ಹುಣಸೂರು: ಅಕ್ರಮ ಮದ್ಯ ಸಾಗಾಟ; ವಾಹನ ಸಹಿತ ಮದ್ಯ ವಶ, ಆರೋಪಿ ಪರಾರಿ

Team Udayavani, Apr 3, 2022, 10:00 PM IST

ಹುಣಸೂರು: ಬೈಕಿನಲ್ಲಿ ಅಕ್ರಮವಾಗಿ ಮದ್ಯ ಸಾಗಿಸುತ್ತಿದ್ದ ವೇಳೆ ಅಬಕಾರಿ ಇಲಾಖೆ ಸಿಬ್ಬಂದಿಗಳನ್ನು ಕಂಡು ಮದ್ಯ ಸಹಿತ ಬೈಕನ್ನು ಬಿಟ್ಟು ಸವಾರ ಪರಾರಿಯಾಗಿರುವ ಘಟನೆ ಹುಣಸೂರು-ಕೆ.ಆರ್.ನಗರ ಮುಖ್ಯರಸ್ತೆಯಯಲ್ಲಿ ನಡೆದಿದೆ.

ಬೈಕಿನಲ್ಲಿ ಅಕ್ರಮವಾಗಿ ಮದ್ಯ ಸಾಗಿಸುತ್ತಿರುವ ಬಗ್ಗೆ ಬಂದ ಮಾಹಿತಿ ಮೇರೆಗೆ ಅಬಕಾರಿ ಇನ್ಸ್ಪೆಕ್ಟರ್ ನಾಗಲಿಂಗಸ್ವಾಮಿ ಹಾಗೂ ಸಿಬ್ಬಂದಿಗಳು ಹುಣಸೂರು-ಕೆ.ಆರ್.ನಗರ ಮುಖ್ಯರಸ್ತೆಯಲ್ಲಿ ಕಾದು ಕುಳಿತಿದ್ದ ವೇಳೆ ಮದ್ಯದ ಸ್ಯಾಚೆಟ್ ತುಂಬಿದ್ದ ಪ್ಲಾಸ್ಟಿಕ್ ಚೀಲವಿಟ್ಟುಕೊಂಡು ಬರುತ್ತಿದ್ದ ಬೈಕನ್ನು ತಡೆದ ವೇಳೆ ಆರೋಪಿಯು ಬೈಕ್ ಬಿಟ್ಟು ಪರಾರಿಯಾಗಿದ್ದಾನೆ. ಆರೋಪಿ ಸಾಗಿಸುತ್ತಿದ್ದ 4.5 ಲೀಟರ್ ಮದ್ಯದ ಸ್ಯಾಚೆಟ್ ವಶಕ್ಕೆ ಪಡೆದು ಬೈಕ್ ಮಾಲಿಕನ ವಿರುದ್ದ ಪ್ರಕರಣ ದಾಖಲಿಸಲಾಗಿದೆ ಎಂದು ಇನ್ಸ್ಪೆಕ್ಟರ್ ನಾಗಲಿಂಗಸ್ವಾಮಿ ತಿಳಿಸಿದ್ದಾರೆ.

ಕಾರ್ಯಾಚರಣೆಯಲ್ಲಿ ಸಿಬ್ಬಂದಿಗಳಾದ ಮಂಜುನಾಥ್, ಸಂತೋಷ್, ರಾಮಚಂದ್ರರವರು ಭಾಗವಹಿಸಿದ್ದರು.