ಲಕ್ನೋ, ಅಹ್ಮದಾಬಾದ್‌ನಲ್ಲಿ ಐಪಿಎಲ್‌ ನಾಕೌಟ್‌ ಪಂದ್ಯ?

Team Udayavani, Apr 4, 2022, 10:51 PM IST

ಹೊಸದಿಲ್ಲಿ: ಐಪಿಎಲ್‌ ಪ್ಲೇ ಆಫ್ ಪಂದ್ಯಗಳು ಎಲ್ಲಿ ನಡೆಯಬಹುದು ಎಂಬ ಕುತೂಹಲ ಕ್ರಿಕೆಟ್‌ ಪ್ರೇಮಿಗಳದ್ದು. ಲೀಗ್‌ ಪಂದ್ಯಗಳೆಲ್ಲ ಮಹಾರಾಷ್ಟ್ರದ 4 ತಾಣಗಳಲ್ಲಿ ನಡೆದ ಬಳಿಕ ತಮಗೂ ಐಪಿಎಲ್‌ ಪಂದ್ಯಗಳನ್ನು ಸವಿಯುವ ಭಾಗ್ಯ ಸಿಗಬಹುದೇ ಎಂಬ ಕಾತರದಲ್ಲಿದ್ದಾರೆ ಅನ್ಯ ರಾಜ್ಯಗಳ ಕ್ರಿಕೆಟ್‌ ಅಭಿಮಾನಿಗಳು.

ಪ್ಲೇ ಆಫ್ ಪಂದ್ಯಗಳನ್ನು ಅಹ್ಮದಾಬಾದ್‌ನಲ್ಲಿ ನಡೆಸಲಾಗುವುದು ಎಂದು ಈ ಮೊದಲು ವರದಿಯಾಗಿತ್ತು. ಆದರೆ ಅಹ್ಮದಾಬಾದ್‌ ಜತೆಯಲ್ಲೇ ಈಗ ಲಕ್ನೋ ಹೆಸರು ಕೂಡ ಕಾಣಿಸಿಕೊಂಡಿದೆ. ಆಗ ಎರಡು ನೂತನ ಫ್ರಾಂಚೈಸಿಗಳ ಕೇಂದ್ರಗಳಿಗೆ ಪ್ಲೇ ಆಫ್ ಪಂದ್ಯಗಳನ್ನು ಹಂಚಿದಂತಾಗುತ್ತದೆ.

ಇದನ್ನೂ ಓದಿ:ಐಪಿಎಲ್‌: ಯುವ ವೇಗಿ ವೈಭವ್‌ ಅರೋರಾ; ವೈಭವದ ಆರಂಭ

ಎಲ್ಲವೂ ಯೋಜನೆಯಂತೆ ಸಾಗಿದರೆ ಲಕ್ನೋಗೆ ಮೊದಲ ಕ್ವಾಲಿಫೈಯರ್‌ ಮತ್ತು ಎಲಿಮಿನೇಟರ್‌ ಪಂದ್ಯದ ಆತಿಥ್ಯ ಲಭಿಸಬಹುದು.

ಅಹ್ಮದಾಬಾದ್‌ಗೆ ದ್ವಿತೀಯ ಕ್ವಾಲಿಫೈಯರ್‌ ಮತ್ತು ಫೈನಲ್‌ ಆತಿಥ್ಯ ಸಿಗುವ ಸಾಧ್ಯತೆ ಇದೆ. ಬಿಸಿಸಿಐ ಶೀಘ್ರದಲ್ಲಿ ಈ ತಾಣಗಳನ್ನು ಅಂತಿಮಗೊಳಿಸಲಿದೆ ಎಂದು ಮೂಲವೊಂದು ತಿಳಿಸಿದೆ.