ಮಾರ್ಗೋಳಿ: ಮೋರಿ ಕಾಮಗಾರಿ ಪೂರ್ಣ

Team Udayavani, Apr 5, 2022, 1:02 PM IST

ಬಸ್ರೂರು: ಬಸ್ರೂರು ಮಾರ್ಗೋಳಿಯಲ್ಲಿ ಮೋರಿ ಹಾಗೂ ಚರಂಡಿ ನಿರ್ಮಾಣ ಕಾಮಗಾರಿ ಪೂರ್ಣಗೊಂಡಿದ್ದು, ಇದರಿಂದ ರಸ್ತೆ ಮೇಲೆ ಮಳೆಗಾಲದಲ್ಲಿ ನೀರು ನಿಂತು ವಾಹನ ಸಂಚಾರಕ್ಕೆ ಅಡ್ಡಿಯಾಗುತ್ತಿರುವುದಕ್ಕೆ ಮುಕ್ತಿ ಸಿಕ್ಕಂತಾಗಿದೆ.

ಮಾರ್ಗೋಳಿಯಲ್ಲಿ ಮುಚ್ಚಿ ಹೋದ ಮೋರಿಯನ್ನು ತೆಗೆದು ನೂತನ ಮೋರಿಯನ್ನು ಲೋಕೋಪಯೋಗಿ ಇಲಾಖೆಯಿಂದ 5 ಲಕ್ಷ ರೂ. ಅನುದಾನದಲ್ಲಿ ನಿರ್ಮಿಸಲಾಗಿದೆ. ಜತೆಗೆ ಮೋರಿಯ ಎರಡೂ ಬದಿಯಲ್ಲಿ ಮುಚ್ಚಿ ಹೋದ ಚರಂಡಿಯಿದ್ದಲ್ಲಿ ಐದು ಲಕ್ಷ ರೂ. ಅನುದಾನದಲ್ಲಿ ನೂತನ ಚರಂಡಿ ವ್ಯವಸ್ಥೆ ಮಾಡಲಾಗಿದ್ದು, ಮುಂದಿನ ಮಳೆಗಾಲದಲ್ಲಿ ಈ ಭಾಗದಲ್ಲಿ ರಸ್ತೆಯ ಮೇಲೆ ನೀರು ಹರಿಯದೆ ಯಾವುದೇ ಅನಾಹುತ ಸೃಷ್ಟಿಯಾಗುವ ಸಾಧ್ಯತೆ ಕಡಿಮೆಯಾಗಿದೆ.

ಈ ಬಗ್ಗೆ ಉದಯವಾಣಿ ಸುದಿನವು ವರದಿಯನ್ನು ಪ್ರಕಟಿಸಿ, ಗಮನಸೆಳೆದಿತ್ತು.