ಕರ್ಮಫ‌ಲದ ಮೇಲೊಂದು ಚಿತ್ರ “ಇನ್ಸ್ಟಂಟ್‌ ಕರ್ಮ”

Team Udayavani, Apr 1, 2022, 11:54 AM IST

ಬಹುತೇಕ ಹೊಸ ಪ್ರತಿಭೆಗಳೇ ಸೇರಿ ನಿರ್ಮಿಸಿರುವ ಸಸ್ಪೆನ್ಸ್‌ ಕಂ ಕ್ರೈಂ-ಥ್ರಿಲ್ಲರ್‌ ಕಥಾಹಂದರದ ” ಇನ್ಸ್ಟಂಟ್‌ ಕರ್ಮ’ ಚಿತ್ರ ಇಂದು ತೆರೆಗೆ ಬರುತ್ತಿದೆ. ಯಶ್‌ ಶೆಟ್ಟಿ, ಶ್ರೇಷ್ಠಕೆಂಡ, ಅಂಜನ ದೇವ್‌, ಪ್ರಜ್ವಲ್‌ ಶೆಟ್ಟಿ, ಹರಿ ಧನಂಜಯ, ಸಂದೀಪ್‌ ಮಲಾನಿ ಮೊದಲಾದವರು ” ಇನ್ಸ್ಟಂಟ್‌ ಕರ್ಮ’ ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

“ಬ್ರೇಕ್‌ ಫ್ರೀ ಸಿನಿಮಾಸ್‌’ ಬ್ಯಾನರನಲ್ಲಿ ಸಂತೋಷ್‌ ಮಹಾಂತೇಶ್‌ ನಿರ್ಮಿಸಿರುವ “ಇನ್‌ಸ್ಟಂಟ್‌ ಕರ್ಮ’ ಚಿತ್ರಕ್ಕೆ ಸಂದೀಪ್‌ ಮಹಾಂತೇಶ್‌ ನಿರ್ದೇಶನವಿದೆ.

“ಕರ್ಮಫ‌ಲ ಸಿದ್ಧಾಂತವನ್ನು ಇಟ್ಟುಕೊಂಡು ಮಾಡಿದ ಕಥೆಯೊಂದನ್ನು ಈ ಸಿನಿಮಾದಲ್ಲಿ ಹೇಳುತ್ತಿದ್ದೇವೆ. ಈ ಜಗತ್ತಿನಲ್ಲಿ ಕರ್ಮಫ‌ಲದಿಂದ ಯಾರೊಬ್ಬರೂ ತಪ್ಪಿಸಿಕೊಳ್ಳಲು ಸಾಧ್ಯವಿಲ್ಲ. ಇಂದು ಜಗತ್ತು ತುಂಬಾ ಫಾಸ್ಟ್‌ ಆಗಿದೆ. ಹಾಗೆಯೇ, ಕರ್ಮಫ‌ಲವೂ ಅಷ್ಟೇ ಫಾಸ್ಟ್‌ ಆಗಿ ಸಿಗುತ್ತದೆ. ಮಾಡುವ ಪಾಪ-ಪುಣ್ಯದ ಕೆಲಸಕ್ಕೆ ಅಲ್ಲೇ ಪ್ರತಿಫ‌ಲ ಸಿಗುತ್ತದೆ ಅದೇ “ಇನ್‌ಸ್ಟಂಟ್‌ ಕರ್ಮ’. ನಮ್ಮ ನಡುವೆಯೇ ನಡೆಯಬಹುದಾದ ಒಂದು ಘಟನೆಯನ್ನು ಇಟ್ಟುಕೊಂಡು ಅದನ್ನು ಸಸ್ಪೆನ್ಸ್‌, ಕ್ರೈಂ-ಥ್ರಿಲ್ಲರ್‌ ಶೈಲಿಯಲ್ಲಿ ಸಿನಿಮಾದಲ್ಲಿ ಹೇಳಿದ್ದೇವೆ’ ಎನ್ನುವುದು ಚಿತ್ರದ ಕತಾಹಂದರದ ಬಗ್ಗೆ ಚಿತ್ರತಂಡದ ಮಾತು.

ಇದನ್ನೂ ಓದಿ:ಆರ್‌ಜಿವಿ ಡೇಂಜರಸ್‌ ಸ್ಟೋರಿ! ಸಲಿಂಗಕಾಮದ ಸುತ್ತ ‘ಕತ್ರಾ ಡೇಂಜರಸ್‌’

“ಇನ್‌ಸ್ಟಂಟ್‌ ಕರ್ಮ’ ಚಿತ್ರದ ಹಾಡುಗಳಿಗೆ ಸೂರಜ್‌ ಜೋಯ್ಸ ಸಂಗೀತ ಸಂಯೋಜಿಸಿದ್ದಾರೆ. ಚಿತ್ರಕ್ಕೆ ಭಾಸ್ಕರ್‌ ರೆಡ್ಡಿ ಛಾಯಾಗ್ರಹಣ, ಸುರೇಶ ಆರುಮುಗಂ ಸಂಕಲನವಿದೆ. ಈಗಾಗಲೇ ಬಿಡುಗಡೆಯಾದ “ಇನ್ಸ್ಟಂಟ್‌ ಕರ್ಮ’ದ ಪೋಸ್ಟರ್‌, ಟ್ರೇಲರ್‌ಗೆ ಎಲ್ಲೆಡೆಯಿಂದ ಉತ್ತಮ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದ್ದು, ಸಿನಿಮಾ ಕೂಡ ಪ್ರೇಕ್ಷಕರಿಗೆ ಇಷ್ಟವಾಗಲಿದೆ ಎಂಬ ವಿಶ್ವಾಸದಲ್ಲಿದೆ ಚಿತ್ರತಂಡ.