ಗಾಳಿ-ಮಳೆಯಿಂದ ಹಾನಿ: ದಾಕುಹಿತ್ಲು: 36 ತಾಸಿಗೂ ಹೆಚ್ಚು ಕಾಲ ವಿದ್ಯುತ್‌ ಸ್ಥಗಿತ

Team Udayavani, Apr 5, 2022, 6:30 AM IST

ಗಂಗೊಳ್ಳಿ: ರವಿವಾರ ಸಂಜೆಯ ಭಾರೀ ಗಾಳಿ – ಮಳೆಗೆ ವಿದ್ಯುತ್‌ ಕಂಬ ಹಾಗೂ ತಂತಿಯ ಮೇಲೆ ಬೃಹತ್‌ ಮರ ಬಿದ್ದ ರವಿವಾರ ಸಂಜೆ ಕಡಿತಗೊಂಡ ಗಂಗೊಳ್ಳಿಯ ದಾಕುಹಿತ್ಲುವಿನ ಸುಮಾರು 40ಕ್ಕೂ ಹೆಚ್ಚು ಮನೆಗಳಿಗೆ ನಿರಂತರ 36 ಗಂಟೆಗಳಿಗೂ ಹೆಚ್ಚು ಕಾಲದಿಂದ ವಿದ್ಯುತ್‌ ಇಲ್ಲವಾಗಿದೆ.

ಗಾಳಿಯಬ್ಬರಕ್ಕೆ ಬೃಹತ್‌ ಮರವೊಂದು ಉರುಳಿ ಬಿದ್ದು ತಂತಿ ತುಂಡಾಗಿದೆ. ಇಲ್ಲಿರುವ ಇನ್ನೊಂದು ಮರ ಬೀಳುವ ಅಪಾಯವಿರುವುದರಿಂದ ಅದನ್ನು ತೆರವುಗೊಳಿಸದೆ ಸಂಪರ್ಕ ಕೊಟ್ಟರೆ ಕಷ್ಟ ಎನ್ನುವುದಾಗಿ ಮೆಸ್ಕಾಂ ಅಧಿಕಾರಿಗಳು ತಿಳಿಸಿದ್ದಾರೆ. ಮಂಗಳವಾರ ಬೆಳಗ್ಗಿನವರೆಗೂ ವಿದ್ಯುತ್‌ ಸಂಪರ್ಕ ಕಷ್ಟ ಎಂದಿದ್ದಾರೆ.

ಇದನ್ನೂ ಓದಿ:ಅರಬ್ಬೀ ಸಮುದ್ರದಲ್ಲಿ ಮೀನುಗಾರಿಕಾ ಬೋಟ್‌ ಮುಳುಗಡೆ; ಬೋಟ್‌ನಲ್ಲಿದ್ದವರ ರಕ್ಷಣೆ

ಐದು ಕಂಬ ಧರೆಗೆ
ಗಂಗೊಳ್ಳಿಯ ಆಸುಪಾಸಿನಲ್ಲಿ ಲೈಟ್‌ ಹೌಸ್‌ ಹೋಗುವ ರಸ್ತೆಯ ಸುಲ್ತಾನ್‌ ಕೇರಿಯಲ್ಲಿ 2 ವಿದ್ಯುತ್‌ ಕಂಬಗಳಿಗೆ ಹಾನಿಯಾಗಿದೆ. ರಾಮಮಂದಿರ ಬಳಿ 2 ಸೇರಿದಂತೆ ಒಟ್ಟು 5 ವಿದ್ಯುತ್‌ ಕಂಬಗಳು ಧರೆಗುರುಳಿವೆ. ಸೋಮವಾರ ಸಂಜೆ ವೇಳೆಗೆ ಮೆಸ್ಕಾಂ ಅಧಿಕಾರಿಗಳು, ಸಿಬಂದಿಯ ನಿರಂತರ ಪ್ರಯತ್ನದಿಂದ ಸರಿಪಡಿಸಲಾಗಿದೆ.