ಕೆಜಿಎಫ್2-ಬೀಸ್ಟ್ ಎಫೆಕ್ಟ್ : ಕನ್ನಡದಲ್ಲಿ ಈ ವಾರ ಮೂರೇ ಚಿತ್ರ ರಿಲೀಸ್‌

Team Udayavani, Apr 5, 2022, 2:43 PM IST

ಕಳೆದ ವಾರ (01) ಬರೋಬ್ಬರಿ ಆರು ಸಿನಿಮಾಗಳು ತೆರೆಕಂಡಿದ್ದವು. ಹಾಗಾದರೆ ಈ ವಾರ ಎಷ್ಟು ಸಿನಿಮಾ ರಿಲೀಸ್‌ ಆಗುತ್ತಿದೆ ಎಂದು ಕೇಳಿದರೆ ಉತ್ತರ 3 ಸಿನಿಮಾ.

ಹೌದು, ಸದ್ಯ “ತ್ರಿಕೋನ’, “ವರ್ಣ ಪಟಲ’ ಹಾಗೂ ಹೊಸಬರ “ದಂಡಿ’ ಚಿತ್ರಗಳಷ್ಟೇ ಏ.08ರಂದು ಬಿಡುಗಡೆ ಮಾಡುವುದಾಗಿ ಘೋಷಿಸಿಕೊಂಡಿವೆ. ಮಿಕ್ಕಂತೆ ಕನ್ನಡದಿಂದ ಯಾವ ಚಿತ್ರವೂ ಅನೌನ್ಸ್‌ ಆಗಿಲ್ಲ. ಇದಕ್ಕೆ ಕಾರಣವೇನೆಂದು ನೀವು ಕೇಳಿದರೆ ಮುಂದಿನ ವಾರ ತೆರೆಕಾಣುತ್ತಿರುವ”ಕೆಜಿಎಫ್-2′ ಹಾಗೂ ತಮಿಳಿನ “ಬೀಸ್ಟ್‌’ ಚಿತ್ರ ಎನ್ನಬಹುದು.

ಈ ಎರಡು ಚಿತ್ರಗಳು ಏ.13 ಹಾಗೂ 14ರಂದು ತೆರೆಕಾಣುತ್ತಿದೆ. ಬೀಸ್ಟ್‌ ಏ.13ಕ್ಕೆ ತೆರೆಕಂಡರೆ, ಕೆಜಿಎಫ್ 2 ಏ.14ರಂದು ತೆರೆಗೆ ಬರುತ್ತಿದೆ. ಸದ್ಯ ಪ್ಯಾನ್‌ ಇಂಡಿಯಾ ಮಟ್ಟದಲ್ಲಿ ಕ್ರೇಜ್‌ ಹುಟ್ಟಿಸಿರುವ ಸಿನಿಮಾ ಎಂದರೆ ಅದು ಕನ್ನಡದಿಂದ ತಯಾರಾಗಿರುವ “ಕೆಜಿಎಫ್-2′ ಚಿತ್ರ. ಇತ್ತೀಚೆಗೆ ಬಿಡುಗಡೆಯಾದ ಈ ಚಿತ್ರದ ಟ್ರೇಲರ್‌ 250 ಪ್ಲಸ್‌ ಮಿಲಿಯನ್‌ ವೀವ್ಸ್‌ ನೊಂದಿಗೆ ಮುನ್ನುಗ್ಗುತ್ತಿದೆ.  ಈ ಚಿತ್ರ ಏ.14ರಂದು ತೆರೆಗೆ ಅಪ್ಪಳಿಸಲಿದೆ.

ಇದನ್ನೂ ಓದಿ: ತೂತು ಮಡಿಕೆಯಲ್ಲಿ ಸ್ವಾರ್ಥ,ದುರಾಸೆ!

ಇದರ ಜೊತೆಗೆ ತಮಿಳಿನ ವಿಜಯ್‌ ನಟನೆಯ “ಬೀಸ್ಟ್‌’ ಚಿತ್ರ ಏ.13ರಂದು ಬಿಡುಗಡೆಯಾಗಲಿದೆ. ಈ ಎರಡು ಸ್ಟಾರ್‌ಗಳ ಮಧ್ಯೆ ಹೊಸಬರು ತಮ್ಮ ಸಿನಿಮಾ ಬಿಡುಗಡೆ ಮಾಡಿದರೆ ಕೈ ಸುಟ್ಟುಕೊಳ್ಳುವ ಸಾಧ್ಯತೆ ಇದೆ.

ಇದೇ ಕಾರಣದಿಂದ ಈ ವಾರ ಹೆಚ್ಚಿನ ಸಂಖ್ಯೆಯಲ್ಲಿ ಹೊಸಬರ ಸಿನಿಮಾ ತೆರೆಕಾಣುತ್ತಿಲ್ಲ. ಸರಿಯಾಗಿ ಒಂದು ವಾರವೂ ಸಿಗದಿರುವಾಗ ಯಾಕಾಗಿ ಬಿಡುಗಡೆ ಮಾಡಬೇಕೆಂಬ ಲೆಕ್ಕಾಚಾರ ಹೊಸಬರದು. ಹಾಗಾಗಿ, ಸ್ಟಾರ್‌ಗಳ ಅಬ್ಬರದಿಂದ ಹೊಸಬರು ಈ ವಾರ ದೂರವಿದ್ದಾರೆ. ಆದರೆ, ಏ. 29ರಿಂದ ಮೇ ತಿಂಗಳು ಪೂರ್ತಿ ಹೊಸಬರದ್ದೇ ಜಾತ್ರೆ ನಡೆಯಲಿದೆ.