ್ಯ ಗಮನಿಸಿ. ಬಂಧುಬಳಗ ಹಾಗೂ ಮಿತ್ರರಲ್ಲಿ ಪ್ರೀತಿಯಿಂದ ವ್ಯವಹರಿಸಿ. ದೇವತಾ ಕಾರ್ಯಗಳಲ್ಲಿ ಭಾಗಿಯಾಗುವ ಸಂಭವ. ಪರರಲ್ಲಿ ವ್ಯವಹರಿಸುವಾಗ ಜಾಗ್ರತೆ ಇರಲಿ. ಮಕ್ಕಳಿಂದ ಸಂತಸ ಪ್ರಾಪ್ತಿ.

ಸಿಂಹ:

ಪಾಲುದಾರರ ಕ್ಷೇತ್ರದವರಿಗೆ ಪರಸ್ಪರ ಸಹಕಾರದಿಂದ ಉನ್ನತಿ. ದೇವತಾ ಸ್ಥಳಗಳಿಗೆ ಸಂದರ್ಶನ. ಮಕ್ಕಳಲ್ಲಿ ಅತಿಯಾದ ಭರವಸೆ ಇಡದೆ ನಿಮ್ಮತನವನ್ನು ಉಳಿಸಿಕೊಳ್ಳಿ. ಮನೆಯಲ್ಲಿ ಚರ್ಚೆಗೆ ಅವಕಾಶ ಕೊಡದಿರಿ.

ಕನ್ಯಾ:

ಉತ್ತಮ ಧನಾರ್ಜನೆಯಿದ್ದರೂ ಅದಕ್ಕೆ ತಕ್ಕಂತೆ ಖರ್ಚು. ಮನೆಯಲ್ಲಿ ಮಕ್ಕಳ ಆರೋಗ್ಯದ ಬಗ್ಗೆ ಗಮನಹರಿಸಿ. ಬಂಧುಬಳಗ ದವರಿಂದ ಉತ್ತಮ ಸಹಕಾರ. ಗಣ್ಯರ ಭೇಟಿ ಸಂಭವ. ವ್ಯಾಪಾರ ವ್ಯವಹಾರದಲ್ಲಿ ಹೆಚ್ಚಿದ ಆದಾಯ.

ತುಲಾ:

ಉತ್ತಮ ವಾಕ್‌ಚತುರತೆಯಿಂದ ಕಾರ್ಯ ಸಾಧಿಸಿದ ಅನುಭವವಾದೀತು. ಅಲಂಕಾರಿಕ ವಸ್ತುಗಳ ಖರೀದಿಗಾಗಿ ಧನವ್ಯಯ. ಅವಿವಾಹಿತರಿಗೆ ಯೋಗ್ಯವಾದ ಸಂಬಂಧ ಕೂಡಿ ಬರುವ ಸಮಯ. ಆರೋಗ್ಯ ವೃದ್ಧಿ.

ವೃಶ್ಚಿಕ:

ಉದ್ಯೋಗ, ವ್ಯವಹಾರದ ಸ್ಥಳ ಗಳಲ್ಲಿ ಯಾರೊಂದಿಗೂ ಚರ್ಚೆಗೆ ಅವಕಾಶ ಕೊಡಬೇಡಿ. ವ್ಯವಹಾರ ನಿಮಿತ್ತ ಪ್ರಯಾಣ ಸಂಭವ. ಹಿರಿಯರ ಆಶೀರ್ವಾದ ನಿಮ್ಮ ಮೇಲೆ ಸದಾ ಇರಲಿದೆ. ಧನಾರ್ಜನೆಗೆ ಕೊರತೆ ಇರದು.

ಧನು:

ಆರೋಗ್ಯ ವೃದ್ಧಿ. ಮಕ್ಕಳ ವಿಚಾರದಲ್ಲಿ ಜಾಗ್ರತೆ ಇರಲಿ. ಮಾತಿನಲ್ಲಿ ಹಿಡಿತವಿರಲಿ. ದೇವತಾ ಕಾರ್ಯದಲ್ಲಿ ಭಾಗಿಯಾದ ಸಂಭ್ರಮ. ಉದ್ಯೋಗ ವ್ಯವಹಾರದಲ್ಲಿ ಹೆಚ್ಚಿದ ಜವಾಬ್ದಾರಿ. ವಿದ್ಯಾರ್ಥಿಗಳು ಓದಿನ ಕಡೆ ಹೆಚ್ಚಿನ ಗಮನಹರಿಸಿ.

ಮಕರ:

ವ್ಯಾಪಾರ ವ್ಯವಹಾರ ನಿಮಿತ್ತ ಪರಊರಿಗೆ ಪ್ರಯಾಣ ಸಂಭವ.ಮನೆಯಲ್ಲಿ ಹೆಚ್ಚಿದ ಜವಾಬ್ದಾರಿ. ದೀರ್ಘ‌ಕಾಲದ ಅನಾರೋಗ್ಯ ಸುಧಾರಿಸುವ ಕಾಲ. ಮಕ್ಕಳಿಂದ ಸಂತಸ. ಗೃಹದಲ್ಲಿ ಸಂತಸದ ವಾತಾವರಣ. ಮಾನಸಿಕ ನೆಮ್ಮದಿ.

ಕುಂಭ:

ಆರೋಗ್ಯ ವೃದ್ಧಿ. ಮನೆಯಲ್ಲಿ ಹಿರಿಯರೊಂದಿಗೆ ಚರ್ಚೆ ಮಾಡದಿರಿ. ನಿಮ್ಮ ಸ್ವಪ್ರಯತ್ನದಿಂದಾಗಿ ಉತ್ತಮ ಧನಾರ್ಜನೆಗೆ ದಾರಿ. ಸಣ್ಣ ಪ್ರಯಾಣ ಸಂಭವ. ಆಹಾರೋದ್ಯಮದಲ್ಲಿ ಹೆಚ್ಚಿದ ಆದಾಯ. ಮಾನಸಿಕವಾಗಿ ನೆಮ್ಮದಿ ಲಭಿಸುವ ದಿನ.

ಮೀನ:

ಹಿರಿಯರು ಮತ್ತು ಮಕ್ಕಳೊಂದಿಗೆ ಪ್ರೀತಿಯಿಂದ ವ್ಯವಹರಿಸಿ. ದೇವತಾ ಪ್ರಾರ್ಥನೆಯಿಂದ ಮಾನಸಿಕ ನೆಮ್ಮದಿ. ವಿದ್ಯಾರ್ಥಿಗಳಿಗೆ ಅನುಕೂಲಕರವಾದ ವಾತಾವರಣ. ಅನಗತ್ಯ ಖರ್ಚಿಗಾಗಿ ಧನವ್ಯಯ ಮಾಡದಿರಿ. ಕುಟುಂಬಿಕರೊಂದಿಗೆ ಸಣ್ಣ ಪ್ರಯಾಣ ಸಂಭವ. ಉತ್ತಮ ಆರೋಗ್ಯ.